Johan 14:11 - Matu Chin New Testament 2006

¹¹ Kai lawngah, kai tah a Pa khuiah ka awm tih ka khuiah a Pa awm tila ka thui he tangna lah. Na tangna nawh atah ka sai thaihu te tangna uh.

Matu Bible

¹¹ Pa ah ka om tih kai ah a pa a om te kai n'tangnah uh. Te pawt atah a bibi nen te tangnah uh.

Johan 14:11 Iomraidhean Croise

Johan 10:25

Jesuh lawngah, “Kavan thui poen ta, tede kai he nan tangna u nawh. A Pa kah aana oen ah ka sai thaihu thli lawng kamah kawng he a thui;

Johan 10:32

Jesuh lawng ahimi nala te, “Kai lawng sai hamla a Pa kah peek thaihu theen te nangmi hai ah moen ka sai poen; he thaihu thli khuiah me ang kawng dawngah kai he lunghawh oen de hamla na ngaih u?” a tina.

Johan 10:38

Tede te thli te ka sai atah, nangmi lawng kai he nan tangna u nawh mai cakhaw, a Pa tah kai ah awm tih kai khaw a Pa ah ka awm te na mingna u hamla ka sai thaihu thli he tah na tangna u ham awm.” a tina.

Johan 14:10

Filip, kai tah a Pa khuiah ka awm tih a Pa te ka khuiah awm tite na tangna nawh aw? Nangmi tengah awl kavan thui he kamah awl nawh ni. Ka khuiah aka awm a Pa kah bii bina ni.

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 5:36

Tede Johan kah sausideng lak ah alentloe sausideng ham ka khueh: te tah a Pa lawng sai ham m'peek bii ka sai te ni, te lawng atah kai yuengla awl a thui vetih a Pa lawng kai he a tuih tila a tueng sak ai.

Caeltueih 2:22

Ka puei Israel thlaangphun thli, ka awl he hutung u lah! Nazaret khaaw kah Jesuh lawng Pathen kah saithaina aana a khueh tite ahih rang oen Pathen lawng a sai kawpoekrai miknoekna oen kawpoekrai thaihu oen ah aciimphanla a tueng sak poen. Te ang thli te namami mik huh ah a sai dawngah nangmi lawng na ming u.

Hebrew 2:4

Te tila te ahimi kah sausi te soeng tila a tuengna ham Pathen lawngah miknoekna oen kawpoekrai phun soeprep te a sai tih Ciim Muithla kah kutdo thli te amah kawngaih angla a rek ara.