Johan 10:27 - Matu Chin New Testament 2006

²⁷ Kamah kah tuuca lawngtah ka awl he a hutung; tuu thli te ka ming tih ka hu ah va bang u.

Matu Bible

²⁷ Ka tu rhoek tah ka ol te a yaak uh tih kai long khaw amih te ka ming dongah kai m'vai uh.

Johan 10:27 Iomraidhean Croise

Mathai 16:24

Tecoengah Jesuh lawng a hubang hue te, “A-u khaw ka hu ah law ham a ngaih atah amah kawngaih te hoett selang amah kah thinglam kawh ruila ka hu ah bang seh.

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 25:12

Yulokung lawng ‘Kavan awng manawh, nangmi te kan ming nawh,’ a tina.

Mathai 7:23

Tevengah ahimi te, “kan ming nawh, atloela cet uh, thlaangthe thli!” ka tina ai.

Marku 10:21

Jesuh lawng ahih te a lungna tih a bueh rangpatang, “Thaihu khat bueng ni na voet. Cet langtah na khuehtoen boeih te yooei lang tangka te khawdeng harah thli van peh, te atah vaan ram ah ro thaihu na khueh ai, tecoengah law langtah ka hu ah va baang,” a tina.

Marku 8:34

Tecoengah Jesuh lawngah thlaangping oen a hubang hue te amah tengla a khue tih ahimi nala te, “A-u khaw ka hu ah bang hamla aka ngaih tah amah kaw ngaih te hoett selang amah kah thinglam te kawt selang tah ka hu ah bang seh.

Luka 13:27

Tede tila koep a thui ai, ‘Nangmi he ame kalawng na law, kan ming nawh. Nangmi thlaangthe thli; atloela cet uh’ n'tina ai.

Luka 9:23

Tecoengah ahimi boeih tengah te, “A-u khaw ka hu ah baang ham a ngaih atah, amah kawngaih te hoett seh, amah kah thinglam te hin roekk ah kawt selang tah ka hu ah bang seh.

Johan 10:14

Kai tah tuudoen theen ni. A Pa lawng kai he m'ming angla A Pa te kai lawngkhaw ka ming, tetih van la kai lawng ka tuu thli te ka ming tih ahimi lawngkhaw kai he m'ming u van. Kai lawngtah tuu thli ham hingna ka peek.

Johan 10:16

He kah tuu-im khuiah aka awm nawh ka tuu thli atloe khaw awm hun. Te thli te khaw kavan khuen hun ai; te thli lawngah ka awl he a ngaai ai; tuu huui at la coengg vetih tuudoen pakhat oen awm u ai.

Johan 10:8

Kai ka law thlan veng kah atloe boeih aka law te tah thlaang huen oen raal thli ni; tede ahimi kah awl te tuu thli lawng hutung pe nawh.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 21:22

Jesuh lawngah, “Kai ka law toe ah ahih te hing sak hamla ka ngaih mai kawinih nang lawng n'tu na tina ai? ka hu ah va bang ngoen lah!” a tina.

Johan 5:25

Awltak kavan thui u: Pathen Capa awl te thlaangduek thli lawng a yaakna atue te law ai, te kah atue te avan pha poen, te awl aka ya boeih tah hing ai.

Johan 8:12

Jesuh lawngah Farasi thlaang thli nala te, “Kai tah dilai aangna ni, a-u khaw ka hu ah aka bang tah hingna aangna te a khueh vetih yiinna khuiah yingyawi tlaih manawh.

Johan 8:43

Kai lawng kavan thui he n'tu ah na yaakming u nawh? Awl kavan thui he na hutung u thai nawh dawngah ni.

Caeltueih 3:23

A-u khaw tawngha lawng a thui te a ngaai nawh atah Pathen thlaang thli teng kalawng a thloeng vetih a phe boeih ai’ tila a thui.

1Korin 8:3

Tede Pathen aka lungna thlaang te tah Pathen lawng a ming.

Galati 4:9

Tede tahe atah nangmi lawng Pathen te na ming u poen, tihnawhtah he tila ka ti ai ta, Pathen lawng nangmi te m'ming u poen, tetih atah n'tu hamla tha aka awm nawh tih tula khaw aka coengg nawh muithla benla te mel koep ham na ngaih u? N'tu hamla ahimi kah saltamnaa la te awm koep ham na ngaih u?

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

Hebrew 3:7

Tedawngah Ciim Muithla lawng avan thui angla, “Te hin ah Pathen awl te, na yaak u atah, na thin thah sak u boel;

Olphong 14:4

Te thli tah amah oen amah kuemsuem u tih hutaa tawngpa thawlhna aka sai nawh cadawng cuem la awm u tih tuuca a cehna roekk ah a vai u. Ahimi te tah thlaang boeih tim kah tlang tangte la awm u tih Pathen oen Tuuca tengah a nawn lamhacuek ni.

Olphong 3:20

Hutung lah! Thawhka ah ka pai tih ka khooek; a-u lawngkhaw ka awl a yaak tih thawh a awng atah, a im khuila ka kuun vetih ahih oen buh ka caak haih vetih ahih khaw kai oen ah buh a caak haih van ai.