Johan 14:9 - Matu Chin New Testament 2006

⁹ Jesuh lawngah, “Nangmi tengah asan hlang ka awm poen, nan ming thlan aw, Filip? A-u khaw kai he aka hu tah a Pa te a huh poen. Tetih atah n'tu ah, “Na Pa te kaimi n'huh sak lah na ti.

Matu Bible

⁹ Jesuh loh, “Philip nangmih taengah kum he yet ka om dae kai nan ming pawt nim? Kai aka hmu loh pa te a hmuh coeng. Balae tih, 'Pa te kaimih n'tueng lah,' na ti mai?

Johan 14:9 Iomraidhean Croise

Marku 9:19

Jesuh lawng ahimi nala te, “Nangmi oengna aka khueh nawh thlaang hue! Nangmi he metuek toe kan awm puei ai? Nangmi he meyoeh toe nuem kan reen u lah ai? Camaw te ka tengla van law puei uh,” a tina.

Luka 12:56

Thlaangthaipalat hue! Nangmi lawng vaan oen dilai he na dan u tih khawtue tah na thui thai u; tetih atah, n'tu ah tahe vengkah atue he tah na ming u thai nawh?” a tina.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 10:30

A Pa oen kai he tah pakhat ni.” a tina.

Johan 12:45

A-u khaw kai he aka hu tah kai tuihkung te khaw a huh.

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 14:7

Tahe ah kai he nan ming u poen, nangmi lawng a Pa te khaw na ming u; tahe veng kalawng ah nangmi lawng ahih te na ming u poen tih na huh u poen” a tina.

Johan 8:19

Ahimi lawngah, “Na Pa te mela a awm?” a tina u. Jesuh lawng, “Nangmi lawng kai he khaw nan ming u nawh, a Pa khaw na ming u nawh. Nangmi lawng kai he nan ming u kawinih a Pa khaw na ming u van ai” a tina.

1Korin 15:12

Tahe vengah he Khrih tah duekna kalawng tho koep tite kaimi lawng kavan phawng u lal maiah nangmi timkah thlaang khatsut lawng thlaangduek he tho koep tang manawh na ti u thai?

Philipi 2:6

Ahih tah Pathen pumsa oen soep yoeyah, tede Pathen oen avan at la awm ham te yawm mangkhak ham poek nawh.

Kolosa 1:15

Khrih tah huh thai nawh Pathen kah huh thai mueisam ni. Ahih tah a Capa camiing la awm tih a sai thaihu boeih lak ah asangluet la awm.

Hebrew 1:3

Ahih tah Pathen kah ruep-awmna aangna aka tueng sak tih Pathen amah coenggna oen aka lo u taktak ni. Huham tharana aka awm awl oen khawhipuempa he a khawl acuui tih a cak sak. Thlaanghing ham thawlh khawdawp ngaaina oen thawlh ciimna a sai coengah, vaan ah Huham Thara sangkoek Pathen kah bantang ben ah te ngawl.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.