Johan 14:2 - Matu Chin New Testament 2006

² A Pa im ah ahuen yahawh hlang awm tih nangmi ham ah ahuen roekbah hamla ka cet ai. Awm nawh kawinih nangmi tengah kavan thui nawh mue.

Matu Bible

² A pa im ah hmuen muep om. Tedae om pawt koinih a om pawt te nangmih taengah ka thui ni. Nangmih ham hmuen rhoekbah ham ka cet.

Johan 14:2 Iomraidhean Croise

Luka 14:22

Bawt a awm atah tuihyoeihthlaang lawngah, ‘Bawipa, na awlpeek angla ka sai poen, tede awmna ham ahuen hoeng hun.’ a tina.

Johan 13:33

Ka ca thli, nangmi tengah asan ka awm tlaih manawh. Nangmi lawng kai he nan tlap u ai; tede aana khuehkung Judah thlaang thli tengah ka thui te tahe ah nangmi tengah kavan thui u, ‘Kai ka cehna ah nangmi na cet thai manawh.’

Johan 13:36

Simon Piter lawng, “Bawipa, mela na ceh ai?” a tina. Jesuh lawng, “Kai ka cehna ah tahe na law thai manawh, tede ahula na law badai” a tina.

Johan 14:28

‘Kai tah ka cet ai, tede nangmi tengla ka law koep ai, kan tina te na yaak u poen.’ Kai he nan lungna u atah a Pa tengla ka cet ai ka ti he na awmngaih ham awm; metihtiah ahih tah kai lak ah aka lenduet ni.

Johan 16:4

He ang thaihu thli he ahimi lawng sai hamla atue apha vengah kavan thui he na hilh u nawh ham ah awl kavan thui. Nangmi tengah ka awm dawngah he kah thaihu thli he acuekca ah kavan thui u nawh.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Caeltueih 9:16

Tecoengah kamah roeroe lawngah kamah kawngah patang a khang ham koei boeih te ka huh sak ai.” a tina.

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

1Thessalonika 5:9

Pathen lawng amah kah thinsana patang khang sak hamla mami he n'tuek nawh, mami kah Bawipa Jesuh Khrih rang oen thlawnna te paang ham ni n'tuek u;

Titus 1:2

Mami kah bokna tah dungyan hingna ngaiuepna dawngah kung a sut. Hoem awl aka thui nawh, Pathen lawng dilai a suen thlan veng kalawng he hingna he mami peek ham awl a kam poen tih;

Hebrew 11:10

Metihtiah Abraham lawng yoeyahla aka cak khawpui, Pathen lawng anuen ataak tih a sai khawpui te a lamtoen.

Hebrew 13:14

Metihtiah he dilai han ah mami hamla huencak khawpui awm nawh; mami lawng aka law ham koei khawpui te ni n'lamtoen u.

Hebrew 6:20

Te kah huen ciim koek te mami m'pha thlan ah mami yuengla Jesuh lawng a pha poen tih Melkhizedek kah bii tomthlepkung la dungyan khawsoeih bawi la awm poen.

Hebrew 9:8

He tila phung-alam oen saina dawng kalawng Ciim Muithla lawng aciimphanla n'cang puei tah adauben Riim-im te a awm hun roekk atah Huen Ciim Koek khuila kuunna lawngpui te awng u thlan hun ti he ni.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 21:2

Aciim khawpui Jerusalem thai tah a vaa oen huh u hamla roekbah u tih coekroekla aka thloeihthlam u tuemnu hulaa angla Pathen tengkah vaan kalawng a law thuk te ka huh.

Olphong 3:12

Taakung la aka awm tah ka Pathen kah tempal bok-im tuung la ka liing vetih ahih lawng tempal bok-im te metuek vengah khaw thoeih taak manawh. Vaan kah ka Pathen teng kalawng aka law, Jerusalem thaai ka Pathen kah khawpui miing thaai oen ah ka Pathen kah a miing te ahih pum dawngah ka thut ai. Ahih pum dawngah ka miing a thai te khaw ka thut baal ai.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.