Johan 15:2 - Matu Chin New Testament 2006

² Ahih lawngah, dawngah athaih aka thaih nawh a beek-athleeng thli te a haih boeih tih athaih aka thaih nawh te khaw athaih ciil te athaihna ham a beek-athleeng thli te a coei pe.

Matu Bible

² Kai ah a thaih aka thai mueh a baek tah boeih a hlaek ni. A thaih aka thai boeih te a thaih muep thaih sak ham a hloe.

Johan 15:2 Iomraidhean Croise

Mathai 13:12

A-u khaw aka khueh te tah a taawm pe vetih a ngoena lak ah a khueh tare ai; tede aka khueh nawh te tah a khueh duen te a lawh pe ai.

Mathai 13:33

Jesuh lawng ahimi tengah atloe thuidoetna pakhat a thui pe baal: “Vaan ram tah he tila awm. Hutaa pakhat lawng tawlru a lawh tih taa-eek hawl at dawng a phull atah a raawi sak boeih oen lo u” tila Jesuh lawng a tina.

Mathai 15:13

Jesuh lawng, “Vaan a Pa kah thingliing nawh thingkung boeih tah a phuk ai;

Mathai 21:19

Lawngteng kah thaidut thing te a huh tih a kung la cet, a thing dawngah a ram hawng te a huh. Tedawngah thaidut thing te. “Meveng khaw na thaih koep thaih manawh,” tila a tap. Kawlkalh ah thaidut thing te duek rup tih reu pahoei.

Mathai 25:29

Metihtiah aka khueh moek thlaang tengah a tawm athap pe vetih apueh la a khueh ai. Tede aka khueh nawh thlaang tengkah a khueh duen te a lawh pe ai.

Mathai 3:10

Thingkung boeih te ayung ah vungna hamla haica tah a toen sut poen. Thaih theen aka thaih nawh thingkung boeih te a vung vetih hai dawngah a phuum ai.

Mathai 3:12

A kut dawngah caang yahna raa a pawm vetih caang te aciimla a yah ai, caangtak te thaidi dawng a khueh ai, tede caanghii te tah aka duek thai tlaih nawh hai dawngah a phuum ai,” a tina.

Mathai 7:19

Athaih theen aka thaih nawh thingkung boeih te a vung tih hai dawngah a phuum u.

Marku 4:20

Tede atloe thlaang thli tah lai theen dawngah a tuh caangti oen lo u. Ahimi lawng Pathen awl te a yaak u vengah a do u tih a vui athaih thawn. Khatsut tah a pueh sawmthum, khatsut tah a pueh sawmruk, khatsut tah a pueh yakhat toela thawn.” a tina.

Luka 8:13

Lungrawng sawah aka tla caangti te tah awlthang theen te a yaak tih awmngaih kawhoe la aka do thlaang te thuingaihna ni. Tede ahimi kaw khuiah ayung te caa khuek nawh. Kawlkalh ham bueng te a oeng u tih noekdakna tue a law veng atah tlim boeih u.

Johan 15:1

Jesuh lawng, “Kai tah misurkung tangtang la ka awm tih a Pa tah Dum khuehkung ni.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 15:3

Nangmi tah kai kah cangpueina oen aciimthlaula na awm u poen.

Johan 15:6

A-u khaw kai dawngah aka awm nawh tah misur kah a beek-athleeng angla a voeih vetih reu ai; te ang a beek-athleeng te a cawi vetih hai dawngah a phum ai, te ah te ung boeih ai.

Johan 15:8

Nangmi lawng yahawh hlangla athaih thaihna rang oen a Pa kah ruep-awmna te na tueng sak u vetih te tila te ka hubang la na coengg u ai.

Johan 17:12

Ahimi oen ka awm vengah he nang lawng nan peek huham tharana namah miing oen ah te ahimi he ading asuekla ka thlip ka dah tih ka khoem. Thlaangha pataam la nuen tangte thlaang pakhat te thui muehla tah pakhat khaw ha-ata nawh.

Rom 11:17

Olif thingkung a liing u a beek thli khatsut te a tloek u tih te kah thingngaw dawngah te olif thingkung rawlrap a beek thli te oen a cong u. Te tila nangmi Gental thlaangphun khaw olif thing rawlrap angla na awm u tih, tahe tah Judah thlaangphun thli kah muithla ben hingna tharana te na bawn u van poen.

Rom 11:22

He ah he Pathen kah thlaang reenna kaw a poekna oen rih koei la a awm te n'huh u. Aka tlim thli ham tah rih awm tangkiik tede nangmi te tah n'reen u, nangmi lawng a reenna khuiah na awm u poe atah reenna kaw avan poek ai, tede na awm u nawh atah nangmi khaw tloek poet la na awm u van ai.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

1Korin 13:1

Kai lawngah thlaanghing kah awlcawm awlcee oen vanthlaang awl pateng ka cal thai cakhaw lungna ka khueh nawh atah ka awl-thui he curumngang la awl aka riing mong oen tlaklak awl angla ni a awm mai.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 12:15

Pathen kah lungvatna te a-u lawngkhaw mangthawng taak nawh ham ngaithuen uh. Thingkha thing lawng roeng hang tih asue oen thlaang te raina boehoengla a peek angla a-u khatca khaw awm u boel.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

Olphong 3:19

Kai lawngtah ka lungna thlaang boeih te ka toel ka thaam tih dan ka tat. Tedawngah na tha thlue sak lang na thawlhna yut lah.