Johan 12:40 - Matu Chin New Testament 2006

⁴⁰ “Pathen lawng ahimi mik te a pum sak tih lung among sak, ‘Tetih atah ahimi mik lawng hu nawh vetih, ahimi kah thinkaw lawng ming nawh vetih ahimi te hoeih sak hamla ka tengla a law u nawh ai’ tila Pathen lawngah ti” tila te a thui.

Matu Bible

⁴⁰ Te dongah Isaiah loh, “A mik te a dael sak tih, a thin a thah sak. Te daengah ni a mik neh hmu uh pawt vetih, thinko neh a yakming vaengah ha mael uh vetih amih ka hoeih sak ve,” koep a ti.

Johan 12:40 Iomraidhean Croise

Mathai 15:14

“Ahimi kawngah lakueng u boel! ahimi tah mikpum aka mawt mikpum hue ni, mikpum pakhat lawng atloe mikpum te a mawt atah ungrawm khuila bok tla hih ai,” a tina.

Marku 4:12

tedawngah, ‘Ahimi lawngah a bueh khing u de hu u nawh; Ahimi lawngah a hutung khiing u de yaakming u nawh. Metihtiah ahimi lawng hu tih yaakming u kawinih Pathen tengla meel u vetih khawdawp a ngaai pe ai.” tila a thui angla awm ai” a tina.

Marku 6:52

thlaang thong ngaa Jesuh lawng buh a kok te a thuingaihna tangtang te yaakming u nawh, a kawpoek lawngkhaw pha u thai nawh.

Luka 4:18

“Bawipa kah Muithla tah ka sawah awm, metihtiah khawdeng lungma thli tengah awlthang theen thui hamla ahih lawng kai he n'tuek poen. Sal la a khawh khaklal thlaang thli tengah loeihna te thui hamla, mikpum haiying thli a mik a tueng koepna ham; Heemtekna patang khang thlaang thli a loeihna ham,

Luka 8:10

Jesuh lawng, “Pathen Ram awlhuep mingna te nangmi m'peek poen, tede thlaangtloe hue lawngtah a bueh u de huh nawh ham, a hutung u de yaakming nawh ham thuidoetna oen ni thui pe ham a awm.” a tina.

Johan 12:39

He dawngah ni ahimi lawng a tangna u nawh, metihtiah Isaiah amah toengtoeng lawngah,

Johan 9:39

Jesuh lawng, “Dilai la kai ka law he tah mikpum thlaang thli lawng mik a tuengna ham, miktueng thlaang thli lawng mik a pumna ham ah awl cek hamla ni ka law.” a tina.

Caeltueih 15:3

Khrihcabu lawng ahimi te yawh a thak u; Fonicia oen Samaria ram ben kalawng poe cet u tih Pathen ben ah Gental thlaangphun thli kah kawthawna kawng te ahimi lawng a thui u tih he kah awlthang lawngah oengca boeih te a awmngaih sak.

Caeltueih 28:26

Ahih lawng a thui tah, “Cet langtah he kah thlaang thli he thui pe lah: Na yaak u vetih na hutung u suide, na yaakming u tangtang manawh; Nangmi lawng na bueh u vetih na dan u suide na hu u tang manawh,

Caeltueih 3:19

Tedawngah nangmi kah thawlhna te khawdawp a ngaaina ham thawlhna yut u langtah Pathen tengla meel u lah.

Rom 9:18

Tedawngah Pathen lawng amah ngaih te tah a reen tih amah lawng a ngaih te tah a thin a haam sak mai poen.