Johan 16:33 - Matu Chin New Testament 2006

³³ Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Matu Bible

³³ He he nangmih taengah ka thui daengah ni kai rhangneh ngaimongnah na dang uh eh. Diklai ah phacip phabaem na dang uh ni. Tedae na ngaimong sak uh. Kai loh diklai ka noeng coeng,” a ti nah.

Johan 16:33 Iomraidhean Croise

Mathai 9:2

Te huen ah aka khawn thlaangtlo pakhat te ihphah dawngah avan kawh u tih Jesuh tengla avan khuen u. Jesuh lawng ahimi kah oengna te a huh vengah, aka khawn thlaang te, “Ka capa, na ngai mawng sak! na thawlhna boeih khawdawpngaai la awm poen” a tina.

Luka 19:38

“Bawipa miing oen aka law sengpahrang tah Pathen lawng yotheen kam-awmna pe hawn seh! Vaan ah roepna awm selang Pathen tengah ruep-awmna awm hawn seh!” tila paang u.

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Johan 14:1

Jesuh lawng a hubang hue nala te, “Nangmi lawngah ngaihang khawbing la awm u boel, Pathen khaw oeng u langtah kai khaw n'tangna u lah.

Johan 14:27

Ngaimawngna kavan ceh taak u, te tah kamah kah ngaimawngna te ni kan peek u. Dilai kah peek te ang te kan pe nawh. Ngaihang lakueng oen khawthe boepla awm u boel; rihsakna khaw khueh u boel.

Johan 16:11

He dilai ukkung thli he awl a cek poen dawngah awlcekna kawng te a thui ai.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

Caeltueih 23:11

Te kah khawyiin ah te Bawipa tah Pawl tengah pai tih, “Rih boel! Jerusalem ah he kai ham sausi la na pai angla Rom khawpui ah khaw he tila na pai hun ai.” a tina.

Caeltueih 27:22

Tede tahe ah na kaw boet sak u boel! Nangmi khuikah a-u khat khaw ha-ata manawh; tuisangphaw bueng ni n'sung ai.

Caeltueih 27:25

Tedawngah nangmi lawng na kaw boet sak u boel! Metihtiah kai tah Pathen te ka uepna khak tih a thui angla te coengg ngai ai.

Caeltueih 9:31

Judia Tecoeng atah ram, Galili ram oen Samaria ram kah khrihcabu tah ngaimawngla awm u. Bawipa te hinyahna oen khaw a sak u tih Ciim Muithla kah bawmna rang oen a tha ra u tih puung tare u.

2Korin 1:3

Mami Bawipa Jesuh Khrih kah ana Pa oen Pathen, thlaang reenkung mami na Pa, bawmcemna boeih a lawna kungpui Pathen te thangpawm u sih.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 2:14

Tecakhaw Pathen tengah thang-theenna awm hawn seh! Metihtiah Khrih oen pumkhat la awmna rang oen ah Khrih kah taana ah aka cet thlaangping tim ah thongtla thlaang angla Pathen lawng mami he m'mawt u. Khrih kawng mingna te riimtuui baw angla ram tawm ah a puungna ham mami he Pathen lawng n'hawna.

2Korin 4:7

Tede Pathen tengah saithaina asang koek te awm tih mami tengah awm nawh tite a tuengna ham Muithla ben ro thaihu khuehkung mami he tah dilai-am mailai la ni n'awm mai.

2Korin 6:4

Te tila te sai ohla khawdeng mingna, raina, patang khangna boeih he kawdaw thinsan oen ka ueh u tih soeprep boeih ka saina dawngah Pathen kah tuihyoeihthlaang la ka awmna te ka tueng sak u.

2Korin 7:4

Nangmi te kan uep kan pangna tangkiik; Nangmi kawngah ka pawmsang u! Kaimi lawng raina soeprep ka tawng cakhaw thincak oen ka awm; Awmngaih kawhoena oen ka betoet.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

Kolosa 1:20

Tecoengah Pathen lawng a Capa rang oen khawhipuempa boeih he amah tengla doek koep hamla a ngaih. Pathen lawng a Capa thinglam dawngah a duekna rang oen roeproeina a sai tih vaan oen dilai ah aka awm thaihu boeih te amah tengah a doek koep.

1Thessalonika 3:4

Nangmi tengah ka awm u vengah te mami lawng heemtekna patang n'khang ai tite kavan thui oepsoeh poen; ka thui angla thoeng khoet tangtang tite na ming u.

1Thessalonika 3:7

Tedawngah maya manau thli, kaimi lawng raina oen thekhana ka tawng cakhaw nangmi kah kawng lawngah ka tha avan thlue sak,

2Thessalonika 3:16

Ngaimawngna kungpui Bawipa amah lawngah metuek tue vengah khawseh along a-im phun soeprep oen ah ngaimawngna m'pe hawn seh.

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;

Hebrew 11:25

Ahih lawng thawlhna dawngah kawlkalhca awmtheen boenn lak ah Pathen thlaang thli oen patang khang ham te a ngaih dai.

Hebrew 7:2

Abraham lawng raal kut kah avan khuen boeih thaihu paha ah pakhat te ahih a peek (Melkhizedek kah a miing, lamhacuek thuingaihna tah, “Doengna Sengpahrang,” ti ngaihna tih ahih tah Salem kah sengpahrang la khaw a awm dawngah ahih kah miing he “Roepna Sengpahrang,” tila khaw a thuingaihna ni.)

1Peter 5:9

Nangmi lawng na oengna dawngah te acakla awm u lang Seitan te balkhawng uh. Metihtiah na ming u angla dilai pum ah aka awm oengca pueipaw thli khaw he ang khawdeng patang he a khang u van.

1Johan 2:13

Papa thli aw, acuekca kalawng aka awm ahih te na ming u dawngah nangmi tengah he ca he kavan thut. Cadawng caloe thli nangmi lawng Raaibawi te na taa u poen dawngah nangmi tengah he ca he kavan thut.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 5:4

metihtiah Pathen kah ca-anau boeih lawngtah dilai a taa thai. Mami lawng oengna rang oen dilai n'taa u.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.

Olphong 7:14

Kai lawng, “Ka ming nawh, Bawipa, Nang lawng ni na ming,” ka tina. Ahih lawngah, “He kah thlaang hue he tah mueirihtamyiin heemtekna kalawng aka loeih thli ni, Ahimi lawng Tuuca thisen oen a himbai te a suk u tih aciim sak u poen.