Johan 10:28 - Matu Chin New Testament 2006

²⁸ Te thli te dungyan hingna ka peek tih meveng khaw duek u tlaih manawh. A-u lawngkhaw ahimi te van rot u manawh.

Matu Bible

²⁸ Kai loh amih taengah dungyan hingnah ka paek tih kumhal duela poci uh loengloeng mahpawh. Te dongah amih te khat khat long khaw kai kut lamloh poelyoe mahpawh.

Johan 10:28 Iomraidhean Croise

Marku 13:22

Metihtiah Messiah rawlrap thli oen tawngha rawlrap thli va thoeng ai. Ahimi lawngah a coengg thai atah Pathen thlaangtuek thli Pateng khaw thailatna ham kawpoekrai miknoekna oen kawpoek rai thaihu broela a sai ai.

Luka 23:46

Jesuh lawng angaihhlangla paang tih, “A Pa! Na kut dawngah ka muithla kavan tloeng!” tila a thui coengah te duek.

Johan 10:29

Ka tengah a Pa kah peek te tah soeprep lak ah aka lenduet ni, a Pa kah khoemdoenna khui kalawng rot manawh.

Johan 11:25

Jesuh lawng Marta nala te, “Kai tah thawhkoepna oen hingna ni. A-u khaw kai he aka tangna tah duek mai cakhaw hing ai;

Johan 14:19

Kawlkalh a awm coeng atah dilai lawng kai he n'hu tlaih manawh, tede nangmi lawngtah nan huh ai; kai tah ka hing dawngah nangmi khaw na hing u van ai.

Johan 17:2

Nan peek boeih te dungyan hingna ka peek thaina ham thlaang boeih sawah sai thaina aana te nan peek poen.

Johan 18:9

(He tila a thui he tah, “A Pa, nang lawng nan peek thli te tah pakhat khaw ka ha sak nawh” tila a thui te asoepna ham ni.)

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Johan 4:14

tede, a-u khaw kai lawng ka peek tui te aka aw tah tui hall koep tlaih manawh.” a tina.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Johan 6:37

A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Johan 6:47

Awltak tang kavan thui u: ahih te aka tangna tah dungyan hingna a khueh.

Johan 6:68

Simon Piter lawngah, “Bawipa, a-u tengla ka ceh u ai? Nang lawng ni dungyan hingna na khueh.

Caeltueih 7:59

Ahimi lawng lungto oen a de u lii vengah te Stefen lawng Bawipa tengah, “Bawipa Jesuh, ka muithla he nang lawng lo mai loeih!” a tina.

Rom 5:17

Thlaang pakhat kah thawlhna rang oen duekna lawng uk ham akung a tongnan ti he soeng tangtang. Te cakhaw thlaang pakhat Jesuh Khrih kah sai tah metihtlukla a bo ngaai. Pathen kah asoepbir lungvatna aka dang thlaang boeih tah ayoela amah oen roeproei u tih Khrih rang oen a hing khuiah taana oen hing u ai.

Rom 5:2

Ahih lawngtah oengna rang oen mami he Pathen kah lungvatna khuila n' kuun puei u poen, te lungvatna khuiah tahe n'awm u. Tedawngah Pathen bawilenna n'bur haih u ai tila ngaiuepna oen n'tha thlue u.

Rom 5:21

Tedawngah thawlhna lawngtah duekna te a hawna tih a uk, tetih van angla doengna lawngtah Pathen kah lungvatna oen a uk tih mami kah Jesuh Khrih rang oen mami te dungyan hingna benla n'ceh puei u.

Rom 5:9

Amah kah thisen oen tahe atah mami he Pathen oen ah n'roep u poen. Ahih rang oen Pathen kah thinsana kalawng metihtlukla n'thlawn tare ai!

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

Philipi 1:6

Tedawngah nangmi tim ah he ang bii theen aka tongkung Pathen lawng Khrih Jesuh Khawhin a pha toe he bii he a bi poe ai tila ka tangna.

2Thessalonika 2:13

Bawipa lawng a lungna maya manau thli, nangmi kawngah kaimi lawng Bawipa tengah awmngaih awl thui poepa ham awm. Metihtiah Muithla kah huham tharana rang oen Pathen kah aciim thlaanghing la coeng ham oen ah nangmi lawng awltak te na oengna rang oen thlawnna te na dangna u ham Pathen lawng nangmi te lamhacuekla n'tuek u.

1Timothy 1:16

tede Pathen lawng kai he n'reen tih thlaangthawlh boeih lak ah kai aka the khuet sawah kawdawna a khueh he tah hailam ben ah amah aka oeng tih dungyan hingna aka dang ham koei thlaang boeih kah miknoekna ham ni.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.

1Johan 1:2

He hingna he huh thai la ava coengg vengah kaimi lawng ka huh u, tedawngah Pa oen aka awm haih tih mami tengah avan tueng sak dungyan hingna kawng te nangmi tengah kavan thui u.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

1Johan 2:25

He tah Khrih amah roe lawng mami peek ham awl a kam dungyan hingna he ni.

1Johan 5:11

Te sausi tah he ni: Pathen lawng mami he dungyan hingna m'peek poen tih te hingna tah a Capa dawngah awm.

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah:

Jude 1:21

Mami Bawipa Jesuh Khrih lawng reenna rang oen dungyan hingna m'peek ham te na ring u van angla Pathen kah lungna dawngah awm uh.

Jude 1:24

Nangmi na tlim nawh hamla aka doen thai, nangmi thawlhna a ciing sak tih awmngaihna oen amah Bawilen ruep-awmna haiah kuun thaina pekung;