Johan 12:31 - Matu Chin New Testament 2006

³¹ Tahe ah dilai he awlcek ham atue apha poen; tahe ah he dilai ukkung thli te atloela a khoe poen ai.

Matu Bible

³¹ Hekah diklai he laitloeknah om coeng. Hekah diklai boei tah phawn a thaek pawn ni.

Johan 12:31 Iomraidhean Croise

Mathai 12:28

Raaithe hek thaina huham he Beelzebul kah nawh ni, tede kai he raaithe hek thaina huham tharana pekung tah Pathen Muithla ni, raaithe hek thaina lawng he nangmi sawah Pathen ram avan pha poen tite a tueng sak.

Johan 14:30

He dilai ukkung te law poen ai, tedawngah nangmi oen awl asan hlang la n'thui u tlaih manawh. Ahih lawng ka sawah huham tharana te khueh thai manawh,

Johan 3:19

Awlcekna biibi tah he tila ni: aangna tah dilai la law poen, tede thlaang he athe aih dawngah aangna lak ah yiinna te a lungna ngaai.

Johan 9:39

Jesuh lawng, “Dilai la kai ka law he tah mikpum thlaang thli lawng mik a tuengna ham, miktueng thlaang thli lawng mik a pumna ham ah awl cek hamla ni ka law.” a tina.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

1Korin 1:20

Tedawngah thlaangcuih thli te mela a awm ai? Thoemthaina aka khueh thlaang thli te mela a awm u? He dilai han kah calthai thli mela a awm u? He dilai dawngkah cuihna he tah ngau-athuuna ni tite Pathen lawng a tueng sak poen!

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Ephesa 6:12

Metihtiah mami lawng thlaanghing te n'teek u nawh tih vaan benkah muithla the kah tharana, ukkung thli, saithaina aana khuehkung thli, tahe yiinna san kah khawhipuempa tharana huham oen ni n'teek u.

Kolosa 2:15

Tecoengah Khrih lawng Muithla ukkung hue oen saithaina aana khuehkung hue kah tharana te thinglam dawng a hen boeih tih, rangpui kah huh la a sai, taana oen laam-eetna ah raalkhuen sal angla a mawt.

Hebrew 2:14

Te tila ca-anau a tina thlaang thli te tah thi-asa oen aka awm thlaang thli ni. Jesuh amah khaw ahimi angla thi-asa oen awm tih ahimi kah thlaanghing pumsa coenggna angla awm van. Te tila a awm te tah amah kah duekna rang oen duekna sawah huham tharana khuehkung Raaibawi te phe ham tih,

1Johan 3:8

A-u khaw thawlhna aka sai poepa tah Seitan thlaang ni, metihtiah Seitan tah acuek veng kalawng thawlhna a sai roe poen. He kawng ah he Seitan kah sai boeih te phe ham ni Pathen Capa tah a law.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.