Johan 18:11 - Matu Chin New Testament 2006

¹¹ Jesuh lawng Piter nala, “Na samsen te tiingim khuiah sang koep! A Pa kah peek patang khangna boengloeng he kai lawngah aw manawh tila na poek aw? a tina.

Matu Bible

¹¹ Tedae Jesuh loh Peter te, “cunghang te capang khuila sang laeh. A pa loh kai m'paek boengloeng te ka o mahpawt nim,” a ti nah. Annas Taengla a Khuen uh

Johan 18:11 Iomraidhean Croise

Mathai 20:22

Jesuh lawng, “Na van bih he na ming hih nawh! Kai lawng ka awkk ham koei patang khangna boengloeng he na awkk thai hih ai aw? tila te rawi boeinau te a doet. A hih rawi lawng, “ka awkk thai hih ai,” a tina.

Mathai 26:39

Jesuh lawng ahimi oen athla betna huen la cet, dilai ah buekuep tih “A Pa, acoengg thai atah he kah patang khangna boengloeng he van khoe mai hawn! Tede kai kah kawngaih angla awm boel selang nang kah kawngaih angla awm hawn seh,” tila thangthui.

Mathai 26:42

Jesuh tah cet koep tih “A Pa, he kah patang khangna boengloeng he awkk ohla khoe thai koeila a awm nawh atah, na kawngaih angla awm hawn seh,” tila thangthui.

Luka 12:30

(Metihtiah Pathen aka ming nawh dilai thlaang thli lawng ni he ang thaihu thli he a thoeh a tham.) Nangmi kah na Pa lawng he ang thaihu na ngoe boeih te a ming.

Luka 22:42

“A Pa, na kawngaih atah he kah patang khangna boengloeng he ka teng kalawng khoe hawn. Tede kai kah kawngaihna boel selang na kaw-ngaih angla sai hawn.” tila thangthui.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Johan 18:36

Jesuh lawng, “Kai kah pengram tah he dilai he nawh ni; he dilai he ka ram mai kawinih aana khuehkung Judah thlaang thli tengah a pha nawh ham ka hubang thli lawng a teek u poen ai. Kai kah ram tah he dilai he nawh ni.” a tina.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

2Korin 10:4

Kaimi lawng raal kahna ham ka hawna awva he tah dilai dawngkah awva nawh ni. Asoeng akam nawh awlpuungna te ka phe u,

2Korin 6:7

awltak awlthang te phawngna oen, Pathen kah huham tharana oen ah Pathen kah tuihyoeihthlaang la ka awmna te ka tueng sak u. Kaimi lawng raal teekna ham khawseh, kamami pum thloetna ham khawseh, doengna te awva angla ka hawna u.

Hebrew 12:2

Mami kah oengna atongna kalawng aboetna toe apangtungna thinglam dawng duekna te rih nawh! Te thinglam dawng duekna voel ah awmngaihna lawng a ring poen dawngah thinglam dawng duekna te yahpawhna tila poek nawh tih tahe ah Pathen kah bawi ngawlhcoen bantang ben ah te ngawl poen.