Johan 13:13 - Matu Chin New Testament 2006

¹³ Nangmi lawngah kai he Saya tila khaw, Bawipa tila khaw nan khue u, te tila ka awm dawngah nan tina te soeng.

Matu Bible

¹³ Nangmih loh kai he saya neh boeipa la nan khue uh dae ka om van dongah balh na thui uh.

Johan 13:13 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Luka 10:28

Jesuh lawng ahih nala te, “Awl navan thung he tah soeng poen, te tila te sai, te tih atah na hing ai.” a tina.

Luka 6:46

“Kai lawng kavan thui te tah na sai u nawh maiah, n'tu ah nangmi lawng, ‘Bawipa, Bawipa’ nan tina u?

Luka 7:43

Simon lawng, “Ka poekna maiah laiba yahawh hlang a yoe pe sak tih khawdawp a ngaai pe thlaang lawngah te a lungna ngaai ai,” tila a thui pe. Jesuh lawng, “Soeng tangtang” a tina.

Johan 11:2

(Meri he Bawipa kah a khow te riimtuui oen a suep tih a sam oen aka thuut te ni; sa aka ding nawh Lazaruh te tah ahih kah nganpa ni.)

Johan 11:28

Marta lawng he tila a thui coengah cet koep phai tih a manau Meri te ahuepla duem a khue. Ahih nala te, “Saya te he ah awm, nang he n'tooem ta.” a tina.

Johan 11:3

A ngannu rawi lawngah Jesuh tengah “Bawipa na lungna na paya he a sa ding nawh.” tila awl a tah hih.

1Korin 12:3

Nangmi ming sak hamla ka ngaih tah Pathen Muithla lawng a mawt thlaang a-u khat lawngkhaw “Jesuh te kawsi yawkk seh.” ti nawh vetih Ciim Muithla lawng a mawt thlaang nawh atah a-u khat lawngkhaw “Jesuh tah Bawipa ni,” tila thui tang manawh.

1Korin 8:6

mami ham tah Pathen pakhat bueng ni a awm, ahih tah soeprep boeih saikung la awm tih ahih hamla mami tah n'hing u; tecoengah Jesuh Khrih Bawipa pakhat bueng te awm, ahih rang oen ah soeprep tah sai la awm tih ahih rang oen mami he n'hing u.

Ephesa 6:9

Bawi thli, tetih van la te na sal thli tengah sai u van langtah hih-ahuut oen tluung-athangna te toeng u loeih. Nang oen sal thli lawng vaan ah aka awm, thlaang boeih te avanpila awlcekkung bawi kah thlaang la ka awm tite ming uh.

Philipi 2:11

Pa Pathen ruep-awmna ham Jesuh Khrih tah Bawipa ni tila boeih a phawng u ai.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

James 2:19

Nangmi lawngah Pathen pakhat bueng awm ti he na tangna u. Theen ngoen! Raai thli lawngkhaw a tangna u tih rihna oen thuen u.