Johan 13:34 - Matu Chin New Testament 2006

³⁴ Tahe ah awlpeek thaai kan peek u: pakhat oen khat te lung u lah. Kai lawng nangmi kan lungna u van angla nangmi khat oen khat na lung u ham awm.

Matu Bible

³⁴ Khat neh khat lung uh thae tila nangmih olpaek a thai la kam paek. Nangmih kan lungnah vanbangla nangmih khaw khat neh khat lung uh thae ham.

Johan 13:34 Iomraidhean Croise

Mathai 5:44

Tede kavan thui u, Na raal thli te lungna lang nangmi aka thekhana thlaang thli ham thangthui pe uh.

Johan 15:17

Tecoengah he tah kai kah awl peek ni: pakhat oen pakhat lung u lah.” a tina.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Rom 12:10

Pakhat oen khat Khrihca maya manau angla lung u the lang thinkaw tak oen ah pakhat oen khat hinyahna te tueng sak uh.

Rom 13:10

Thlaang pakhat te na lungna atah meveng khaw a sawah athe te na sai roe manawh; tedawngah Phungawl boeih asoepla vaina he tah lungna ni.

Rom 13:8

A-u tengah khaw laiba khueh u boel, nang lawng laiba na khueh tah khat oen khat lung u ham he ni. A-u khaw a thlaangpuei te a lungna atah Phungawl te a vai poen.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Galati 6:10

Tedawngah atue theen n'dang veng roekk ah thlaang boeih tengah theenna te sai u silang tah awlpui ngaaila oengna ben ah mami kah imkhuikaw la aka awm tengah sai u sih.

Galati 6:2

Pakhat oen pakhat thalrih phueih te talawng takai u langtah, te tila te Khrih kah phungawl te vai uh.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Kolosa 1:4

Metihtiah Khrih Jesuh ah nangmi kah oengna Pathen kah thlaang boeih na lungna u te ka yaak u dawngah ni.

1Thessalonika 3:12

Nangmi khat oen khat khawseh, thlaang boeih na lungna u te khawseh kaimi lawng nangmi kan lungna abo van angla Pathen lawng van roeng sak tare seh.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

Hebrew 13:1

Khrihca maya manau la na awm u van angla pakhat oen khat lung u poe lah.

James 2:8

Caciim dawngah aka awm Vaan Ram kah phungawl, “Namah oen namah na lungna u van angla na imbe te lungnah,” a ti te na vai atah thaihu doeng te nangmi lawng na sai.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

2Peter 1:7

Pathen hinyahna dawngah te boenhui angla thintlawhna oen thap uh, boenhui angla thintlawhna dawngah lungna oen thap uh.

1Johan 3:11

Acuekca veng kalawng na yaak u awl te tah he ni: mami pakhat oen khat lung u sih ti he ni.

1Johan 3:23

Te a awlpeek tah a Capa Jesuh Khrih te mami lawng n'tangna tih mami tengah Khrih amah awlpeek angla pakhat oen khat n'lung u he ni.

1Johan 4:21

Khrih lawng mami tengah m'peek a awlpeek tah “A-u khaw Pathen te a lungna atah a maya manau te lungna seh” a ti te ni.

2Johan 1:5

Tedawngah ka lungna Nutakhong pakhat oen khat boeih lung u sih. He he awlpeek thaai kavan thut moe nih; he tah acuekca veng kalawng yaak tangte awlpeek te ni.