Johan 10:4 - Matu Chin New Testament 2006

⁴ Ahih lawng tuu thli te a khuen vengah te thli kah a hai ben ah a ceh pe tih tuu thli lawng a hu ah a vai u, metihtiah ahih awl te a noek u dawngah ni.

Matu Bible

⁴ Amah kah te boeih a hlah vaengah a hmaiah cet tih tu rhoek loh a ol te a hmat uh dongah anih te a vai uh.

Johan 10:4 Iomraidhean Croise

Mathai 16:24

Tecoengah Jesuh lawng a hubang hue te, “A-u khaw ka hu ah law ham a ngaih atah amah kawngaih te hoett selang amah kah thinglam kawh ruila ka hu ah bang seh.

Johan 10:16

He kah tuu-im khuiah aka awm nawh ka tuu thli atloe khaw awm hun. Te thli te khaw kavan khuen hun ai; te thli lawngah ka awl he a ngaai ai; tuu huui at la coengg vetih tuudoen pakhat oen awm u ai.

Johan 10:27

Kamah kah tuuca lawngtah ka awl he a hutung; tuu thli te ka ming tih ka hu ah va bang u.

Johan 10:3

Thawhka toetkung lawng ahih hamla thawh a awng pe; amah kah tuu thli te a miing oen a khue vengah ahih awl te tuu thli lawng a yaak pe tih ram la a ceh puei.

Johan 10:5

Thlaangtloe hu tah vai u nawh, ahih kah awl te noek u nawh vetih te ang thlaang te tah a heng taak khongphaat dai ai.” a tina.

Johan 10:8

Kai ka law thlan veng kah atloe boeih aka law te tah thlaang huen oen raal thli ni; tede ahimi kah awl te tuu thli lawng hutung pe nawh.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 13:15

Kai lawng ka sai van angla nangmi lawngkhaw na sai u van ham, na oett ham koei te kavan sai poen.

Johan 18:37

Tedawngah Pilat lawng koep a doet tih, “Tetih atah nang he sengpahrang aw?” a tina. Jesuh lawng, “Na thui angla kai tah sengpahrang ni. Kai lawng awltak thui ham ka ngaih pakhat dawng maiah ni he dilai ah ka law tih ka thang. A-u khaw awltak dawngah aka awm lawngtah ka awl he a ngaai u.

Johan 3:29

Vaa aka sa tuemnu hulaa te tah yulokung cadawng kah thlaang ni; tede yulokung kah paya tah a tengah pai tih awl a hutung, yulokung kah awl te a yaak vengah awmngaih. Kai kah awmngaih soepna khaw te tila ni a awm.

1Korin 11:1

Tedawngah kai lawng Khrih kah khawboe ramlang te ka oett van angla nangmi lawngkhaw kai kah khawboe ramlang he oett u van lah.

Ephesa 5:1

Nangmi tah Pathen lawng a lungna a ca anau la na awm u dawngah amah oen lawh u van ham yawm u lah.

Hebrew 12:2

Mami kah oengna atongna kalawng aboetna toe apangtungna thinglam dawng duekna te rih nawh! Te thinglam dawng duekna voel ah awmngaihna lawng a ring poen dawngah thinglam dawng duekna te yahpawhna tila poek nawh tih tahe ah Pathen kah bawi ngawlhcoen bantang ben ah te ngawl poen.

Hebrew 6:20

Te kah huen ciim koek te mami m'pha thlan ah mami yuengla Jesuh lawng a pha poen tih Melkhizedek kah bii tomthlepkung la dungyan khawsoeih bawi la awm poen.

1Peter 2:21

He tila awm ham ah Pathen lawng nangmi te n'khue u, metihtiah Khrih amah roe lawngah nangmi ham patang a khang tih amah khowleh thuih ham te nangmi kah oett koeila avan ceh taak.

1Peter 4:1

Khrih lawng amah pum dawngah patang a khang poen dawngah nangmi lawngkhaw ahih kah thinkaw a khueh te ang te khueh u van lang na tha thlue sak u lah; metihtiah a-u khaw pumsa dawngah patang aka khang tah thawlhna oen bawl-aneeng u tlaih nawh.

1Peter 5:3

Nangmi kut dawngah avan khueh tuu thli te uk khangrang aih boel langtah tuuping kah oett koei la te awm ham yawm uh.