Johan 15:20 - Matu Chin New Testament 2006

²⁰ ‘Sal he tah a bawipa lak ah lenduet nawh’ kan tina te hilh u boel. Ahimi lawng kai he n'heem atek atah nangmi te khaw n'heem atek van ai; ahimi lawng kai kah cangpueina he a vai u atah nangmi kah cangpueina te khaw a vai u van ai.

Matu Bible

²⁰ Sal tah a boei lakah tanglue la a om pawh tila kai loh nangmih taengah ol ka thui te poek uh. Kai n'hnaemtaek uh atah nangmih khaw n'hnaemtaek uh ni. Kai kah olka te a kuem uh atah nangmih kah khaw a kuem uh ni.

Johan 15:20 Iomraidhean Croise

Mathai 10:24

“Sengcamoe lawng saya sawah awm nawh. Bawi sawah tamnaa lawngkhaw awm nawh.

Marku 10:39

Ahih rawi lawng, “Ka sai thai hih ai,” a tina. Jesuh lawng te rawi boeinau te, “Kai lawng ka awkk ham boengloeng khaw na awkk thai hih vetih ka dang ham koei baptisma te khaw na dang thai hih tangtang ai.

Luka 2:34

Simeon lawng ahimi te a phueh asawm tih a manu Meri nala te, “He camaw tah Israel thlaangphun khuiah thlaang yahawh lawng a rawkna ham oen thlawnna hamla Pathen lawng a tuek poen ni. Ahih tah Pathen kah miknoek la awm tih thlaang lawngah athela a thui u ai,

Luka 6:40

Sengcamoe he cangpueikung saya lak ah thoem soeh aih nawh; tede sengcamoe boeih lawng amami kah cangna te a coeng boeih atah a saya angla awm ai.

Johan 10:31

Tecoeng atah ahih te dena hamla lungto a ruh u.

Johan 11:57

Khawsoeih ahaamca thli oen Farasi thlaang thli lawng ahih te a tuuk thaina u ham, “A-u lawngkhaw Jesuh a awmna te na ming u atah van thui uh.” tila awl a uen u.

Johan 13:16

Awltak kavan thui: Sal he a bawipa lak ah lenduet nawh, laipai he khaw aka tuihkung lak ah lenduet nawh.

Johan 5:16

Sabbath khawhin ah Jesuh lawng thlaangtlo a hoeih sak dawngah ahimi lawng Jesuh te heem-atek hamla a tong u poen.

Johan 7:32

Jesuh kawng te thlaangping lawng-ah te tila tuemtuem a thui u te Farasi thlaang thli lawng a yaak u, tedawngah ahimi oen khawsoeih ahaamca thli lawng ahih te tuuk sak hamla raalkap a tuih u.

Johan 8:51

Awltak kavan thui u; a-u khaw kai lawng kan cang puei he aka vai tah mevengah khaw duek manawh.” a tina.

Johan 8:52

Ahimi lawngah ahih nala te, “Nang he raaithe na khueh tite tahe atah acaihla ka ming u poen! Abraham tah duek poen tih tawngha hue khaw duek boeih poen, tede nang lawngtah, ‘a-u khaw kai lawng kan cang puei he aka vai tah mevengah khaw duek manawh’ na ti.

Johan 8:59

Tecoeng atah ahih te de ham ah lungto a ruh u, tede Jesuh lawng a thuh u taak tih Tempal bok-im kalawng ah suntla.

Caeltueih 14:22

Ahih rawi lawngah oengca thli te tha a peek hih tih oengna dawngah cak poe hamla thathluena awl a thui pe hih. Ahih rawi lawngah, “Mami lawng Pathen ram khuiah kuun ham ah khawdeng patang broela khang ham roe ni,” tila te a cang puei hih.

1Korin 4:12

thatlawh thaboep la bii ka bi u tih ka buen ka naak u. Thlaang lawng n'tap-voep vengah yotheen kam-awmna oen ka phuehsawm u; thlaang lawng n'heemtek vengah sut ka duen pe u;

2Korin 4:9

raal-asa broela awm de, paya khatca khaw khueh muehla tah n'awm aih nawh; mami he nganbawh tah broela n'yawkk sak u poen de a duek tah n'duek u aih nawh.

1Thessalonika 2:15

Judah thlaang thli tah Bawipa Jesuh oen tawngha thli te a ngawn u tih mami heemtekkung la khaw awm u. Ahimi lawng metihtlukla kaw a the sak! Thlaang boeih kah raal la awm u.

2Timothy 3:12

A-u khaw Khrih Jesuh oen pumkhatla awmna rang oen Pathen kawngaih la hing ham aka ngaih tah heemtekna patang te a khang ai;