Johan 14:26 - Matu Chin New Testament 2006

²⁶ A Pa lawng ka miing oen avan tuih ham koei Bawmkung Ciim Muithla lawngah soeprep boeih te nangmi m'cang puei vetih kavan thui boeih he nangmi m'ming sak ai.

Matu Bible

²⁶ Tedae kai ming rhangneh a pa loh Mueihla cim te baerhoep la han tueih ni. Anih loh a cungkuem ah nangmih te n'thuituen vetih kai loh nangmih taengah ka thui boeih te nangmih n'thoelh sak ni.

Johan 14:26 Iomraidhean Croise

Mathai 1:18

Jesuh Khrih a cuunna tah hetila ni. A manu Meri te Josep ham a kang pe, tede yuvaa la a awm haih hih thlan ah Ciim Muithla rang oen camaw ka cuun ai tila a ming,

Mathai 1:20

He kawng he a poek lii vengah Bawipa kah vanthlaang pakhat lawng ahih tengla a mang ah a pho pe tih “Devid cadil Josep, Meri te yuna ham rih boel, Metihtiah a bung a vawn he Ciim Muithla rang oen ni.

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Mathai 3:11

Thawlhna na yut poen tite tuengna ham kai lawngtah tui oen Baptisma kan peek u. Tede kai hu ah aka law thlaang lawngtah Ciim Muithla oen hai oen ah Baptisma m'peek u ai. Ahih tah kai lak ah lenduet tih kai tah ahih kah khawmuek pawm ham pateng ka koeih nawh.

Marku 12:36

Aciim Muithla kah bawnghorhna rang oen Devid amah lawng: “Bawipa lawng ka Bawipa tengah: Na raal thli te na khowpha huiah ka khueh thlantoe ka bantang ben ah ngawl” a tina.

Marku 13:11

Nangmi te n'tuuk tih awlcekna yung la n'khuen u atah n'tu nuem ka thui ai tila lakueng oepsoeh u boel; atue a pha vengah thui hamla m'peek te thui hawn. Metihtiah nangmi lawng na thui ham awl te tah nang kah awl nawh ni, Ciim Muithla teng kah awl ni.

Luka 1:15

Ahih tah Bawipa mik huh ah aka lenduet la awm ai. Ahih lawngtah misurtui oen yuu khaw aw roe manawh. Ahih tah a thang pek kalawng Ciim Muithla oen be poen ai.

Luka 1:35

Vanthlaang lawng, “Ciim Muithla te na tengla law vetih Pathen kah huham tharana tah na sawah awm ai. Tedawngah aciim camaw te Pathen Capa ti u ai.

Luka 1:41

Elizabet lawng Meri kah toeina awl te a yaak vengah a bung khuikah camoe te tat. Elizabet tah Ciim Muithla oen be tih,

Luka 1:67

Johan kah ana pa Zekhariah tah Ciim Muithla oen be tih Pathen awl te a thui:

Luka 11:13

Thlaangthe la na awm u de ta, na ca thli te thaihu theen peek ham na ming u. Te atah vaan ah aka awm Pa lawng atah Ciim Muithla te aka bih boeih tengah a peek tare ai ta!” a tina.

Luka 2:25

Tevengah te Simeon aka miingna thlaang pakhat te Jerusalem ah awm. Ahih tah thlaangdoeng, Pathen aka rih thlaang la awm tih Israel thlaangphun thlawn la a awmna tue te a ring khuep. Ahih te ciim muithla lawng a awm puei tih,

Luka 24:49

Kamah roe lawngah a Pa lawng avan kam te nangmi tengah kavan tuih ai. Tede asawben kah tharana te nangmi tengah a law thlantoe tah khawpui khuiah te ring uh.” a tina.

Luka 3:22

Ciim Muithla tah pumtaksa la akhuu angla te ahih sawah va law thuk. Tecoengah vaan kah awl lawng, “Nang tah kan lungna ka Capa ni. Na sawah ka ngaai tluep ti.” tila a thui.

Johan 1:33

Ahih te a-u ti khaw ka ming nawh, tede tui oen ah baptisma peek hamla tuihkung Pathen lawngah ‘Muithla te va rum thuk vetih thlaang pakhat sawah a cuuk te na huh ai; ahih te tah Ciim Muithla oen baptisma pekung ni tite na ming ai,’ ti.

Johan 12:16

Tevengah te a hubang hue lawng he kah thaihu he yaakming u thai nawh; tede Jesuh he ruep-awm la a thawh coeng veng atah Caciim lawng ahih kawng a thui tih ahih hamla ni ahimi lawng a sai pe u tite a yaakming u.

Johan 14:16

A Pa tengah ka bih vetih nangmi te dungyan aka awm puei hamla ahih lawngah atloe Bawmkung te nangmi m'peek ai.

Johan 14:25

Nangmi teng ka awm vengah he kah awl he kavan thui u.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 16:7

Tede awltak kavan thui: kai he ka ceh atah nangmi ham theen bet ai, metihtiah ka cet nawh kawinih nangmi tengah Bawmkung te law manawh. Tede ka cet kawinih ahih te nangmi tengla kavan tuih ai.

Johan 2:22

Tedawngah duekna kalawng a thawh koep vengah ahih lawng Te tila a thui te a hubang thli lawng koep a ming u tih Caciim khaw, Jesuh awl thui te khaw a tangna u.

Johan 20:22

Tecoengah ahimi sawah a hill te pho a hut tih, “Ciim Muithla he lo u lah.

Johan 6:45

Tawngha thli lawng, “Thlaang boeih te Pathen lawng a cang puei ai” tila a thut. A-u khaw Pa awl te a yaak tih aka cang tah ka tengla law u.

Johan 7:39

Jesuh lawng amah te aka tangna thlaang thli lawng a dang ham koei Muithla kawng te ni he tila a thui. Te kah atue vengah ahih te Muithla pe thlan hun, metihtiah Jesuh te ruep-awm la thawh sak thlan hun.

Caeltueih 1:2

Vaan la a luui thlan vengah a thlaangtuek hubang hue te Ciim Muithla tharana oen a uen a tawn.

Caeltueih 1:4

Tecoengah ahimi a tun u vengah he tila awl a thui pe: “Jerusalem he ceh taak u boel, a Pa awlkam akawng alam kavan thui kutdo te ring uh.

Caeltueih 1:8

Tede nangmi sawah Ciim Muithla a law vengah nangmi tah tharana oen na betoet u vetih Jerusalem ah, Judia peng boeih oen ah Samaria peng ah, tecoengah dilai aboetna kheng toela kai kah sausi la na awm u ai.

Caeltueih 11:16

Tevengah Bawipa lawng, ‘Johan lawngtah tui oen ah baptisma te m'peek u, tede nangmi tah Ciim Muithla oen baptisma m'peek ai.’ tila a thui te lot ka poek.

Caeltueih 13:2

Ahimi lawngah Pathen a bok u tih buh a yeh u vengah te Ciim Muithla lawngah ahimi nala te, “Kai lawng bii ka hoel ka paai te aka bi hamla ka khue Barnabas oen Sawl te kai ham van thloeng uh” a tina.

Caeltueih 13:4

Barnabas oen Sawl tah Ciim Muithla lawng a tuih van angla Silukia khaaw la cet hih tih te kalawng ah Saipras tuisanglak la te tuisangphaw oen cet hih.

Caeltueih 15:28

He kah angoe phung alam coengah atloe thalrih khatca khaw nangmi sawah tloeng nawh hamla Ciim Muithla oen kaimi ka kaw vai u poen:

Caeltueih 15:8

Thlaang boeih kah poekna mingkung Pathen lawngah Ciim Muithla te mami m'peek van angla Gental thlaang thli khaw a peek van tih ahimi te a do poen tite a tueng sak.

Caeltueih 16:6

Ahimi te Ciim Muithla lawng Asia ram khuiah awlthang a phawng sak nawh dawngah Frikia ram oen Galati ram la te poe cet u.

Caeltueih 2:33

Ahih tah ana Pa Pathen kah bantang ben ah a ngawlh sak poen tih ana Pa kah awlkam angla Muithla te a dang poen. Tahe ah nangmi lawng na huh u tih na yaak he tah kaimi sawah avan toi amah kutdo ni.

Caeltueih 2:4

Ahimi tah Ciim Muithla oen betoet u tih Muithla lawngah a thui sak angla awl tloe la cal u.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 20:35

Mami lawng voetna aka awm thlaang thli te bawmcemna ham bii te bi ham awm tite soeprep boeih ah kan huh sak poen. Bawipa Jesuh amah lawng, ‘Dangna lak ah peekna he yo-akam awm ngaai’ tila a thui awl te hilh u boel.” a tina.

Caeltueih 28:25

Ahimi te oelh u khiing tih Pawl lawng he awl pakhat he a thui pe coeng atah meel u; a thui pe awl tah: “Ciim Muithla lawng tawngha Isaiah rang oen ah na patuer hue tengah a thui te soeng tangtang!

Caeltueih 5:3

Piter lawng ahih nala, “Ananias, n'tu ah na thinkaw te Seitan na uk sak, na khueh toen na yoeih thaihu phu te namah ham na paih thoem tih Ciim Muithla te na thai na lat na?

Caeltueih 7:51

Tecoengah Stefen lawng, “Nangmi he na thin thah tangkiik mai mah aw! Na kaw talh sut u tih Pathen awl yaak hamla na haa khaw pang malhtalh u! Nangmi he na patuer hue angla ni na awm u: Nangmi lawngkhaw Ciim Muithla te na hek khaklal poepa u!

Caeltueih 7:55

Tede Ciim Muithla oen aka betoet Stefen tah vaan a dan hang tih Pathen kah bantang ben ah aka pai Jesuh oen Pathen kah ruep-awmna te a huh.

Rom 14:17

Metihtiah Pathen kah Ram tah caak awkk dawng awm nawh tih Ciim Muithla kah peek doengna, ngaimawngna oen awmngaihna dawngah ni a awm.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 15:16

Khrih Jesuh kah tuihyoeihthlaang la awmna te m'peek dawngah ni. Gental thlaangphun lawngah Pathen kah do koei luciik la a awmna ham oen ah Ciim Muithla rang oen Pathen tengah nawn koei thaihu la awmna ham Pathen tengkah, Awlthang Theen ka phawng vengah he khawsoeih angla bii ka bi.

Rom 5:5

Pathen lawng a lungna te mami thinkaw khuiah Pathen amah kah kutdo Ciim Muithla oen ah avan toi poen dawngah he ngaiuepna lawng mami he kawpoek boet sak nawh.

1Korin 12:3

Nangmi ming sak hamla ka ngaih tah Pathen Muithla lawng a mawt thlaang a-u khat lawngkhaw “Jesuh te kawsi yawkk seh.” ti nawh vetih Ciim Muithla lawng a mawt thlaang nawh atah a-u khat lawngkhaw “Jesuh tah Bawipa ni,” tila thui tang manawh.

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

2Korin 6:6

Kaimi lawng thinkaw ciimna, cuihhoena, kawdawna, reenna oen ah khaw, Ciim Muithla rang oen ah, lungna tang tang oen ah khaw,

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

1Thessalonika 4:8

Tedawngah a-u khaw he kah cangpueina he aka vai nawh tah thlaanghing te hoett nawh, tede amah kah Ciim Muithla pekung Pathen te ni a hoett poen.

2Timothy 1:14

Mami khuiah aka hing Ciim Muithla kah tharana rang oen ah nang tengah avan tloeng thaihu theen te anepla kuem-akawl.

Titus 3:5

mami he ahih lawng n'thlawn poen. Te tah mami kah thaihu theen saina dawngah nawh tih a lungna oen ni mami he ahih lawng n'thlawn. Ciim Muithla rang oen athaaila cuunna oen athaaila hingna pekung lawng n'silh dawngah ni.

Hebrew 10:15

Tecoengah Ciim Muithla lawngkhaw amah kah sausi te mami tengah avan tueng sak. Ahih lawng lamhacuek ah,

Hebrew 2:4

Te tila te ahimi kah sausi te soeng tila a tuengna ham Pathen lawngah miknoekna oen kawpoekrai phun soeprep te a sai tih Ciim Muithla kah kutdo thli te amah kawngaih angla a rek ara.

Hebrew 3:7

Tedawngah Ciim Muithla lawng avan thui angla, “Te hin ah Pathen awl te, na yaak u atah, na thin thah sak u boel;

Hebrew 9:8

He tila phung-alam oen saina dawng kalawng Ciim Muithla lawng aciimphanla n'cang puei tah adauben Riim-im te a awm hun roekk atah Huen Ciim Koek khuila kuunna lawngpui te awng u thlan hun ti he ni.

1Peter 1:12

Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

2Peter 1:21

Metihtiah tawngha thli kah thui oepsoeh awl he thlaanghing kawngaih-na oen law mailai nawh, tede thlaang he Ciim Muithla lawng a ceemtuh dawngah ahimi lawng Pathen tengkah awl aka law te a phawng u.

1Johan 2:20

Tecakhaw nangmi tah Khrih lawngah Ciim Muithla te na sawah avan toi u poen, tedawngah nangmi boeih lawng awltak te na ming u.

1Johan 2:27

Tede nangmi ham tah Khrih lawngah a Muithla te nangmi sawah avan toi poen. Nangmi kaw khuiah a Muithla te a awm atah, nangmi cang puei ham a-u khat khaw na ngoe u tlaih nawh. Metihtiah amah Muithla lawngah soeprep boeih kawng te nangmi n'cang puei u tih te cangpueina tah soeng taktak, aka thawlh nawh ni.

1Johan 5:7

He kawngah sausi pathum awm.

Jude 1:20

Tede ka paya thli, nangmi tah namami kah aciim oengna dawngah namami oen namami tawm athap patoeng uh. Aciim Muithla tharana oen thangthui uh.

Olphong 2:11

“Yaakna haa aka khueh lawng atah Muithla lawngah Khrihcabu thli tengah a thui awl he ya hawn seh! “Taakung la aka awm thli tah voeihih duekna kalawng loeih poen ai,” ti.