Johan 12:49 - Matu Chin New Testament 2006

⁴⁹ He tah soeng tak tak; metihtiah kai lawng kamah rang oen ka thui nawh, tede kai he tuihkung a Pa kah awlpeek rang oen ni ka thui.

Matu Bible

⁴⁹ Kai loh kamah lamkah ka thui moenih. Tedae ka cal ham neh ka thui ham te kai aka tueih a Pa amah loh kai taengah olpaek la m'paek coeng.

Johan 12:49 Iomraidhean Croise

Johan 14:10

Filip, kai tah a Pa khuiah ka awm tih a Pa te ka khuiah awm tite na tangna nawh aw? Nangmi tengah awl kavan thui he kamah awl nawh ni. Ka khuiah aka awm a Pa kah bii bina ni.

Johan 14:24

A-u khaw kai he aka lungna nawh tah ka cang puei he vai manawh. Nangmi lawng na yaak u cangpueina he kamah tengkah nawh ni, tede kai tuihkung a Pa teng kalawng ni a law.

Johan 14:31

tede kai lawng a Pa ka lungna tih ahih kah awl peek angla soeprep boeih ka sai te dilai lawng a ming ham awm. “Law uh, cawh, he huen kalawng cet u poen sih.” a tina.

Johan 15:15

Nangmi te tuihyoeihthlaang kan tina tlaih nawh, metihtiah tuihyoeihthlaang lawngtah a bawipa kah a sai te ming nawh. A Pa tengkah ka yaak boeih te kavan thui poen dawngah nangmi he ka paya kan tina u poen.

Johan 17:8

Nang lawng nan peek awl te ahimi ka peek tih ahimi lawng a do u; kai he nang teng kalawng ka law ti he soeng tangtang tila a ming u tih kai he nang lawng nan tuih ni tila a tangna u.

Johan 3:11

Awltak kavan thui, “Kaimi lawngtah ka ming te ka thui u tih ka huh rep te ni ka thui pantau, kaimi kah awl he a-u khat lawngkhaw na do u nawh.

Johan 3:32

Ahih lawngtah a huh tih a yaak te a thui de a-u khat lawngkhaw ahih awl te tangna u nawh.

Johan 5:19

Tedawngah Jesuh lawng ahimi te, “Awltak kavan thui u; Capa lawngah amah ngaih ah thaihu khat khaw sai thai nawh; ana Pa lawng a sai thaihu a huh te ni a sai. Ana Pa lawng a sai te Capa lawngkhaw a sai van.

Johan 5:30

“Kai lawngah kamah rang oen thaihu khat khaw ka sai nawh; Pathen lawng avan thui angla ni awl ka cek, tedawngah kai kah awlcekna tah doeng, metihtiah kai lawng kamah ngaih te sai ham ka yawm nawh, tede kai aka tuihkung kah kawngaih te ni ka sai.

Johan 6:68

Simon Piter lawngah, “Bawipa, a-u tengla ka ceh u ai? Nang lawng ni dungyan hingna na khueh.

Johan 7:16

Jesuh lawng, “Kai lawng kan cang puei u he kamah kah cangpueina nawh ni, tede kai aka tuihkung Pathen tengkah aka law ni.

Johan 8:26

Nangmi kawng he ka thui hamla moen awm, nangmi he sal-aphaam hamla moen awm. Tede kai aka tuihkung tah soeng tangtang tih kai lawng ahih tengkah ka yaak te ni dilai tengah ka thui.” a tina.

Johan 8:28

Tedawngah ahimi nala te, “Nangmi lawng thlaanghing Capa te na tai u vengah, “Kai Tah Ka Awm Tih Ka Awm” tila aka thui te na ming u badai, tecoengah kai lawngah kamah kah saithaina aana oen khat khaw ka sai nawh, tede kai lawng thui hamla a Pa amah kah thuituenna bueng te ni ka thui tite na ming u ai.

Johan 8:42

Jesuh lawngah ahimi nala, “Pathen he nangmi kah na Pa tangtang kawinih kai he nan lungna u suide, metihtiah kai tah Pathen teng kalawng ka law tih tahe he ah he ka awm. Kamah kah aana oen ka law nawh, ahih lawng ni n'tuih.

Olphong 1:1

He cabu he tah Jesuh Khrih lawng a phawng thaihu kawng thutna ni. He awlphawng tah aka thoeng yue ham koei te a tuihyoeihthlaang thli tengah tueng sak ham Pathen lawng a peek. Khrih lawngah he thaihu thli he a tuihyoeihthlaang Johan te ming sak hamla vanthlaang te a tuih tih,