Johan 16:2 - Matu Chin New Testament 2006

² Nangmi te sinakok bok-im khui kalawng n'hek u vetih nangmi te aka ngawn thlaang thli lawng Pathen bii ni ka bi u tila a poekna atue te law ai.

Matu Bible

² Nangmih te a hael la n'haek uh ni. A tue ha pawk vaengah hlang boeih loh nangmih n'ngawn te Pathen taengkah thothuengnah a khueh la a ngai uh ni.

Johan 16:2 Iomraidhean Croise

Mathai 10:28

Pum bueng a ngawn thai tih muithla aka ngawn thai nawh thlaang te rih u boel. Pum oen muithla pahih bokla hell khuiah aka ngawn thai Pathen te rih uh.

Mathai 24:9

“Tecoengah nangmi te thekhana ham oen ngawn hamla n'tuuk u vetih thlaangtloe kut ah nangmi te n'peek ai. Kai kawng dawngah thlaang boeih lawng n'thina u ai.

Luka 6:22

Thlaanghing Capa kawngah nangmi te thlaang lawngah n'thina u tih n'hoett sut u, n'sal aphaam tih athela n'thui u atah nangmi tah yotheen kam-awmna na dawng u!

Johan 12:42

Te tila a awm ah Pateng khaw aana khuehkung Judah thlaang broe lawngah Jesuh te a tangna u; tede Farasi thlaang thli lawngah sinakok bok-im kalawng n'hek hau ai tite a rih u dawngah te kawng te langyala thui u nawh.

Johan 16:25

He thaihu thli he nangmi tengah thui hamla nuehtahna awl bueng te ka hawna. Tede kai lawng nuehtahna awl ka hawna nawh atue te a pha vetih a Pa kawng te aciimbiitla nangmi tengah avan thui ai.

Johan 16:32

Nangmi he phang na pek u ai, namah im la na cet u khongphaat vetih kai he kamah bueng nan ceh taak sut atue te law lii tih tahe ah avan pha poen. Tede kai tah kamah bueng tangtang aih nawh ni, metihtiah a Pa lawngah ng'awm puei.

Johan 4:21

Jesuh lawng ahih nala, “Hutaa nang, ka awl thui he tangna lah, he kah tlaangsawm ah khaw, Jerusalem ah khaw, Pa te thlaang lawngah a bokna nawh atue te a pha ai.

Johan 4:23

Tede Pa tah ataktangla a awm van angla aka bok thlaang thli lawngkhaw Pathen kah Muithla tharana oen awltak oen ah a bokna atue te avan pha poen tih he ah he awm poen. Te tila aka bok te ni Pathen lawngah a ngaih.

Johan 9:22

Ahih rawi yuvaa lawngah aana khuehkung Judah thlaang thli te a rih hih dawngah te tila te a thui pe, Jesuh tah Messiah ni tila a tangna tih aka thui boeih te sinakok bok-im kalawng hek sih tila aana khuehkung Judah thlaang thli lawng a thui u dawngah ni.

Johan 9:34

Ahimi lawng, “Nang thawlhna dawngah aka thang tih aka roeng hang, nang lawngah aw kaimi he cangpuei ham na yawm van.” a tina u. Tecoeng atah ahih te sinakok bok-im kalawng a hek u poen.

Caeltueih 5:33

Awlcekna Khonsil ah aka thuum thlaang boeih lawng he awl he a yaak u vengah a thin sa soeh u tih celtuih thli te duek sak ham a ngaih u.

Caeltueih 7:56

Ahih lawngah, “Bueh lah! Vaan ke awng u tih Pathen kah bantang ben ah Thlaanghing Capa aka pai ke ka huh!” tila a thui.

1Korin 4:13

Thlaang lawng thekha la n'sai vengah awlding oen ka thung pe u. Kaimi tah he dilai kah kawhnot vaiking la ka awm u; Tahe toe khaw he dilai ah thlaang kah tuiilehkap thlaang la ka awm u!

Philipi 3:6

Kai tah ka tha thlue akcak tih khrihcabu te ka heem ka tek. Phungawl dawngkah awlpeek thli te vaina rang oen thlaangdoeng la awmna ben ah kai tah thawlhna roe awm nawh.

Olphong 6:9

Tecoengah Tuuca lawng apa-ngaana tacik deng te a awng. Pathen awl a phawng u tih uep-awm sausi la a awm dawngah a ngawn u thlaang thli kah Muithla thli te bokna-thaang huiah ka huh.