Johan 14:17 - Matu Chin New Testament 2006

¹⁷ Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Matu Bible

¹⁷ Oltak Mueihla te diklai loh so pawt tih a ming pawt dongah doe thai pawh. Tedae anih te nangmih taengah naeh tih nangmih khuiah a om ham dongah na ming uh.

Johan 14:17 Iomraidhean Croise

Mathai 10:20

Na thui ham koei awl te tah nangmi awl nawh ni. Te awl tah Pa Pathen Muithla lawng nangmi dawng kalawng a thui ai.

Johan 14:16

A Pa tengah ka bih vetih nangmi te dungyan aka awm puei hamla ahih lawngah atloe Bawmkung te nangmi m'peek ai.

Johan 14:23

Jesuh lawng, “A-u khaw kai aka lungna tah kan cang puei he a vai ham awm. Ahih te a Pa lawng a lungna ai, kai oen a Pa te a tengla ka law vetih ahih tengah te ka awm hih ai.

Johan 15:26

A Pa teng kalawng aka law Bawmkung, Pathen kawng awltak aka phawng Muithla te law ai. Kai lawng a Pa tengkah kavan tuih vetih kamah kawng he a thui ai.

Johan 16:13

Tede Muithla te a law veng atah ahih lawng Pathen kawng awltak te avan phawng vetih awltak khuila te m'mawt u ai. Ahih lawng amah aana oen thui manawh, tede ahih lawng a yaak te a thui vetih aka law ham koei thaihu te avan thui ai.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

1Korin 14:15

Tetih atah me tih ka ti ai? Kai lawng ka muithla oen ka thangthui vetih ka thinkaw oen khaw ka thangthui ai; ka muithla oen laa ka sak vetih ka thinkaw oen khaw laa ka sak ai.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

2Korin 13:5

Oengna dawngah na hing oen na hing nawh te mingna hamla namami oen namami te noem acai u langtah noekdak u lah. Khrih Jesuh te nangmi thinkaw ah a awm tangtang te na ming u ai! A awm nawh tangtang atah noekdakna dawngah na tlim dingri u poen ai.

2Korin 6:16

Metila Pathen kah tempal bok-im te aka oeng nawh kutsai mueime oen a roep hih thai ai? Metihtiah mami tah aka hing Pathen kah tempal bok-im ni! Pathen amah lawngah, “Kai lawngah ka awmna im te ka thlaang thli oen ka sak vetih ahimi tim ah ka awm ai; Kai tah ahimi kah Pathen la ka awm vetih ahimi te kai kah thlaang la awm u ai,” ti.

Galati 4:6

Amah kah a ca-anau la awmna te a tuengna ham Pathen lawng a Capa kah Muithla te mami kah thinkaw lungbui khuiah avan tuih tih te Muithla lawngah, “Apa, Apa” tila paang.

Ephesa 2:22

Amah oen pumkhatla awmna rang oen ah nangmi khaw thlaangtloe hue boeih oen a sak haih Pathen lawng amah Muithla oen a awmna im la na coengg u poen.

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

2Timothy 1:14

Mami khuiah aka hing Ciim Muithla kah tharana rang oen ah nang tengah avan tloeng thaihu theen te anepla kuem-akawl.

1Johan 2:27

Tede nangmi ham tah Khrih lawngah a Muithla te nangmi sawah avan toi poen. Nangmi kaw khuiah a Muithla te a awm atah, nangmi cang puei ham a-u khat khaw na ngoe u tlaih nawh. Metihtiah amah Muithla lawngah soeprep boeih kawng te nangmi n'cang puei u tih te cangpueina tah soeng taktak, aka thawlh nawh ni.

1Johan 3:24

A-u khaw Pathen kah awlpeek te aka vai tah Pathen oen pumkhatla awm tih Pathen khaw ahih oen ah pumkhatla awm. Te tila mami tengah Pathen kah peek Muithla rang oen ah Pathen tah mami oen pumkhatla awm tite m'ming u.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 4:6

Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.

1Johan 5:7

He kawngah sausi pathum awm.

Olphong 2:17

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh! “Taakung la aka awm thli tah thuh elh la aka awm manna takawi te ka peek ai. Ahimi boeih te lungto abawk pakhat ah rip ka peek ai, te dawngkah a thut miing athaai te a-u lawngkhaw thuingaihna ming nawh vetih te lungto aka dang hue bueng lawng ni a ming ai.