Johan 15:5 - Matu Chin New Testament 2006

⁵ Kai tah misurkungpui la ka awm tih nangmi tah a beek a thleeng thli ni. A-u khaw kai dawngah awm tih kai khaw ahih dawngah ka awm atah yahawh hlang la thaih ai; kai rang nawh atah n'tu khaw na sai thai u manawh.

Matu Bible

⁵ Kai tah misur la ka om. Nangmih tah a baek rhoek ni. Anih te kai dongah, kai khaw anih dongah aka om te ni a thaih muep a rhah. Kai pawt atah a hong ni, na saii uh thai moenih.

Johan 15:5 Iomraidhean Croise

Mathai 13:21

Tede, ahimi kah thinkaw lungbui ah Vaan ram kawng a thlengyung a thlaak nawh dawngah asan hlang hing nawh. Tedawngah Vaan ram kawng dawngah thekha raina oen heemtekna soeprep a law vengah ahimi lawng kawlkalh ah a hoett pahoei.

Johan 12:24

Awltak kavan thui u; caangthaam thaam at te dilai la tla nawh tih a duek nawh atah amah moepoe la awm. A duek atah caangthaam yahawh la a thoeng sak.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 5:19

Tedawngah Jesuh lawng ahimi te, “Awltak kavan thui u; Capa lawngah amah ngaih ah thaihu khat khaw sai thai nawh; ana Pa lawng a sai thaihu a huh te ni a sai. Ana Pa lawng a sai te Capa lawngkhaw a sai van.

Johan 9:33

Te kah thlaang te Pathen teng kalawng a law nawh atah ahih lawng thaihu khat khaw sai thai manawh.

Caeltueih 4:12

Ahih rang bueng oen ni thlawnna he huh thai la a awm; dilai pum ah he Pathen kah peek ahih nawh atah mami aka thlawn thai a-u khat khaw awm nawh.

Rom 12:5

Tetih van la mami khaw thlaang yahawh mai de Khrih ah pumkhatla awmna rang oen pumkhatla n'coengg tih pum dawngkah abeek tloe tloe he pakhat oen pakhat a tuhkai u van angla mami khaw khat oen khat m'pha u boeih.

Rom 6:22

Tede tahe tah nangmi he thawlhna kalawng na loeih u poen tih Pathen kah sal la ni na awm u poen, Nang kah hoeikhangna tah na hingna te amah tengah na peek biit tih aphu tah dungyan hingna te ni.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

1Korin 10:16

Mami lawng Pathen tengah awmngaih ciil n'thui tih Bawipa Thlembuh veelna ah boengloeng n'hawna tih te khui-kah misurtui n'awkk te Khrih thisen dawngah mami n'cuutna ni. Tecoengah mami lawng takawi te n'eh tih n'caak u te mami lawng Khrih pum dawngah cuutna ni.

1Korin 12:12

Khrih tah pum dawngah a beek thli moen aka awm pum pakhat oen lo u. Pum te a beek thli atloetloe moen awm de pum tah pakhat ni.

1Korin 12:27

Nangmi boeih tah Khrih kah pum la na awm u tih a beek la rip na awm u.

2Korin 13:8

Metihtiah awltak te kaimi lawng ka oel e-tla vetih thaihu khat khaw ka sai manawh, tede awltak ham bueng ni ka tlungmu u dai poen ai.

2Korin 9:10

Tecoengah, caangti tuh ham oen buh caak ham pekung Pathen lawng nangmi kah ngoe boeih caangti te m'peek ai; moeihoeihla na peek u dawngah caangti aka po te athlur atawi sak vetih” caangvui caangthaih te avan puung sak ai.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Philipi 4:17

Kai lawng kutdo dang ngaih bueng maiah nawh tih; nangmi kah cayin cabu dawngah khaw athawnna, apuung ataaina te huh hamla ka ngaih.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 1:6

Nangmi lawng Pathen kah lungvatna kawng na yaak cuekca kalawng te lungvatna te ataktangla na ming u veng atah nangmi tim ah apuung ataai van angla te awlthang theen tah dilai pum ah puung khonghak tih yotheen kam-awmna te m'peek.

James 1:17

Kutdo theen boeih oen aka soep kutdo ayoe peek boeih he vaan kalawng aka law ni: vaan kah aangna Saikung Pathen teng kalawng ni a law, ahih tah thawleng u nawh, hoei-athal u nawh tih yiinna khaw thoeng sak nawh.

1Peter 2:4

Bawipa tengah law u lah, ahih tah aka hing lunghiim thlaanghing lawng aphu aka awm nawh angla a hoett de Pathen lawng aphu aka tlo lunghiim la a tuek poen.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.