Johan 17:12 - Matu Chin New Testament 2006

¹² Ahimi oen ka awm vengah he nang lawng nan peek huham tharana namah miing oen ah te ahimi he ading asuekla ka thlip ka dah tih ka khoem. Thlaangha pataam la nuen tangte thlaang pakhat te thui muehla tah pakhat khaw ha-ata nawh.

Matu Bible

¹² Amih neh ka om vaengah kamah nam paek amih rhoek te namah ming neh ka khoem coeng. Ka khoem van coeng dongah pocinah capa pawt atah amih te poci mahpawh. Te daengah ni cacim tah a soep eh.

Johan 17:12 Iomraidhean Croise

Johan 13:18

Nangmi boeih he ka thui ngaihna nawh ni; ka tuek te tah ka ming. Tede caciim lawng, “Kamah kah buh aka ca lawng raal la coeng poen” a tite asoep ham awm.

Johan 17:6

Dilai dawngkah nan peek thlaang thli tengah na miing te ka tueng sak poen. Ahimi te nang kah thlaang la awm tih ahimi te kai nan peek. Ahimi lawng na awl te a ngaai u tih,

Johan 18:9

(He tila a thui he tah, “A Pa, nang lawng nan peek thli te tah pakhat khaw ka ha sak nawh” tila a thui te asoepna ham ni.)

Johan 6:37

A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Caeltueih 1:25

Tedawngah Judas lawng a ceh taak Celtuih bii te ahih yuengla aka bi ham he kah thlaang pahih khuiah nang lawng na tuek te van tueng sak lah.” tila thangthui u.

Philipi 2:9

Tedawngah Pathen lawng ahih te asaw sang koek huen ah a pawmsang tih miing tloe boeih lak ah miing luekoek a peek.

2Thessalonika 2:3

Nangmi te a-u lawngkhaw n'thaina u boel seh. Metihtiah aboetna koek Raal kahna apha thlantoe, hell ah aka tla ham Thlaang The Pui te avan pha thlan khui tah te Khawhin te van pha manawh.

Hebrew 2:13

Tecoengah ahih lawng, “Pathen te ka uepna ai” ti. Tecoeng baal ah, “Pathen kah peek ca-anau thli oen he ah he haih ka awm” tila khaw a thui.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

Olphong 19:12

Amik rawi tah haialh oen lo hih tih a luu dawngah bawi-lumuek yahawh hlang te a muek. Amah bueng lawng a ming doek tih thlaangtloe a-u lawngkhaw thuingaihna a ming nawh miing te a pum dawngah a thut.