Johan 16:7 - Matu Chin New Testament 2006

⁷ Tede awltak kavan thui: kai he ka ceh atah nangmi ham theen bet ai, metihtiah ka cet nawh kawinih nangmi tengah Bawmkung te law manawh. Tede ka cet kawinih ahih te nangmi tengla kavan tuih ai.

Matu Bible

⁷ Tedae kai loh nangmih taengah oltak ka thui, Kai ka caeh te nangmih ham rhoei bet. Ka cet pawt koinih nangmih taengah baerhoep te ha pawk mahpawh, Tedae ka caeh atah nangmih taengla anih kan tueih ni.

Johan 16:7 Iomraidhean Croise

Luka 24:49

Kamah roe lawngah a Pa lawng avan kam te nangmi tengah kavan tuih ai. Tede asawben kah tharana te nangmi tengah a law thlantoe tah khawpui khuiah te ring uh.” a tina.

Luka 4:25

Ka thui he hutung u lah; Elijah dung vengah kum thum coengah kum vangg ah khaw kaang tih ram pum ah khawthe khawkha vengah te Israel ram khuiah huhai tumtee broela awm tang tang.

Luka 9:27

Atak tang kavan thui u, he kah aka awm thlaang khatsut lawngah Pathen Ram te na huh thlantoe na duek u manawh” a tina.

Johan 14:26

A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Johan 14:28

‘Kai tah ka cet ai, tede nangmi tengla ka law koep ai, kan tina te na yaak u poen.’ Kai he nan lungna u atah a Pa tengla ka cet ai ka ti he na awmngaih ham awm; metihtiah ahih tah kai lak ah aka lenduet ni.

Johan 14:3

Kai lawng ka cet vetih nangmi hamla ahuen te ka roekbah coengah ka law koep vetih kai ka awmna ah nangmi awm van ham kan lawh ai.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 16:8

Ahih te a law veng atah thawlhna kawng, oengna kawng oen Pathen kah awlcekna kawng te ahih lawngah dilai thlaang thli tengah a thui pe ai.

Johan 7:39

Jesuh lawng amah te aka tangna thlaang thli lawng a dang ham koei Muithla kawng te ni he tila a thui. Te kah atue vengah ahih te Muithla pe thlan hun, metihtiah Jesuh te ruep-awm la thawh sak thlan hun.

Caeltueih 10:34

Tevengah Piter lawng awl a thui tih, “Pathen lawngah thlaang boeih he avan at la a khueh ti he tah soeng tangtang tila tahe atah ka ming poen.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.