Johan 14:27 - Matu Chin New Testament 2006

²⁷ Ngaimawngna kavan ceh taak u, te tah kamah kah ngaimawngna te ni kan peek u. Dilai kah peek te ang te kan pe nawh. Ngaihang lakueng oen khawthe boepla awm u boel; rihsakna khaw khueh u boel.

Matu Bible

²⁷ Ngaimongnah nangmih taengah kan hlah. Ka ngaimongnah te nangmih kan paek. Kai loh nangmih kan paek he diklai loh a paek bang moenih. Nangmih thinko te thuen sak boeh, rhalyawp uh boeh.

Johan 14:27 Iomraidhean Croise

Mathai 10:26

Tedawngah thlaang te rih u boel. Tahe ah thuh elh la aka awm boeih he phumpho vetih awlhuep boeih te ming la awm ai.

Luka 1:79

duekna thlip yiinna khuiah aka awm thlaang boeih te vaan kalawng avan thue ai, ngaimawngna lawngpui ah mami he m'mawt ai” tila a thui.

Luka 10:5

Nangmi lawng im khui pakhat ah na kuun veng roekk ah lamhacuekla, “He im khuiah he ngaimawngna awm hawn seh.” tina uh.

Luka 12:4

“Ka puei thli, kavan thui u, pum bueng he a ngawn thai doek tih atloe athe-eep khat khaw aka sai thai nawh thlaang thli te rih boel.

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Johan 14:1

Jesuh lawng a hubang hue nala te, “Nangmi lawngah ngaihang khawbing la awm u boel, Pathen khaw oeng u langtah kai khaw n'tangna u lah.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Johan 20:19

Thawh koep hin thlemben atah a hubang hue te thik at la tun u. Ahimi lawng aana khuehkung Judah thlaang thli te a rih u tih thawh a khaih tih khak a kalh u. Tevengah Jesuh te law tih ahimi tim ah te a pai pe. “Nangmi sawah ngaimawngna awm seh.” a tina.

Johan 20:21

Jesuh lawng ahimi nala te, “Nangmi tengah ngaimawngna awm seh, a Pa lawng kai n'tuih van angla nangmi he kan tuih u.” tila koep a thui pe.

Johan 20:26

Yarh khat a awm coeng atah a hubang hue te im khuiah koep tun u. Tawmas khaw ahimi oen awm u. Thawh te khak a kalh u, tede Jesuh te law tih ahimi tim ah pai tih,” Nangmi tengah ngaimawngna awm seh” a tina.

Caeltueih 10:36

Thlaang boeih kah Bawipa la aka awm Jesuh Khrih rang oen ngaimawngna Awlthang Theen a thui tih Israel thlaang thli tengah Pathen lawng a peek te na ming u.

Caeltueih 18:9

Yiin at atah Pawl lawng huhthlaam a huh tih te kah huhthlaam dawngah Bawipa lawng, “Rih boel, toeng tlaih ohla awlthang te poe thui,

Rom 1:7

Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 8:6

Pumsa ngaihna ah khawsak phu tah duekna ni. Muithla ngaihna ah khawsak phu tah hingna oen ngaimawngna ni.

1Korin 1:3

Mami kah Pa Pathen oen Bawi-pa Jesuh Khrih lawng lungvatna, ngaimawngna te nangmi m'pe u hawn seh.

Galati 1:3

Mami kah Pa Pathen oen Bawipa Jesuh lawngah lungvatna, ngaimawngna te nangmi m'pe hawn seh.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 6:16

Amami kah hingna dawngah he phung-alam aka vai thlaang thli tengah ngaimawngna oen reenna te awm hawn seh, Pathen thlaang thli boeih tengah khaw awm seh.

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

Kolosa 1:2

Khrih oen pumkhatla awmna ah uep-awm maya manau Kolosa khaw kah Pathen thlaang thli tengah ca kavan pat: Mami kah Pa Pathen lawng lungvatna ngaimawngna te nangmi m'pe hawn seh.

Kolosa 1:20

Tecoengah Pathen lawng a Capa rang oen khawhipuempa boeih he amah tengla doek koep hamla a ngaih. Pathen lawng a Capa thinglam dawngah a duekna rang oen roeproeina a sai tih vaan oen dilai ah aka awm thaihu boeih te amah tengah a doek koep.

Kolosa 3:15

Khrih kah peek ngaimawngna tah nangmi lawng awltloekna na saina ah nangmi te lawngpui aka tueng sak ham ni; metihtiah he ngaimawngna khuiah awm haih hamla Pathen lawng pum pakhat dawngah nangmi te n'khue u. Tedawngah awmngaih uh.

2Thessalonika 1:2

Mami kah Pa Pathen oen Bawipa Jesuh Khrih lawngah nangmi te lungvatna, ngaimawngna m'pe hawn seh.

2Thessalonika 3:16

Ngaimawngna kungpui Bawipa amah lawngah metuek tue vengah khawseh along a-im phun soeprep oen ah ngaimawngna m'pe hawn seh.

2Timothy 1:7

Metihtiah Pathen kah peek Muithla lawngah mami he riyawp thlaang la n'sai nawh; ahih kah Muithla lawngtah mami he huham tharana, lungna, mah oen mah kuemsuemna oen ah m'betoet sak dai.

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

Hebrew 7:2

Abraham lawng raal kut kah avan khuen boeih thaihu paha ah pakhat te ahih a peek (Melkhizedek kah a miing, lamhacuek thuingaihna tah, “Doengna Sengpahrang,” ti ngaihna tih ahih tah Salem kah sengpahrang la khaw a awm dawngah ahih kah miing he “Roepna Sengpahrang,” tila khaw a thuingaihna ni.)

Olphong 1:4

Johan teng kalawng, Asia ram khuiah aka awm Khrihcabu pasarih tengah: Aka awm lii, aka awm poen tih aka awm poe ham koei Pathen teng kalawng amah ngawlhcoen hai kah Muithla pasarih teng kalawng,

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.