Johan 16:32 - Matu Chin New Testament 2006

³² Nangmi he phang na pek u ai, namah im la na cet u khongphaat vetih kai he kamah bueng nan ceh taak sut atue te law lii tih tahe ah avan pha poen. Tede kai tah kamah bueng tangtang aih nawh ni, metihtiah a Pa lawngah ng'awm puei.

Matu Bible

³² A tue ha pawk coeng ke, pakhat rhip loh amah amah ah na taekyak uh tih kamah bueng nan hlah uh ham ni ha pawk coeng, Tedae a pa he kai taengah om tih kamah bueng ka om moenih.

Johan 16:32 Iomraidhean Croise

Mathai 26:31

Tecoengah Jesuh lawng ahimi te, “Caciim lawngah, ‘Pathen lawng tuudoen te a ngawn vetih tuu boeih tah pathengg payaangla awm ai’ tila a thui angla, ‘N'tu yiin roe ah nangmi lawng kai he nan heng taak u vetih nan ceh taak u ai.’

Mathai 26:56

Tede he tila thaihu boeih a awm he tah tawngha hue lawng Caciim dawngah a thut te asoepna ham ni,” a tina u. Tevengah a hubang boeih lawng Jesuh te a ceh taak tih a heeng taak u.

Marku 14:27

Jesuh lawng ahimi nala te, “Caciim dawngah, “Pathen lawng tuudoen te a ngawn vetih tuu boeih tah thek u khonghak ai,” a ti angla nangmi boeih lawng kai he nan heng taak vetih nan ceh taak sut ai.

Marku 14:50

Tevengah a hubang hue boeih lawng a ceh taak sut u tih a heng taak khongphaat u.

Johan 12:23

Jesuh lawng ahih rawi nala te, “Thlaanghing Capa lawng aka lenduet ruep-awmna dang hamla tahe ah atue a pha poen.

Johan 16:2

Nangmi te sinakok bok-im khui kalawng n'hek u vetih nangmi te aka ngawn thlaang thli lawng Pathen bii ni ka bi u tila a poekna atue te law ai.

Johan 16:25

He thaihu thli he nangmi tengah thui hamla nuehtahna awl bueng te ka hawna. Tede kai lawng nuehtahna awl ka hawna nawh atue te a pha vetih a Pa kawng te aciimbiitla nangmi tengah avan thui ai.

Johan 16:31

Jesuh lawngah, “Tahe ah na tangna u poen aw?

Johan 19:27

Tecoengah te kah hubang nala te, “Ahih te na nu ni” a tina. Te kalawng atah a hubang lawngah amah im ah awm sak ham a ceh puei.

Johan 20:10

Tecoengah a hubang rawi te im la meel koep hih.

Johan 4:21

Jesuh lawng ahih nala, “Hutaa nang, ka awl thui he tangna lah, he kah tlaangsawm ah khaw, Jerusalem ah khaw, Pa te thlaang lawngah a bokna nawh atue te a pha ai.

Johan 4:23

Tede Pa tah ataktangla a awm van angla aka bok thlaang thli lawngkhaw Pathen kah Muithla tharana oen awltak oen ah a bokna atue te avan pha poen tih he ah he awm poen. Te tila aka bok te ni Pathen lawngah a ngaih.

Johan 5:25

Awltak kavan thui u: Pathen Capa awl te thlaangduek thli lawng a yaakna atue te law ai, te kah atue te avan pha poen, te awl aka ya boeih tah hing ai.

Johan 5:28

He dawngah he na kawpoek rai sak aih boel, thlaangduek thli lawng ahih awl a yaakna atue te law lii poen;

Johan 8:16

Tede kai lawng he tila ka sai mai cakhaw kamah bueng lawng awl ka tloek moenih; kai aka tuihkung a Pa te ka tengah a awm dawngah kai kah awltloekna tah soeng ai.

Johan 8:29

Tecoengah kai aka tuihkung te tah ka tengah awm; metihtiah kai lawngah ahih kah kawhoena te ka sai poepa dawngah kamah bueng n'ceh taak sut nawh.” a tina.

Caeltueih 21:6

Tecoeng atah khat oen khat kut ka tuuk u coeng atah kaimi tah tuisangphaw dawng ka luui u, ahimi tah im la koep meel u.

Caeltueih 8:1

Ahih a ngawn u te Sawl lawngkhaw a kaw tlaak puei van. Te khawhin kalawng tah Jerusalem kah Khrihcabu ah heem-atek patang-khangna te tong u poen. Celtuih thli thui muehla oengca thli boeih tah Judia peng oen Samaria ram ah yan khonghak.