Johan 18:28 - Matu Chin New Testament 2006

²⁸ Mincanghi ah Jesuh te Kaiafas im kalawng ukkung bawi impui la te a khuen u. Aana khuehkung Judah thlaang thli lawngah Kaantaak poei buh te caak thaina ham amami te bokna phung angla ciimcaih ham a ngaih u dawngah ukkung bawi impui khuila kuun u nawh.

Matu Bible

²⁸ Te phoeiah Jesuh te Kaiaphas taeng lamloh khoboeiyung la a khuen uh. Tedae a yue aih pueng dongah amih te khoboeiyung la kun uh pawh. Te daengah ni boi uh pawt vetih yoom te a vael mong eh.

Johan 18:28 Iomraidhean Croise

Mathai 27:27

Tecoengah Pilat kah raalkap hue lawng Jesuh te ram ukbawi kah impui la a khuen u tih raalkap bu khat lawng a voel khoep.

Marku 15:16

Raalkap thli lawngah Jesuh te ram ukbawi kah impui talawng vawngup khuila te a ceh puei u tih raalkap bu khat te a khue tih tun kueng u.

Luka 22:66

Khaw a daai veng atah Judah thlaang ahaamca thli, khawsoeih haam thli oen Phungawl cangpueikung thli te tun huh u tih Jesuh te awlcekkung thli khonsil haiah avan law puei u.

Johan 11:55

Kaantaak Poei atue te yoeii tih poei a pha thlan ah aphung angtoekla bokna ben kah ciimcaihna te sai ham ram pum kah thlaang akuum ngaai tah Jerusalem la cet u.

Johan 18:13

Lamhacuekla Annas tengla a khuen u. Ahih tah te kum ah Khawsoeih Bawi la aka awm Kaiafas kah a mase la awm.

Johan 18:15

Simon Piter oen atloe hubang pakhat lawng Jesuh te a hu ah a vai hih. Te kah hubang pakhat te Khawsoeih Bawi oen ming u, tedawngah ahih lawng Jesuh oen Khawsoeih Bawi kah impui vawngup khuila te cet,

Johan 18:33

Pilat bawi lawngah impui khuila koep kuun tih Jesuh te a khue, “Nang he Judah Sengpahrang aw?” tila a doet.

Johan 18:39

Tede namami kah phung angla Kaantaak poei vengah kai lawng thongtla thlaang pakhat ka thlah poepa. Nangmi lawng Judah sengpahrang he thlah sak ham na ngaih u aw?” tila a doet.

Johan 19:11

Jesuh lawngah, “Nang lawng ka sawah aana na khueh he Pathen lawng m'peek dawngah ni. Tedawngah na kut dawngah kai aka pekung te a thawlhna bo tare ngai,” a tina.

Johan 19:14

Teveng te tah Kaantaak Poei huet hin hingthun tawm poen ni. Pilat lawngah thlaangping nala te, “Na sengpahrang he bueh u lah!” a tina.

Johan 19:9

Ahih lawngah impui khuila cet koep phai tih Jesuh te, “Nang he ame kalawng na law?” tila a doet. Tede Jesuh lawng awl thung pe nawh.

Caeltueih 10:28

Tevengah ahimi nala te, “Judah thlaang pakhat he Gental thlaang phun oen yingyawi paithle tih pawlneeng haih hamla a bokna phung lawng ngaih nawh tite atheencala namami lawngkhaw na ming u. Tede a-u khat khaw phung alam ben ah caih nawh tih ciim nawh tila poek nawh ham Pathen lawng n'huh sak poen.

Caeltueih 10:32

Joppa khaaw la thlaang tuih langtah Simon Piter aka miingna thlaang te khue sak. Ahih tah tuitunlii tengah aka awm saphaw aka sai Simon im ah te pah” tila te a thui.

Caeltueih 11:3

“Yahhuivuen aka reet nawh Gental thlaang im ah na pah tih caak awkk khaw na caak haih roe mai!” a tina u.

Caeltueih 3:13

Abraham, Isak oen Jakob Pathen, mami patuer hue kah Pathen lawngah amah kah tuihyoeih-thlaang Jesuh te aciim ruep-awmna te a peek poen. Tede nangmi lawng aana khuehkung thli kut ah na peek tih Pilat lawng ka thlah silang tah ka loeih sak ai tila awl a khueh coengah Pateng khaw Pilat haiah nangmi lawng na thana u.

Caeltueih 4:27

Metihtiah Herod oen Pontias Pilat tah he khawpui khuiah Gental thlaang thli oen Israel thlaang thli oen ah nang kah aciim Tuihyoeihthlaang Messiah la na sai Jesuh te oel khak hamla tun u tangtang.