Johan 10:38 - Matu Chin New Testament 2006

³⁸ Tede te thli te ka sai atah, nangmi lawng kai he nan tangna u nawh mai cakhaw, a Pa tah kai ah awm tih kai khaw a Pa ah ka awm te na mingna u hamla ka sai thaihu thli he tah na tangna u ham awm.” a tina.

Matu Bible

³⁸ A pa loh kai m'paek coeng te tah tanglue la boeih om tih pa kut lamkah te a poelyoe thai moenih.

Johan 10:38 Iomraidhean Croise

Johan 10:25

Jesuh lawngah, “Kavan thui poen ta, tede kai he nan tangna u nawh. A Pa kah aana oen ah ka sai thaihu thli lawng kamah kawng he a thui;

Johan 10:30

A Pa oen kai he tah pakhat ni.” a tina.

Johan 11:4

Tete Jesuh lawng a yaak vengah, “He tlawhna he Lazaruh kah duekna toela coengg aih manawh; he ngoen tah Pathen kah ruep-awmna a tuengna hamla awm vetih he tlawhna rang oen Pathen Capa lawng ruep-awmna a dang ai.” tila a thui.

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 17:11

Tahe tah na tengla ka law poen ai; dilai ah ka awm tlaih manawh, tede ahimi tah dilai ah awm ai. Aka ciim a Pa! nang oen kai tah pumkhat la n'awm van angla ahimi khaw pumkhat la a awm u van ham nang lawngah nan peek huham tharana namah miing oen ah te ading asuekla thlipdah lah.

Johan 3:2

Yiin at atah ahih te Jesuh tengla cet tih, “Rabbi, nang tah Pathen kah thlaangtuih cangpueikung pakhat ni tila ka ming u. Pathen kah awmpueina nawh atah kawpoek rai na sai he a-u khat lawngkhaw sai thai manawh.” a tina.

Johan 5:36

Tede Johan kah sausideng lak ah alentloe sausideng ham ka khueh: te tah a Pa lawng sai ham m'peek bii ka sai te ni, te lawng atah kai yuengla awl a thui vetih a Pa lawng kai he a tuih tila a tueng sak ai.

Caeltueih 2:22

Ka puei Israel thlaangphun thli, ka awl he hutung u lah! Nazaret khaaw kah Jesuh lawng Pathen kah saithaina aana a khueh tite ahih rang oen Pathen lawng a sai kawpoekrai miknoekna oen kawpoekrai thaihu oen ah aciimphanla a tueng sak poen. Te ang thli te namami mik huh ah a sai dawngah nangmi lawng na ming u.

1Johan 3:24

A-u khaw Pathen kah awlpeek te aka vai tah Pathen oen pumkhatla awm tih Pathen khaw ahih oen ah pumkhatla awm. Te tila mami tengah Pathen kah peek Muithla rang oen ah Pathen tah mami oen pumkhatla awm tite m'ming u.