Johan 2:4 - Matu Chin New Testament 2006

⁴ Jesuh lawngah, “Nang lawng sai koei te van thui boel, kai lawng sai hamla atue pha thlan.” a tina.

Matu Bible

⁴ Tedae Jesuh loh a manu taengah, “Huta, nang neh kai taengah balae aka om? Kai kah a tue te ha pawk hlan,” a ti nah.

Johan 2:4 Iomraidhean Croise

Mathai 15:28

Tedawngah Jesuh lawng, “Nang tah oengcakna aka khueh hutaa ni! na ngaihna angla coengg hawn seh,” a tina. Teveng tue roe ah a canu te hoeih pahoei.

Mathai 8:29

Ahih rawi lawng, “Nang Pathen Capa, kaihih sawah n'tu sai ham na ngaih? Atue akhoek thlan ah kaihih he dantat hamla na law aw?” tila paang hih.

Luka 2:49

Jesuh lawng ana pa yuvaa te, “N'tu ham kai he nan tlap hih! Kai he a Pa im ah ka awm ti he na ming hih nawh aw?” a tina.

Johan 12:23

Jesuh lawng ahih rawi nala te, “Thlaanghing Capa lawng aka lenduet ruep-awmna dang hamla tahe ah atue a pha poen.

Johan 13:1

Te tah Kaantaak Poei apha tawm Khawhin poen ni. Jesuh lawng he dilai he ceh taak tih Pa tengla ceh hamla atue apha poen tite a ming. Ahih lawngah he dilai kah a hubang hue te a lungna tih aboet toela a lungna.

Johan 2:3

Misurtui te a boeih dawngah Jesuh te a manu lawng, “Misurtui khueh u tlaih nawh.” a tina.

Johan 20:13

Ahih rawi lawngah, “Hutaa nang, n'tu ah na rah khiing?” a tina hih. Ahih lawngah, “Ka Bawipa he a khuen u poen, mela nuem a khueh u ka ming nawh he!” a tina.

Johan 20:15

Jesuh lawngah, “N'tu ah na rah khiing oh ca? Nang lawng a-u nuem na tlap de?” a tina. Ahih te dumtoetkung la a poek tih,” Saya, ahih te na lawh oh atah van thui lah, mela nuem na khueh, ka cet silang tah ka lo ai” a tina.

Johan 7:30

Te vengah te ahimi lawng ahih te tuuk ham a yawm u de ahih kah atue a pha thlan dawngah a-u khat lawngkhaw tu u nawh.

Johan 7:6

Jesuh lawng ahimi nala te, “Kai ham atue atang pha thlan hun. Nangmi ham tah me ang atue atang khaw theen mai ta.

Johan 7:8

Te kah poei la te nangmi cet uh, kai ham tah atue a pha thlan dawngah te poei la te kai tah ka cet manawh.” a tina.

Johan 8:20

Jesuh lawng he kah awl boeih he Tempal bok-im khuikah tangka khuehna kong tengah a cang puei u vengah te a thui. Tede amah kah atue te a pha thlan dawngah a-u lawngkhaw a hih te tu u nawh.

2Korin 5:16

Tedawngah tahe atah kaimi lawng a-u khat khaw thlaanghing siing oen ah alan atang ka thlit u tlaih nawh. N'hu veng atah Khrih he khaw thlaanghing siing angla alan atang ka thlit u de tahe atah te tila ka sai u tlaih nawh.