Johan 17:3 - Matu Chin New Testament 2006

³ Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Matu Bible

³ Namah bueng te oltak Pathen neh Jesuh Khrih na tueih te a ming uh te tah dungyan hingnah ni.

Johan 17:3 Iomraidhean Croise

Marku 9:37

“A-u khaw he ang camaw thli he ka miing oen pakhat khaw aka do tah kai aka do ni; a-u khaw kai aka do tah kai bueng he n'do nawh tih kai tuihkung te khaw a do,” a tina.

Luka 9:48

a hubang hue nala te, “A-u khaw he camaw he ka miing oen ah a do atah kai he ni n'do; a-u khaw kai he aka do tah kai aka tuihkung te a do. Metihtiah nangmi tim kah ayiit koek te aka lenduet la awm.” a tina.

Johan 10:36

Kai he a Pa lawng n'tuek tih dilai la n'tuih. Tetih atah kai tah Pathen Capa ni ka ti dawngah Pathen thekhana awl na thui tila metila nangmi lawng na thui thai ai?

Johan 11:42

Ka awl na hutung yoeyah he ka ming, te cakhaw kavan thui he tah, he kah aka awm thlaang thli ham ni, ahimi lawngah kai he nang lawng nan tuih tite a tangna u ham ni.” a tina.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 17:18

Kai he dilai ah nan tuih van angla ahimi te dilai ah ka tuih van.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Johan 17:23

Ahimi khuiah kai ka awm tih kai khuiah nang na awm, ahimi lawng pum khat la a awmna rang oen nang lawng kai nan tuih tih nan lungna van angla ahimi khaw na lungna tite dilai lawng a ming ai.

Johan 17:25

Aka doeng a Pa! Dilai lawng nang m'ming nawh de kai lawngtah kan ming tih nang lawngah kai he nan tuih tite he thli lawng a ming u.

Johan 17:8

Nang lawng nan peek awl te ahimi ka peek tih ahimi lawng a do u; kai he nang teng kalawng ka law ti he soeng tangtang tila a ming u tih kai he nang lawng nan tuih ni tila a tangna u.

Johan 3:17

Metihtiah Pathen lawng dilai he awl cek ham a Capa he van tuih nawh, dilai thlawnkung la awm ham ni avan tuih.

Johan 3:34

Pathen lawng a tuih thlaang te tah Pathen amah Muithla te betoetla a peek dawngah Pathen awl te a thui.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Johan 6:57

Aka hing a Pa lawngah kai he n'tuih tih ahih rang oen ah kai khaw ka hing. Tetih van angla a-u khaw kai he aka ca tah kai rang oen ah hing ai.

Johan 7:29

tede, kai lawngtah ka ming, metihtiah kai tah ahih teng kalawng ka law tih kai he ahih lawng n'tuih dawngah ni.” a tina.

Johan 8:19

Ahimi lawngah, “Na Pa te mela a awm?” a tina u. Jesuh lawng, “Nangmi lawng kai he khaw nan ming u nawh, a Pa khaw na ming u nawh. Nangmi lawng kai he nan ming u kawinih a Pa khaw na ming u van ai” a tina.

1Korin 15:34

Na thinkaw te caihpan sak u langtah thawlhna te toeng u loeih. Khatsut lawngtah Pathen khaw na ming u nawh tih yak uh ka ti dawngah ni tila ka thui.

1Korin 8:4

Tedawngah kutsaimuei tengah a nawn caak awkk kawngah te: kutsaimuei he tah aka awm tangtang nawh thaihu yuengah a khueh u tite mami lawng m'ming u; Pathen pakhat bueng ni a awm tite mami lawng m'ming u.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

1Thessalonika 1:9

Nangmi tengah kamyin la ka law u vengkah kaimi metila nan do nan dan u kawng te khaw, kutsaimuei te na hoett u tih Pathen te metila na pan u tite khaw, aka soeng tih aka hing Pathen kah bii te bi ham oen ah,

2Thessalonika 1:8

hairawng haialh oen a law vengah, Pathen aka hoett thlaang thli oen mami kah Bawipa Jesuh Khrih kawng Awlthang Theen aka vai nawh thli te dan a tat ai.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

2Peter 1:2

Pathen oen mami kah Bawipa Jesuh te na mingna rang oen ah lungvatna oen ngaimawngna tah asoepla nangmi tengah awm hawn seh.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

2Peter 1:8

He thli he nangmi lawng na ngoe thaihu ni, he ang he yahawh ngaai na khueh u atah mami kah Bawipa Jesuh Khrih na mingna dawngah tha avan thlue sak vetih theenna avan thoeng sak ai.

1Johan 1:2

He hingna he huh thai la ava coengg vengah kaimi lawng ka huh u, tedawngah Pa oen aka awm haih tih mami tengah avan tueng sak dungyan hingna kawng te nangmi tengah kavan thui u.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

1Johan 2:23

A-u khaw Capa aka hoett tah Pa te khaw a hoett: A-u khaw Capa te aka do tah Pa te khaw a do.

1Johan 4:6

Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.