Johan 11:25 - Matu Chin New Testament 2006

²⁵ Jesuh lawng Marta nala te, “Kai tah thawhkoepna oen hingna ni. A-u khaw kai he aka tangna tah duek mai cakhaw hing ai;

Matu Bible

²⁵ Jesuh loh anih taengah, “Kai tah thohkoepnah neh hingnah la ka om. Kai ah aka tangnah tah duek cakhaw hing ni.

Johan 11:25 Iomraidhean Croise

Luka 23:43

Jesuh lawng ahih nala te, “Na sawah awl ka kam, Paradis ah kai oen haih tihin ah na awm ai.” a tina.

Johan 1:4

Te awl te tah hingna kungpui la awm tih te kah hingna lawngah thlaanghing tengla aangna te avan khuen.

Johan 14:19

Kawlkalh a awm coeng atah dilai lawng kai he n'hu tlaih manawh, tede nangmi lawngtah nan huh ai; kai tah ka hing dawngah nangmi khaw na hing u van ai.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 3:16

Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Johan 5:21

Ana Pa lawng thlaangduek a thawh sak tih hingna a peek angla Capa lawngkhaw amah lawng a ngaih thlaang thli te hingna a peek.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 6:35

Jesuh lawng ahimi nala te, “Kai tah hingna takawi ni, a-u khaw ka tengah aka law tah meveng khaw a bung pawng manawh; a-u khaw kai he aka tangna tah meveng khaw tui hall manawh.

Johan 6:44

Kai he aka tuihkung a Pa lawngah ka tengla avan mawt nawh atah a-u khat khaw ka tengah law thai manawh; aboetna khawhin ah ahih te ka thawh vetih ka hing sak ai.

Caeltueih 3:15

Nangmi lawngah hingna benla aka ceh puei thlaang te na ngawn u, tede Pathen lawng ahih te duekna kalawng a thawh sak poen, tite aka mingkung tah kaimi ni.

Rom 4:17

Caciim lawng, “Nang tah nam tawm thlaangphun kah Pahaam la kan sai poen” tila a thui angla awm. Tedawngah he awlkam he tah Pathen haiah theen tih Abraham lawng a oeng Pathen tah thlaangduek thawhsakkung oen awm nawh te awmsakkung ni.

Rom 8:2

Metihtiah Khrih Jesuh oen pumkhatla hingna ah mami aka ceh puei Muithla kah phungawl lawng duekna oen thawlhna phungawl khui kalawng mami te n'loeih sak poen.

1Korin 15:18

Tecoengah Khrih ah aka duek oengca thli khaw ha-ata boeih ti ngaihna poen ni.

1Korin 15:29

Tetih atah thlaangduek yuengla baptisma aka dang thlaang thli te ta metila a awm ai? Ahimi lawng n'tu a ngaiuep u tih a sai u? Thlaangduek thli he tho nawh tite khatsut hue kah thui angla asoeng tangtang atah n'tu hamla ahimi lawngah thlaangduek hamla baptisma te a sai u kai?

2Korin 4:14

Bawipa Jesuh te duekna kalawng hingna ah aka thawh sak Pathen lawngah kaimi khaw Jesuh oen haih n'thawh sak vetih nangmi oen thik at la amah haiah te n'kuun puei ai tila mami lawng m'ming u.

Philipi 1:23

He pahih lawngah kai he n'doek. He hingna he ceh taak tih Khrih oen awm haih ka ngaih tangkiik, te tah atheen ngaai thaihu ni;

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

1Thessalonika 4:14

Jesuh tah duek tih tho koep tite mami lawng n'tangna u, tedawngah amah te oeng ruila a ka duek boeih tah Jesuh oen haih ah Pathen lawng avan khuen koep ai tite mami lawng n'tangna.

Olphong 1:18

Kai tah aka hing ni! Kai tah ka duek, tede tahe ah kai tah dungyan toe yoeyahla ka hing poen. Kai lawng duekna oen thlaangduek khaaw celkhui sawah ukna aana ka khueh.

Olphong 20:5

(Atloe thlaangduek thli tah kum thongkhat a boeih thlan khui tah hing u nawh hun). He tah thlaangduek thawhna lamhacuek ni.

Olphong 21:4

Ahimi kah mikphi boeih te Pathen lawng a huih pe poen ai. Te huen atah duekna roe awm tlaih nawh vetih kawthe lungnat yaakna, rungrahna oen tlawhnatna khaw awm tlaih manawh. Thaihu ruem boeih tah khum kang poen,” ti.

Olphong 22:1

Tecoengah vanthlaang lawng hingna tui a laawngna tuiva te khaw n'huh sak. Te tuiva tah thlalang angla ciilrikla awm tih Pathen oen Tuuca kah bawingawlhcoen dawng kalawng va laawng tih khawpui khui alaklung ah te laawng.

Olphong 22:17

Muithla oen tuemnu hulaa lawng-ah, “Law lah!” tila a thui. A-u khaw he awl aka ya boeih lawngtah, “Law lah!” tila thui van seh. A-u khaw tui aka hall tah law uh; A-u khaw aka ngaih boeih tah hingna tui he ayoela lo uh.