Johan 14:23 - Matu Chin New Testament 2006

²³ Jesuh lawng, “A-u khaw kai aka lungna tah kan cang puei he a vai ham awm. Ahih te a Pa lawng a lungna ai, kai oen a Pa te a tengla ka law vetih ahih tengah te ka awm hih ai.

Matu Bible

²³ Jesuh loh anih te a doo tih, “Khat khat long ni kai n'lungnah atah kai olka te a tuem ni. Anih te a pa loh a lungnah ni. Te vaengah amah taengla m'pha uh vetih anih taengah hmuen n'saii uh ni.

Johan 14:23 Iomraidhean Croise

Johan 10:30

A Pa oen kai he tah pakhat ni.” a tina.

Johan 14:15

“Kai he nan lungna u atah, ka awlpeek he na vai ham awm.

Johan 14:17

Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Johan 14:21

A-u lawngkhaw ka awlpeek he a do tih aka vai tah kai he aka lungna thlaang ni. Kai he aka lungna boeih tah a Pa lawng a lungna ai; Kai lawngkhaw ahih te ka lungna vetih a tengah ka phumpho pe ai.” a tina.

Johan 14:24

A-u khaw kai he aka lungna nawh tah ka cang puei he vai manawh. Nangmi lawng na yaak u cangpueina he kamah tengkah nawh ni, tede kai tuihkung a Pa teng kalawng ni a law.

Johan 15:10

A Pa kah awlpeek te ka vai tih a lungna khuiah ka awm van angla ka awlpeek thli he na vai u atah kai kah lungna khuiah na awm u.

Johan 16:27

Metihtiah a Pa amah lawng nangmi te n'lungna. Nangmi lawng kai he nan lungna u tih kai he Pathen teng kalawng ka law ti he na tangna u dawngah nangmi te n'lungna.

Johan 6:56

A-u khaw ka ngan he a caak tih ka thi he aka aw tah kai dawngah hing tih kai khaw ahih dawngah ka hing.

Johan 8:51

Awltak kavan thui u; a-u khaw kai lawng kan cang puei he aka vai tah mevengah khaw duek manawh.” a tina.

Johan 8:52

Ahimi lawngah ahih nala te, “Nang he raaithe na khueh tite tahe atah acaihla ka ming u poen! Abraham tah duek poen tih tawngha hue khaw duek boeih poen, tede nang lawngtah, ‘a-u khaw kai lawng kan cang puei he aka vai tah mevengah khaw duek manawh’ na ti.

2Korin 6:16

Metila Pathen kah tempal bok-im te aka oeng nawh kutsai mueime oen a roep hih thai ai? Metihtiah mami tah aka hing Pathen kah tempal bok-im ni! Pathen amah lawngah, “Kai lawngah ka awmna im te ka thlaang thli oen ka sak vetih ahimi tim ah ka awm ai; Kai tah ahimi kah Pathen la ka awm vetih ahimi te kai kah thlaang la awm u ai,” ti.

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

1Johan 2:24

Tedawngah nangmi lawng acuekca kalawng na yaak u awl te na kaw khuiah khueh uh. Te awl te na khueh u atah Capa oen Pa oen ah pumkhatla nangmi poe na awm u ai.

1Johan 2:5

Tede, a-u khaw a awl te a vai atah Pathen kah lungna oen ahih te soep tangtang poen. Pathen oen mami pumkhatla ng'awm tite mingna tah he tila ni,

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 5:3

Metihtiah mami lawng Pathen n'lungna tila thuingaihna tah a awlpeek thli n'vai he ni. Ahih kah awlpeek te tah mami ham rai aih mai nawh,

2Johan 1:6

He kah lungna tila ka thui ngaihna tah Pathen kah awlpeek te vai tih mami lawng hing ham awm ti ngaihna ni. Te awlpeek te tah acuekca veng kalawng boeih na yaak u poen angla lungna oen awm boeih uh ti he ni.

Olphong 21:22

Te khawpui khuiah tempal bok-im ka hu nawh, metihtiah Thara koek Bawipa Pathen oen Tuuca tah te kah tempal bok-im la awm poen.

Olphong 21:3

Bawingawlhcoen dawng kalawng awl angaihhlangla a thui te ka yaak: “Tahe tah Pathen im te thlaanghing tengah awm poen! Pathen tah ahimi oen awm haih vetih ahimi tah Pathen kah thlaang la awm poen ai. Pathen amah roe te ahimi oen awm haih vetih ahimi kah Pathen la awm poen ai.

Olphong 22:3

Pathen lawngah a tap avoep thaihu khatca khaw te khawpui khuiah awm manawh. Pathen oen Tuuca kah bawingawlhcoen tah te khawpui khuiah awm tih amah kah a tuihyoeih-thlaang thli lawngah ahih te a bok u.