Johan 2:19 - Matu Chin New Testament 2006

¹⁹ Jesuh lawng, “He kah Tempal bok-im he phe uh, hin thum khuiah ka sak koep ai.” a tina.

Matu Bible

¹⁹ Jesuh loh amih te a doo tih, “Hekah Bawkim he phae uh lamtah a thum hnin ah ka thoh ni,” a ti nah.

Johan 2:19 Iomraidhean Croise

Mathai 12:40

Jonah tah nga bung khuiah yiin daai hin thum a awm angla Thlaanghing Capa khaw yiin daai hin thum dilai khuiah awm van ai.

Mathai 16:21

Teveng tue kalawng ah Jesuh lawng a hubang hue tengah, “Jerusalem la ka cet vetih Judah ahaamca thli oen khawsoeih ahaamca thli oen ah phungawl cangpueikung thli lawng patang n'khang sak ai, kai he ng'ngawn u ai, tede athum hin ah thawh sak koep la ka awm vetih ka hing ai,” tila acairaula a thui pe.

Mathai 27:40

Tempal bok-im te aka phe tih hin thum ah aka sa koep ham koei! Pathen Capa la na awm atah namah oen namah thlawn u lah saw! Thinglam dawng kalawng rum thuk lah!” a tina u.

Mathai 27:63

“Bawipa hoem thui thlaang ahih lawng te a hing vengah, ‘Kai tah duekna kalawng ka tho koep ai’ tila a thui te ka ming u.

Marku 14:58

“Ahih lawngah, ‘He Tempal bok-im thlaanghing kah a sak he ka phe vetih, thlaanghing lawng a sak nawh pakhat te hin thum khuiah ka sak ai,’ tila a thui te ka yaak u”, ti.

Marku 15:29

Te kah aka cet paitai thli lawngkhaw, a luu te halh a voeih u tih Jesuh te a tamdeng kawkhahna u: “Aw! Nang aw, Tempal bok-im te ka phe vetih hin thum khuiah ka sak koep ai na ti!.

Marku 8:31

Tecoengah Jesuh lawng a hubang hue te cang puei ham a tong: “Thlaang-hing Capa lawng patang a khang vetih ahaamca thli, khawsoeih ahaamca thli oen Phungawl cangpueikung thli lawngah a hoett u ai. Ahih te a ngawn u ai, tede hin thum coengah tho koep ai a tina.

Johan 11:25

Jesuh lawng Marta nala te, “Kai tah thawhkoepna oen hingna ni. A-u khaw kai he aka tangna tah duek mai cakhaw hing ai;

Johan 5:19

Tedawngah Jesuh lawng ahimi te, “Awltak kavan thui u; Capa lawngah amah ngaih ah thaihu khat khaw sai thai nawh; ana Pa lawng a sai thaihu a huh te ni a sai. Ana Pa lawng a sai te Capa lawngkhaw a sai van.

Caeltueih 2:24

Tede, Pathen lawngah ahih te duekna thara khui kalawng a loeih sak tih a thawh sak poen, metihtiah ahih te duekna lawngah thongtla angla tu khaklal thai nawh.

Caeltueih 2:32

Pathen lawng Jesuh te duekna kalawng a thawh sak tite aka mingkung tah kaimi ni.

Caeltueih 3:15

Nangmi lawngah hingna benla aka ceh puei thlaang te na ngawn u, tede Pathen lawng ahih te duekna kalawng a thawh sak poen, tite aka mingkung tah kaimi ni.

Caeltueih 3:26

Tedawngah Pathen lawng a Tuihyoeih-thlaang te a tuek tih nangmi lawng thawlhna te na ceh taak u tih nangmi boeih te yotheenna peek hamla nangmi tengah lamhacuekla avan tuih.” a tina.

Caeltueih 6:14

Nazaret khaaw kah Jesuh lawngah Tempal bok-im he a phe vetih Mosi kah peek phung boeih te a thaw pan ai tila a thui te kaimi lawng ka yaak u!” tila a thui u.

Rom 4:24

Jesuh Khrih mami Bawipa duekna kalawng koep aka thawhsakkung te oengna rang oen thlaangdoeng la a pawm mami ham khaw a thut van.

Rom 6:4

Tecoengah mami baptisma n'dang vengah mami tah ahih oen up haih la awm tih a duekna ah n'duek haih u, Khrih tah Pa kah ruep-awmna huham lawng duekna kalawng a thawh sak koep angla mami khaw hingna athaai oen hingna van ham ni.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

1Korin 15:12

Tahe vengah he Khrih tah duekna kalawng tho koep tite kaimi lawng kavan phawng u lal maiah nangmi timkah thlaang khatsut lawng thlaangduek he tho koep tang manawh na ti u thai?

Kolosa 2:12

Metihtiah nangmi lawng Baptisma na dang u vengah te Khrih oen haih up la na awm u poen tih duekna kalawng Khrih thawhsakkung Pathen kah huham tharana te nangmi lawng na oengna rang oen ah Khrih oen na tho haih u van poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,