Johan 12:43 - Matu Chin New Testament 2006

⁴³ Ahimi lawng Pathen kah koehna lak ah thlaanghing kah koehna te a ngaih ngai u dawngah ni.

Matu Bible

⁴³ Amih loh Pathen kah thangpomnah lakah hlang kah thangpomnah te a lungnah uh ngai dongah ni.

Johan 12:43 Iomraidhean Croise

Mathai 6:2

Tedawngah thlaang kah angoe angaih thaihu te na do na dan vengah thlaangthaipalat hue lawng sinakok oen lawngpui cumruum ah oekthloen ruila a sai u angla nangmi lawng na sai boeih te tueng sak u boel. Ahimi lawng thlaang kah koeh ngaih ah a sai ni. Atak tang kavan thui u, ahimi lawng a ngaih te asoepla a dang poen.

Luka 16:15

Jesuh lawng ahimi nala te, “Nangmi lawng thlaangtloe kah mik huh atah thlaangdoeng la na sa u, tede nangmi kah thinkaw lungbui te Pathen lawng a ming. Metihtiah thlaang lawngah phutlo tangkiik la a poek thaihu thli he Pathen mik huh atah a phu awm nawh.

Luka 19:17

Tevengah ahih lawng, ‘Theen! Nang tah aka theen tuihyoeihthlaang ni! Nang tah thaihu tehca dawngah uep-awm la na awm tih khawpui paha ukkung la kan khueh ai.’ a tina.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 5:41

Kai lawngah thlaang kah koeh awl te ka tlap nawh,

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Johan 7:18

Amah kah saithaina aka thui thlaang tah amah ham ruep-awmna dang ham aka yawm thlaang ni. Tede ahih te aka tuihkung kah ruep-awmna aka tlap thlaang tah boe a ngaai tih ahih dawngah thawlhpalhna khat khaw awm nawh.

Johan 8:54

Jesuh lawng awl a thung tih, “Kai lawng kamah oen kamah ka thangpawm u atah te thangpawmna te aphu awm nawh. Kai he thangpawmkung tah a Pa ni, nangmi lawng namami kah Pathen na ti u te ni.

Rom 2:29

Akhuiben ah Judah thlaang la awm tih thinkaw khuiah yahhuivuen aka reet te ni Judah thlaang tangtang a miingna. Te ngoen tah kut oen thut Phungawl kah bii saina nawh tih Pathen Muithla kah bii bina ni. Te ang thlaang te tah thlaanghing ben kah nawh tih Pathen benkah thangtheenna aka dang thlaang ni.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 10:18

Metihtiah Bawipa amah lawng thlaang theen la a pawm te ni a do, amah oen amah aka thangpawm u thlaang te tah do nawh.

1Thessalonika 2:6

Kaimi lawng nangmi tengkah khaw, thlaangtloe tengkah khawseh koehna te dang ham ka yawm u nawh.

1Peter 3:4

Te lak ah Pathen mik huh ah phutlo koek thlaangtheenna tangtang tah nangmi kah thinkaw khuiah aka awm boe-ngaaina oen kawdawna dawngah ni a awm.