Johan 15:8 - Matu Chin New Testament 2006

⁸ Nangmi lawng yahawh hlangla athaih thaihna rang oen a Pa kah ruep-awmna te na tueng sak u vetih te tila te ka hubang la na coengg u ai.

Matu Bible

⁸ A thaih muep na thai uh tih kai taengah hnukbang rhoek la na om uh long he a pa a thangpom.

Johan 15:8 Iomraidhean Croise

Mathai 5:16

Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

Mathai 5:44

Tede kavan thui u, Na raal thli te lungna lang nangmi aka thekhana thlaang thli ham thangthui pe uh.

Mathai 9:8

Thlaangping lawng te tila a sai te a huh vengah a ngai hang u tih te ang saithaina thlaanghing tengah aka pe Pathen te a thangpawm u.

Luka 6:35

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Johan 13:35

Nangmi khat oen khat na lung u atah thlaang boeih lawng nangmi he kai kah hubang hue ni tila a ming u ai.” a tina.

Johan 15:5

Kai tah misurkungpui la ka awm tih nangmi tah a beek a thleeng thli ni. A-u khaw kai dawngah awm tih kai khaw ahih dawngah ka awm atah yahawh hlang la thaih ai; kai rang nawh atah n'tu khaw na sai thai u manawh.

Johan 8:31

Tedawngah Jesuh lawng amah aka tangna thlaang thli tengah, “Kai lawng kan cang puei u he nangmi lawng na tangna u atah nangmi tah kai kah hubang tangtang la na awm u;

1Korin 10:31

Theen ngoen ta, na sai boeih te khaw, na caak na awkk te khaw seh apum boeih la Pathen ruep-awmna ham sai uh.

1Korin 6:20

nangmi te aphu oen ni n'lai u. Tedawngah na pum te Pathen kah ruep-awmna ham hawna uh.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Titus 2:10

a thaihu thli khaw huen pe u boel seh. Te lak atah ahimi lawng thlaang theen la a awmna, ueppang koeila a awm u te tueng sak u seh, teah ni ahimi kah saina boeih dawngah mami thlawnkung Pathen kawng cangpueina te a thangpawm u ai.

Titus 2:5

amah oen amah kuemsuem u ham oen aciim acaihla awm ham, a vaa thli kah awl aka ngaai, imkhuikaw khuutcemkung thai hutaa theen thli la a awm u thai ham thuituen. Teahtah Pathen tengkah aka law awlthang te a-u lawngkhaw athela thui manawh.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.