Johan 1:14 - Matu Chin New Testament 2006

¹⁴ Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Matu Bible

¹⁴ Te phoeiah Ol tah pumsa la coeng tih mamih khuiah om. Te dongah a thangpomnah te m'hmuh uh. Te tah oltak neh lungvatnah aka bae Pa taeng lamkah khueh duen thangpomnah ni.

Johan 1:14 Iomraidhean Croise

Luka 2:11

Tihin ah Devid khawpui khuiah nangmi kah thlawnkung Khrih Bawipa tah thang poen!

Luka 2:7

Meri lawng a capa camiing awmthang te a cuun, ahih te poehlaa oen a yaawl tih awkkhawng dawngah te a helh, ahih rawi pahna ham kamyin pahna-im ah ahuen awm nawh.

Luka 9:32

Piter oen a paya rawi tah ip muelh u, tede a hinghang u veng atah Jesuh kah ruep-awmna te khaw, a tengah thlaang pahih aka pai te khaw a huh u.

Johan 1:1

Dilai suen thlan ah, awl tah awm oepsoeh poen; ahih tah Pathen oen awm haih tih ahih te tah Pathen ni.

Johan 11:40

Jesuh lawngah, “Nang lawng na tangna atah Pathen ruep-awmna na huh ai, kan tina de lah koen?” a tina.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 14:9

Jesuh lawngah, “Nangmi tengah asan hlang ka awm poen, nan ming thlan aw, Filip? A-u khaw kai he aka hu tah a Pa te a huh poen. Tetih atah n'tu ah, “Na Pa te kaimi n'huh sak lah na ti.

Johan 17:22

Nang oen kai he pumkhat la n'awm van angla ahimi khaw pumkhat la a awmna u ham nang lawng nan peek ruep-awmna te ang van te ahimi ka peek.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Johan 18:37

Tedawngah Pilat lawng koep a doet tih, “Tetih atah nang he sengpahrang aw?” a tina. Jesuh lawng, “Na thui angla kai tah sengpahrang ni. Kai lawng awltak thui ham ka ngaih pakhat dawng maiah ni he dilai ah ka law tih ka thang. A-u khaw awltak dawngah aka awm lawngtah ka awl he a ngaai u.

Johan 2:11

Jesuh lawng lamhacuek kawpoek rai thaihu he Galili peng Kanaa khaw ah a sai; te ah te a ruep-awmna a tueng sak tih a hubang hue lawng ahih te a tangna u.

Johan 3:16

Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Johan 3:18

A-u khaw Capa te aka tangna boeih tah awl cek manawh; tede a-u khaw aka tangna nawh tah awl cek la awm poen, metihtiah ahih lawngah Pathen Capa khuehduen khat bueng te a tangna nawh dawngah ni.

Johan 6:51

Kai tah vaan kalawng aka rum thuk hingna takawi ni. A-u khaw he takawi he aka ca tah yoeyahla hing poen ai. Kai lawng ka peek ham koei takawi tah ka thi ka sa he ni, dilai lawng a hingna ham ka peek ni.” a tina.

Johan 8:32

awltak te na ming u vetih te kah awltak lawng nangmi te n'loeih sak ai.” a tina.

Rom 8:3

Thlaanghing pumsa a tha ayoek dawngah Phungawl lawng a sai thai nawh te Pathen lawng a sai. Thlaanghing pumsa ah aka awm thawlhna te a Capa avan tuihna rang oen a phe poen. Thawlhna taa hamla thlaanghing kah thawlhna pumsa angla va law.

Rom 9:5

Ahimi tah Hebru thlaangphun cuunkung patuer miingthang thli kah cadil la awm u, thlaanghing ben atah Khrih pateng ahimi kah a phun ni. Soeprep boeih ukkung Pathen tah yoeyahla a thaang theen hawn seh! Amen.

1Korin 15:47

Adam lamhacuek te dilai a sai tih dilai dawng kalawng va law; Adam apabena tah vaan kalawng ni a law.

2Korin 12:9

Tede ahih lawngah, “Kan lungvatna tah nang hamla khoek, metihtiah nang na tha a awm nawh vengah kai kah huham tah a tha ra ngaai” tila awl avan thung. Tedawngah Khrih kah huham tharana lawng kai he n'thlipdah tite mingna ham kamah kah tharana nawh voetna dawngah ka oek u tih ka awmngaih tare poen.

Galati 4:4

Tede aboetna ah atue atang anuen te apha khuek vengah tah Pathen lawng a Capa te avan tuih. Thlaanghing hutaa kah capa angla te law tih Judah Phungawl huiah te khaw a sak,

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Kolosa 1:19

A Capa lawng amah khuiah Pathen pumsa soepbir a khueh he Pathen amah kah awltloekna rang oen ni.

Kolosa 2:3

Khrih tah Pathen kah cuihna oen mingna kaawn thuh la aka awm boeih te awngna caabi ni.

Kolosa 2:9

Metihtiah Khrih thlaanghing pumsa dawngah Pathen kah pumsa asoepbirla awm tih,

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Hebrew 1:3

Ahih tah Pathen kah ruep-awmna aangna aka tueng sak tih Pathen amah coenggna oen aka lo u taktak ni. Huham tharana aka awm awl oen khawhipuempa he a khawl acuui tih a cak sak. Thlaanghing ham thawlh khawdawp ngaaina oen thawlh ciimna a sai coengah, vaan ah Huham Thara sangkoek Pathen kah bantang ben ah te ngawl.

Hebrew 1:5

Pathen lawngah a vanthlaang a-u khat khaw, “Nang tah ka Ca la na awm tih tihin ah Kai tah nang kah na Pa la ka awm poen” tina vai nawh. Tecoengah me ang vanthlaang khaw “Kai tah ahimi kah ana Pa la, ka awm vetih ahimi tah ka Ca la awm ai,” tina vai nawh.

Hebrew 10:5

Tedawngah he kawngah he Khrih lawng dilai la ka law ai a ti vengah te Pathen tengah: “Nang lawngah luciik oen thaihu nawn te na kuek nawh, tede kai hamla thlaangpum ni navan hoel sut poen.

Hebrew 2:11

Jesuh lawngtah thlaang kah thawlh-na te a ciing sak tih thawlhna ciingsakkung oen amah lawng thawlhna a ciing pe sak thlaang boeih te lawng ana Pa pakhat ni a khueh u. Tedawngah Jesuh lawng te thli te amah kah maya manau tila khue hamla yak nawh.

Hebrew 5:5

Tetih van la te Khrih lawngkhaw amah ngaih ah hinyah koei khawsoeih bawi la coengg nawh. Pathen lawng ahih nala te, “Nang tah ka Capa la na awm; tihin ah Kai tah na Pa la ka awm poen” a tina.

1Johan 4:14

Ana Pa lawngah a Capa te dilai thlawnkung la avan tuih te hukung oen thlaangtloe tengah thuikung tah kaimi ni.

1Johan 4:9

Pathen lawng a Capa khueh duen khat bueng te mami ham dilai la avan tuihna rang oen a lungna te a tueng sak tih ahih rang oen mami lawng hingna khuehna ham ni.

2Johan 1:7

Jesuh Khrih tah thlaanghing pumsa la law tila aka tangna nawh thlaang, thlaangthaipalat thli dilai pum ah cet khonghak poen. Te ang thlaang te tah thlaangthaipalat oen Khrih kah raal ni.

Olphong 19:13

Ahih lawng thisen oen a nok baidung te a bai. A miing tah “Pathen Awl” a miingna.

Olphong 21:3

Bawingawlhcoen dawng kalawng awl angaihhlangla a thui te ka yaak: “Tahe tah Pathen im te thlaanghing tengah awm poen! Pathen tah ahimi oen awm haih vetih ahimi tah Pathen kah thlaang la awm poen ai. Pathen amah roe te ahimi oen awm haih vetih ahimi kah Pathen la awm poen ai.