Johan 20:17 - Matu Chin New Testament 2006

¹⁷ Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Matu Bible

¹⁷ Jesuh loh, “Kai n'taek boeh, Pa taengla ka caeh hlan dongah. Ka manuca rhoek taengah cet lamtah amih te, 'A pa neh na pa la aka om tih Kai kah Pathen neh nangmih kah Pathen taengah ka cet ni,' tila thui pa dae,” a ti nah.

Johan 20:17 Iomraidhean Croise

Mathai 12:50

A-u khaw vaan ah aka awm a Pa kawngaih aka sai tah ka maya, ka manau, ka ngannu oen a nu ni,” a tina.

Mathai 25:40

Sengpahrang lawng, ‘Atak tang kavan thui u; He kah ka boenhui huhsit koek pakhat tengah na sai u te ka sawah na sai u poen ni,’ a tina ai.

Mathai 28:7

Tahe ah aloela cet langtah a hubang hue tengah, ‘Ahih tah duekna kalawng tho koep poen; nangmi haiah Galili la cet vetih te ah ahih te na huh u ai!” tila thui pe uh. Kavan thui he hilh boel,” a tina.

Marku 12:26

Thlaangduek thawhkoepna kawng: Mosi kah cabu dawngah tangpuem a ungna kawng awl te na tae noek u nawh aw? Te cabu dawngah a thut tah Pathen lawng Mosi nala, “Kai tah Abraham Pathen, Isak Pathen, oen Jakob Pathen la ka awm,” a tina te ta.

Marku 16:19

Bawipa Jesuh lawng ahimi te awl a thui pe coengah vaan la luui tih Pathen bantang ben ah te ngawl.

Luka 10:4

Nangmi lawng tangka bawm khawseh, sawngsa khawseh, khawmuek khaw khuen u boel; a-u thlaang khaw voemtoei hamla lawngpueng ah cot pai boel.

Johan 13:1

Te tah Kaantaak Poei apha tawm Khawhin poen ni. Jesuh lawng he dilai he ceh taak tih Pa tengla ceh hamla atue apha poen tite a ming. Ahih lawngah he dilai kah a hubang hue te a lungna tih aboet toela a lungna.

Johan 13:3

Jesuh lawngah tharana cungkuem ana Pa lawng a peek te a ming; ahih lawngah Pathen tengkah ka law tih Pathen tengla ka cet ai ti khaw a ming.

Johan 14:2

A Pa im ah ahuen yahawh hlang awm tih nangmi ham ah ahuen roekbah hamla ka cet ai. Awm nawh kawinih nangmi tengah kavan thui nawh mue.

Johan 14:28

‘Kai tah ka cet ai, tede nangmi tengla ka law koep ai, kan tina te na yaak u poen.’ Kai he nan lungna u atah a Pa tengla ka cet ai ka ti he na awmngaih ham awm; metihtiah ahih tah kai lak ah aka lenduet ni.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 16:28

Kai tah a Pa teng kalawng dilai dawngla ka law, dilai he ka ceh taak vetih a Pa tengla ka cet ai.” a tina.

Johan 17:11

Tahe tah na tengla ka law poen ai; dilai ah ka awm tlaih manawh, tede ahimi tah dilai ah awm ai. Aka ciim a Pa! nang oen kai tah pumkhat la n'awm van angla ahimi khaw pumkhat la a awm u van ham nang lawngah nan peek huham tharana namah miing oen ah te ading asuekla thlipdah lah.

Johan 17:25

Aka doeng a Pa! Dilai lawng nang m'ming nawh de kai lawngtah kan ming tih nang lawngah kai he nan tuih tite he thli lawng a ming u.

Johan 17:5

A Pa! Dilai sai thlan ah namah oen awm haih vengkah ruep-awmna te ang van te tahe namah haiah ruep-awmna te m'pe lah.

Johan 20:27

Tecoengah Tawmas nala te, “Na kutdawn thli te ka kut dawngah khueh langtah ka kut he bueh lah; na kut te yueng langtah ka vee he yutt yam lah. Uepvoet tlaih boel, tangna loeih!” a tina.

Johan 7:33

Jesuh lawngah, “Kai he nangmi tengah kawlkalh ni ka awm ai, tecoeng atah kai aka tuihkung tengla ka cet ai.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

2Korin 6:18

Kai tah nangmi kah na pa la ka awm vetih, nangmi tah ka canu oen capa la na awm u ai, tila Thara koek Bawipa lawng a thui,” ti.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Hebrew 11:16

Ahimi lawng atheen ngaai ram, vaan benkah ram te ni a ngaai u. Pathen lawng ahimi ham ram pakhat te a roekbah pe dawngah ahimi lawng Pathen te a Pa tila a khue u vengah Pathen tah yak nawh.

Hebrew 8:10

Tecoengah Bawipa lawng, “Aka law ham koei khawhin ah Israel thlaangphun oen he tila paipi te ka sai ai; Kai lawngah kamah kah phungawl thli te a thinkaw ah Ka khueh pe vetih a lungbui ah ka thut pe ai. Kai tah ahimi kah Pathen la ka awm vetih ahimi tah ka thlaangphun la awm ai.

1Peter 1:3

Mami Bawipa Jesuh Khrih kah ana Pa oen Pathen te mami lawng uem u lah sih! Metihtiah aka lenduet a lungna lawngah Jesuh Khrih te duekna kalawng a thawh sakna rang oen mami he hingna a thaai m'peek poen. Tedawngah mami tah aka hing ngaiuepna oen m'betoet u,

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.

Olphong 21:3

Bawingawlhcoen dawng kalawng awl angaihhlangla a thui te ka yaak: “Tahe tah Pathen im te thlaanghing tengah awm poen! Pathen tah ahimi oen awm haih vetih ahimi tah Pathen kah thlaang la awm poen ai. Pathen amah roe te ahimi oen awm haih vetih ahimi kah Pathen la awm poen ai.

Olphong 21:7

Taakung la aka awm boeih lawngtah ka tengkah thaihu he a dang ai: Kai tah ahimi kah Pathen la ka awm vetih ahimi tah kai kah ca anau la awm ai.