Johan 14:30 - Matu Chin New Testament 2006

³⁰ He dilai ukkung te law poen ai, tedawngah nangmi oen awl asan hlang la n'thui u tlaih manawh. Ahih lawng ka sawah huham tharana te khueh thai manawh,

Matu Bible

³⁰ Diklai boei tah ha pawk coeng dongah nangmih taengah muep ka cal mahpawh. Tedae kai soah saithainah a khueh loengloeng moenih.

Johan 14:30 Iomraidhean Croise

Luka 1:35

Vanthlaang lawng, “Ciim Muithla te na tengla law vetih Pathen kah huham tharana tah na sawah awm ai. Tedawngah aciim camaw te Pathen Capa ti u ai.

Luka 22:53

Kai he khawhin roekk ah Tempal bok-im ah nangmi oen n'awm u ta, tevengah te nan tu u nawh. Tede yiin tharana lawng a uk lii tahe vengah he nangmi kah saina hamla a tue theen ni.” a tina.

Johan 12:31

Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Caeltueih 1:3

A duek coengah khawhin sawmlii khui puet ahimi tengah a phumpho pe tih ahih tah hing tite uepvoetna awm tlaih nawh.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Ephesa 2:2

Te veng tue ah te nangmi lawng dilai han kah athe lawngpui te na vai u; khawhi dawngah aka awm muithla benkah tharana ukkung awl te na ngaai pe u; te muithla lawngah te Pathen awl aka ngaai nawh thli te tahe ah a uk.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

Kolosa 1:13

Amah lawng mami he yiinna thara huham khui kalawng n'thlawn tih a lungna a Capa ram khuiah ngaimawngla te n'kuun poen;

Hebrew 4:15

Mami kah Khawsoeih Bawi he mami kah tharana nawh dawngah reenna aka khueh thai nawh khawsoeih aih moenih ta. Mami kah khawsoeih Bawi he mami angla suekna phun soeprep aka tawng van ni, tede thawlhna tehca khaw sai nawh.

Hebrew 7:26

Tedawngah Jesuh tah mami kah ngoena aka soep sak Khawsoeih Bawi ni. Ahih tah ciim; thawlhpalhna khueh nawh tih thawlhna khaw ahih dawngah awm nawh; ahih te thlaangthawlh tim kalawng a thloeng tih vaan khawhi sawah a pawmsang hang poen.

1Peter 1:19

Te thaihu tah angaw aha awm nawh tih cawttbauh kap nawh tuuca oen aka lo u aphu aka tlo Khrih kah luciik thawthuengna te ni.

1Peter 2:22

Ahih tah thawlhna khat khaw sai nawh, me veng khaw hoem awl thui vai nawh.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 5:18

Pathen kah ca-anau la aka awm lawngtah thawlhna sai poepa nawh tite m'ming u, metihtiah Pathen Capa lawng a hih te ading asuekla a khueh tih Raai Bawi lawngah raina pe thai nawh.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.