Johan 16:14 - Matu Chin New Testament 2006

¹⁴ Ahih lawng kai he ruep-awmna te m'peek ai, metihtiah ahih lawngtah kai lawng ka thui te nangmi tengah avan thui ai.

Matu Bible

¹⁴ Te long ni kai n'thangpom eh. Kamah hut te a doe vetih nangmih taengla ha puen ni.

Johan 16:14 Iomraidhean Croise

Johan 14:21

A-u lawngkhaw ka awlpeek he a do tih aka vai tah kai he aka lungna thlaang ni. Kai he aka lungna boeih tah a Pa lawng a lungna ai; Kai lawngkhaw ahih te ka lungna vetih a tengah ka phumpho pe ai.” a tina.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 7:39

Jesuh lawng amah te aka tangna thlaang thli lawng a dang ham koei Muithla kawng te ni he tila a thui. Te kah atue vengah ahih te Muithla pe thlan hun, metihtiah Jesuh te ruep-awm la thawh sak thlan hun.

1Korin 12:3

Nangmi ming sak hamla ka ngaih tah Pathen Muithla lawng a mawt thlaang a-u khat lawngkhaw “Jesuh te kawsi yawkk seh.” ti nawh vetih Ciim Muithla lawng a mawt thlaang nawh atah a-u khat lawngkhaw “Jesuh tah Bawipa ni,” tila thui tang manawh.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Galati 5:5

Mami lawngah ngaiuep u tah Pathen lawng mami he amah oen roeproeina avan sai ai, mami kah oengna rang oen ah Pathen Muithla kah tharana oen a sai ai tite n'lamtoen u.

1Peter 2:7

He Lunghiim he aka tangna mami ham tah phutlo tangkiik la awm, tede aka tangna nawh thlaang thli ham tah; “Imsakung hue lawng aphu aka awm nawh angla a hoett u lunghiim tah, te thli boeih lak ah awlpui koek lunghiim la awm poen.” tila a thui.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.

1Johan 5:6

Jesuh Khrih tah amah kah Baptisma huhna tui oen a duekna thisen oen ah aka law ni. Ahih tah tui bueng oen law nawh tih pahih bok la tui oen thisen oen ah va law. He tah soeng tangtang tila Muithla amah roe lawng sausi a deeng, metihtiah Muithla tah awltak la a awm dawngah ni.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.