Johan 14:3 - Matu Chin New Testament 2006

³ Kai lawng ka cet vetih nangmi hamla ahuen te ka roekbah coengah ka law koep vetih kai ka awmna ah nangmi awm van ham kan lawh ai.

Matu Bible

³ Ka cet vetih nangmih ham hmuen ka rhoekbah atah koep ka lo vetih kamah taengla nangmih kan loh ni. Te daengah ni kai ka om nah ah na om uh van eh.

Johan 14:3 Iomraidhean Croise

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 14:28

‘Kai tah ka cet ai, tede nangmi tengla ka law koep ai, kan tina te na yaak u poen.’ Kai he nan lungna u atah a Pa tengla ka cet ai ka ti he na awmngaih ham awm; metihtiah ahih tah kai lak ah aka lenduet ni.

Johan 14:4

Kai ka cehna ahuen la aka pha sak lawngpui te na ming u.” a tina.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Caeltueih 1:11

ahih rawi lawngah, “Galili thlaang thli, n'tu ah te ah te na pai u tih vaan benla na dan khiing u? Jesuh he nangmi teng kalawng vaan la luui poen, vaan la a luui hang na huh u van angla te a rum thuk koep te na huh u ai.” a tina.

Rom 8:17

Mami tah amah kah ca-anau la n'awm u veng kalawng a thlaang hue ham a khueh pe kam-awm yotheenna te n'dang van ai. Pathen lawng Khrih ham a khueh pe te mami lawngkhaw m'paang van ai; metihtiah Khrih kah patangraina te n'cuut u atah, mami lawng amah kah ruep-awmna te khaw m'paang van ai.

Philipi 1:23

He pahih lawngah kai he n'doek. He hingna he ceh taak tih Khrih oen awm haih ka ngaih tangkiik, te tah atheen ngaai thaihu ni;

2Thessalonika 1:12

He tila te mami Bawipa Jesuh miing lawngah nangmi rang oen ah ruep-awmna te a dang vetih, mami kah Pathen oen Bawipa Jesuh Khrih kah lungvatna rang oen nangmi lawngkhaw amah teng kah ruep-awmna te na dang u van ai.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.