Johan 13:18 - Matu Chin New Testament 2006

¹⁸ Nangmi boeih he ka thui ngaihna nawh ni; ka tuek te tah ka ming. Tede caciim lawng, “Kamah kah buh aka ca lawng raal la coeng poen” a tite asoep ham awm.

Matu Bible

¹⁸ Nangmih boeih ham ka thui moenih a?. Kamah loh ka tuek te ka ming. Tedae cacim te tah soep mai saeh. Ka buh aka ca loh kai taengah a khodil a taloeh coeng.

Johan 13:18 Iomraidhean Croise

Mathai 10:36

Thlaang pakhat ham aka nauh koek raal tah amah cakaw ni.

Mathai 26:21

Thlem buh a caak u lii vengah Jesuh lawng, “Atak tang kavan thui u: nangmi timkah pakhat lawngah ka sawah paipi a thleep ai,” a tina.

Mathai 26:23

Jesuh lawng, “Kai oen buh beel aka puei haih lawng ka sawah paipi a thleep ai.

Marku 14:17

Thlemhah atah Jesuh oen a hubang paha thlaihih te va law u.

Marku 14:18

Caboi dawng buh a caak u lii vengah Jesuh lawng, “Ataktang kavan thui u, Nangmi timkah kai oen buh aka ca haih pakhat lawng kai sawah paipi a thleep ai,” a tina u.

Marku 14:20

Jesuh lawng, “Nangmi thlaihih tim kah pakhat van tih kai oen beel dawngah takawi aka nok haih ni.

Luka 22:21

Tede, bueh lah! Ka sawah paipi aka thleepkung tah caboi tengah ka awm haih.

Johan 13:21

Jesuh lawng he awl he a thui coeng atah, thinphat uett ah, “Awltak kavan thui u, nangmi tim kah pakhat lawng ka sawah paipi a thleep ai.” a tina.

Johan 13:22

A hubang hue lawngah a-u thui-ngaihna kai ti u tih khat oen khat te aletla bueh u the.

Johan 13:26

Jesuh lawng, “Kai lawngah takawi kaam at caak te antui dawngah ka nuemm vetih ka peek thlaang te ahih ni.” a tina. Tedawngah takawi kaam at caak te a lawh tih a nuem, tecoengah Simon Iskariot capa Judah te a peek.

Johan 15:16

Nangmi lawngah kai he nan tuek nawh; nangmi lawng na cet u vetih yoeyahla aka cak a thaih te na thaihna u hamla kai lawng nangmi he kan tuek tih bii kan peek u. Tedawngah nangmi lawng ka miing oen na bih boeih te a Pa lawng m'peek ai.

Johan 15:19

Nangmi lawngah dilai koeva la na awm u kawinih dilai lawng amah koeva angla te n'lungna u van ai. Tede nangmi he dilai dawng kalawng kan tuek u poen tih dilai koeva la na awm u tlaih nawh dawngah dilai lawng nangmi n'thina.

Johan 15:25

Tede, he tah amami kah Phungawl dawngah, ‘N'tu kawng nawh maiah ahimi lawng kai he n'thina u poen,’ tila a thut te asoepna ham ni.

Johan 17:12

Ahimi oen ka awm vengah he nang lawng nan peek huham tharana namah miing oen ah te ahimi he ading asuekla ka thlip ka dah tih ka khoem. Thlaangha pataam la nuen tangte thlaang pakhat te thui muehla tah pakhat khaw ha-ata nawh.

Johan 18:32

(Jesuh lawng amah he me ang duekna oen ka duek ai tila a thui te asoepna ham ni tila he a thoeng hang.)

Johan 19:24

Raalkap thli lawng, “He tah pheuh u boel sih; a-u lawng nuem a dang ve, talcung sutt u sih” tila a thui u. He kah Caciim lawngah, “Ahimi lawngah, kai tah hi-acuu te pek u the tih ka himbaidung te tah talcung a yueh u” tila a thui te asoepna hamla tila he awm. Raalkap thli lawng te tila te a sai u.

Johan 19:36

Caciim lawngah, “A ruh te pakhat Pateng tlot manawh” tila a thui te asoepna hamla tila he awm.

Johan 21:17

Apathum na ah Jesuh lawng, “Johan capa, Simon, kai he nan lungna aw?” tila a doet. Jesuh lawng voei thum toe ah nan lungna aw tila a doet dawngah Piter tah a kaw the malcal tih, “Bawipa soeprep he na ming; kai lawng kan lungna te na ming!” a tina. Jesuh lawngah, “Ka tuu thli he van doen.

Johan 6:70

Jesuh lawng, “Nangmi thlaihih hue he kai lawng kan tuek u nawh aw? Nangmi khuikah pakhat tah raaithe la awm!” a tina.

Caeltueih 1:16

Ahih lawngah, “Maya manau thli, ‘Jesuh aka tu thlaang thli te lawngnuehkung Judas kawng Ciim Muithla lawng Devid kaa khui kalawng a thui oepsoeh tih Caciim khuiah a thut te asoep ham awm.

Caeltueih 1:2

Vaan la a luui thlan vengah a thlaangtuek hubang hue te Ciim Muithla tharana oen a uen a tawn.

2Korin 4:5

Kaimi lawng kamami kawng he ka thui u nawh; kaimi lawng Jesuh Khrih tah Bawipa ni tila ka thui u tih Khrih hamla kaimi he nangmi kah tuihyoeihthlaang la ka awm u.

Hebrew 4:13

Pathen haiah thuh phah thai thaihu khat khaw awm nawh; Pathen thaihu sai boeih lawng amah mik huh ah daih u vetih tueng pheng ai. Mami lawng m'mah kah sai boeih te a tengah n'thui ai.

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.