Johan 11:28 - Matu Chin New Testament 2006

²⁸ Marta lawng he tila a thui coengah cet koep phai tih a manau Meri te ahuepla duem a khue. Ahih nala te, “Saya te he ah awm, nang he n'tooem ta.” a tina.

Matu Bible

²⁸ Hekah he a thui phoeiah cet tih a mana Mary a khue tih, “Saya ha pai tih nang n'khue,” duem a ti nah.

Johan 11:28 Iomraidhean Croise

Mathai 26:18

Jesuh lawng, “Khawpui khuikah thlaang pakhat im la cet u lang ‘Saya lawng: Kai ham atue a pha poen; ka hubang hue oen na im ah Kaantaak buh veelna ka ca sai u ai, ti’ tila thui pe uh,” a tina.

Marku 10:49

Jesuh te cot pai tih, “Ahih te khue u lah,” a tina. Tedawngah ahimi lawng mikpum thlaang te a khue u tih, “Na tha thlue sak, tho loeih! nang n'khue poen te” a tina u.

Marku 14:14

Ahih te a kuunna im toe la a hu ah vai hih langtah te imkung nala: “Saya lawng, ka hubang hue oen Kaantaak poeibuh caakna akhann te ame ah nuem? ti' ti nah.

Luka 22:11

Imkung nala te, ‘Saya lawng, me kah akhann khuiah nuem Kaantaak Poei buh te ka hubang hue oen ka caak ai?’ ti, tila thui peh.

Johan 1:41

Vaikhat atah a maya Simon nala te, “Kaimi tah Messiah te ka huh poen” a tina. (Messiah ti he tah ‘Khrih’ ti ngaihna ni.)

Johan 1:45

Filip lawng Nathanael te a huh tih, “Mosi lawng Phungawl cabu dawngah akawng alam a thut tih tawngha thli lawngkhaw akawng alam a thut thlaang te kaimi lawng ka huh poen. Ahih tah Nazaret khaw kah Josep capa Jesuh te ni” a tina.

Johan 10:3

Thawhka toetkung lawng ahih hamla thawh a awng pe; amah kah tuu thli te a miing oen a khue vengah ahih awl te tuu thli lawng a yaak pe tih ram la a ceh puei.

Johan 11:20

Jesuh va law tite Marta lawng a yaak vengah do hamla te cet, tede Meri tah im ah awm.

Johan 11:29

Meri lawng a yaak vengah tho thlat tih ahih te huh hamla aloela cet.

Johan 11:30

(Jesuh te khaaw khui pha thlan, Marta oen a humna hih ah te awm hun.)

Johan 13:13

Nangmi lawngah kai he Saya tila khaw, Bawipa tila khaw nan khue u, te tila ka awm dawngah nan tina te soeng.

Johan 20:16

Jesuh lawngah, “Meri!” tila a khue. Meri lawngah ahih benla te maang tih Hebru awl la, “Rabboni!” a tina. (Thuingaihna tah, ‘Saya’ tina ni.)

Johan 21:7

Jesuh lawng a lungna hubang pakhat lawngah Piter nala te, “Bawipa ni!” a tina. Piter lawng, Bawipa ni tite a yaak vengah a himbaidung a dul sut te a hingcen ah a yeen tih tui dawngah sungpung thuk.

1Thessalonika 5:11

Tedawngah nangmi lawng tahe ah na sai u angla te khat oen khat thaphawh u langtah khat oen khat bawmcem uh.

Hebrew 12:12

Tedawngah ayaihoella aka awm na baan thli te asaw la thueng hang langtah thloet aka thuen na tankhuk thli te cak sak u lah!