Johan 17:25 - Matu Chin New Testament 2006

²⁵ Aka doeng a Pa! Dilai lawng nang m'ming nawh de kai lawngtah kan ming tih nang lawngah kai he nan tuih tite he thli lawng a ming u.

Matu Bible

²⁵ Aka dueng a pa, diklai loh nang m'ming ngawn pawt cakhaw kai loh nang kan ming tih nang loh kai nan tueih te he rhoek loh a ming uh.

Johan 17:25 Iomraidhean Croise

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Mathai 16:16

Simon Piter lawng, “Nang tah aka hing Pathen Capa Messiah ni,” a tina.

Luka 10:22

“A Pa lawng thaihu soeprep boeih m'peek poen. Capa he a-u ti khaw Pa nawh atah a-u lawngkhaw ming nawh. Amah te tueng sak hamla Capa lawng a tuek thlaang oen Capa amah lawng nawh atah Pa te a-u lawngkhaw ming u nawh.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 15:21

Tede nangmi he kai kah thlaang la na awm u dawngah ahimi lawng te ang thli boeih te nangmi sawah avan sai ai; metihtiah ahimi lawng kai aka tuihkung te ming u nawh.

Johan 16:27

Metihtiah a Pa amah lawng nangmi te n'lungna. Nangmi lawng kai he nan lungna u tih kai he Pathen teng kalawng ka law ti he na tangna u dawngah nangmi te n'lungna.

Johan 16:3

Ahimi lawngah kai he khaw, a Pa khaw a ming u nawh dawngah he ang thli he nangmi sawah a sai u ai.

Johan 16:30

Nang lawng soeprep boeih na ming tila tahe tah ka ming u poen; nang lawngah thlaangtloe te doet ham na ngoe nawh. Tedawngah nang he Pathen tengkah na law tila kaimi lawng ka tangna.” a tina u.

Johan 17:11

Tahe tah na tengla ka law poen ai; dilai ah ka awm tlaih manawh, tede ahimi tah dilai ah awm ai. Aka ciim a Pa! nang oen kai tah pumkhat la n'awm van angla ahimi khaw pumkhat la a awm u van ham nang lawngah nan peek huham tharana namah miing oen ah te ading asuekla thlipdah lah.

Johan 17:18

Kai he dilai ah nan tuih van angla ahimi te dilai ah ka tuih van.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Johan 17:23

Ahimi khuiah kai ka awm tih kai khuiah nang na awm, ahimi lawng pum khat la a awmna rang oen nang lawng kai nan tuih tih nan lungna van angla ahimi khaw na lungna tite dilai lawng a ming ai.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 17:8

Nang lawng nan peek awl te ahimi ka peek tih ahimi lawng a do u; kai he nang teng kalawng ka law ti he soeng tangtang tila a ming u tih kai he nang lawng nan tuih ni tila a tangna u.

Johan 3:17

Metihtiah Pathen lawng dilai he awl cek ham a Capa he van tuih nawh, dilai thlawnkung la awm ham ni avan tuih.

Johan 6:19

A hubang hue lawng meng thum, meng lii yunyan lowng te a kaih u coeng atah tui sawah Jesuh te law phai tih lowng a awmna benla ayoeii rep te a huh u veng atah ahimi lawng a rih u.

Johan 7:29

tede, kai lawngtah ka ming, metihtiah kai tah ahih teng kalawng ka law tih kai he ahih lawng n'tuih dawngah ni.” a tina.

Johan 8:19

Ahimi lawngah, “Na Pa te mela a awm?” a tina u. Jesuh lawng, “Nangmi lawng kai he khaw nan ming u nawh, a Pa khaw na ming u nawh. Nangmi lawng kai he nan ming u kawinih a Pa khaw na ming u van ai” a tina.

Johan 8:55

Nangmi lawngah a hih te na ming u nawh, tede kai lawngtah ka ming. Ahih te ka ming nawh ka ti kawinih nangmi angla kai he hoemthuikung la ka awm ai. Tede kai lawngtah ahih te ka ming tih a awl ka ngaai pe.

Caeltueih 17:23

Metihtiah na vang khuiah ka yingyawi tih nangmi lawng na bokna ahuen boeih te ka bueh vengah asawah, “Ming Nawh Pathen Hamla” tila na thut u bokna-thaang pakhat te ka huh. Nangmi lawng ming heet muehla na bok u te ni tahe ah nangmi teng kavan thui.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 3:11

thlaangcuih pakhat khaw awm nawh, Pathen aka tlap khat khaw awm nawh.

Rom 3:26

tede, tahe tue veng atah amah kah doengna te a tuengna ham thlaanghing thawlhna te a pho sak. He-tila Pathen lawng amah thlaangdoeng la a awmna a tueng sak tih Jesuh aka oeng boeih tah thlaangdoeng la a khueh.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 15:34

Na thinkaw te caihpan sak u langtah thawlhna te toeng u loeih. Khatsut lawngtah Pathen khaw na ming u nawh tih yak uh ka ti dawngah ni tila ka thui.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Thessalonika 1:8

hairawng haialh oen a law vengah, Pathen aka hoett thlaang thli oen mami kah Bawipa Jesuh Khrih kawng Awlthang Theen aka vai nawh thli te dan a tat ai.

Hebrew 8:11

A-u lawngkhaw a pilnam tengah khawseh, ram khuikah thlaang tengah khawseh, “Bawipa te ming uh’ tila cang puei nawh vetih thui pe tlaih manawh. Metihtiah camaw oen patawng ahimi boeih lawng kai he m'ming u poen ai.

1Johan 1:9

Tede mami lawng thawlhna boeih te Pathen tengah m'phawng u atah ahih tah a awlkam cak tih thaihu doeng a sai dawngah mami thawlhna boeih te khawdawp a ngaai vetih mami kah sai thawlh boeih te avan ciim sak ai.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 16:5

Tui ukkung vanthlaang lawngah, “Aka awm lii oen aka awm poen, Aw, Aciim Pathen, nang kah awlcekna tah doeng!” tila a thui te ka yaak.