James 5:7 - Matu Chin New Testament 2006

⁷ Tedawngah maya manau thli, Bawi-pa a law thlantoe thinsan kawdaw oen awm uh. Lotoen thlaang pakhat lawngah a lo khuikah caangthaih yuun hamla meveng toe kawdaw oen a lamtoen puet tite poek u lah. Ahih lawngah rawtui a law cuek veng kalawng khawcui boet toe kawdaw thinsan oen a lamtoen.

Matu Bible

⁷ Te dongah manuca rhoek, Boeipa kah a lonah tue duela na thinsen uh mai. Lotawn loh diklai kah a vuei lue te a lamtawn ta. Rhotui neh tlankhol a dang duela a thinsen ta.

James 5:7 Iomraidhean Croise

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Mathai 16:28

Atak tang kavan thui u, Thlaanghing Capa lawng Sengpahrang angla a law te na huh u thlantoe aka duek nawh ham koei thlaang khatsut tah he ah na awm u,” a tina.

Mathai 24:27

Metihtiah khawlaw ben kalawng khawtlaak toe mik patap ah khaw thlap apha angla Thlaanghing Capa tah law ai.

Mathai 24:44

Tedawngah nangmi lawng ngaithuen oepsoeh uh, metihtiah nangmi lawng na poek nawh atue vengah Thlaanghing Capa tah law ai.

Luka 18:8

Nangmi tengah kavan thui, ahih lawngah ahimi kah ngaihna angla awl a cek vetih aloela a sai pe ai. Tede Thlaanghing Capa lawng a Law vengah dilai sawah he oengna te a huh ai aw?” a tina.

Luka 21:27

Tecoengah thlaanghing capa tah ruep-awmna oen bawilen tharana oen muui dawngah a rum thuk te a huh u ai.

Luka 8:15

Lai theen dawngah aka tla caangti thuingaihna tah: awlthang theen te a yaak tih thinkaw khuiah hinyahna, doengna oen a khoem tih a vui athaih toela uehna oen aka awm thlaang thli te thuingaihna ni,” a tina.

Johan 21:22

Jesuh lawngah, “Kai ka law toe ah ahih te hing sak hamla ka ngaih mai kawinih nang lawng n'tu na tina ai? ka hu ah va bang ngoen lah!” a tina.

Johan 21:23

Tedawngah te kah a hubang te duek manawh tila Jesuh kah a hubang hue tengah te a thui pe u. Tede Jesuh lawngtah ahih te duek manawh tila thui nawh: “Kai ka law toe ah ahih te hing sak hamla ka ngaih mai kawinih nang lawng n'tu na tina ai?” tila ni a thui.

Rom 15:4

Caciim dawngah a thut soeprep boeih tah mami he cangpueina ham oen toelthaamna ham ni. Te tila a thut te tah, Caciim lawng mami m'peek uehthaina oen thincakna rang oen ah mami lawng ngaiuepna te khueh ham ni.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

1Korin 1:7

mami kah Bawipa Jesuh Khrih te na lamtoen u vengah he yotheen kam-awmna pakhatca khaw avoetna na khueh nawh.

Galati 5:5

Mami lawngah ngaiuep u tah Pathen lawng mami he amah oen roeproeina avan sai ai, mami kah oengna rang oen ah Pathen Muithla kah tharana oen a sai ai tite n'lamtoen u.

Galati 6:9

Tedawngah theenna te saina ben ah tha the sak u boel sih; toeng ohla n'sai u atah caangthaih yuunna atue te avan pha badai.

Kolosa 1:11

Soeprep boeih te thinsan kawdaw oen na ueh thaina ham Pathen ruep-awmna huham dawng kalawng aka law tharana boeih oen n'cak sak u seh.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 2:19

Ataktang la, a-u thlaangtloe ohla Bawipa Jesuh a law koep vengah amah haiah taana oen m'pai u vengah tah nangmi he ni kaimi kah ngaiuepna, awmngaihna oen thangpawmna la na awm u ai.

1Thessalonika 3:13

He tila nangmi te amah lawng tha avan ra sak vetih Bawipa Jesuh amah kah thlaang boeih oen a law vengah nangmi tah Pa Pathen haiah thlaangsoep thlaangciim la na awm u ai.

Hebrew 6:15

Abraham lawng kawdaw thinsan oen a ring tih Pathen lawng awl a kam te a dang.

James 4:11

Maya manau thli, nangmi pakhat oen khat thuitheet u boel. A-u khaw khrihca maya manau te a thuitheet tih awl aka cek tah Phungawl te a thuitheet tih awl a cek poen ni. Nang lawngah Phungawl te awl na cek atah, nang tah Phungawl te aka vai thlaang pakhat la na awm tlaih nawh tih awlcekkung la ni na awm poen.

James 5:10

Maya manau thli, Bawipa miing oen awl kavan thui, nangmi lawng tawngha thli te hilh u boel, Ahimi lawng kawdaw thinsan oen patang a khang u te nangmi lawng oett u lah.

James 5:3

Nangmi kah sui oen ngun te a ekk lawng a caak tih, te kah a ekk thli te tah nangmi oelhtaihkung sausi la awm vetih nangmi kah thi asa te hai-alh lawng a caak angla te avan caak ai. Nangmi lawngah khawhin aboetna ben ah ni kaawn-ava te na tung na sep u poen he!

2Peter 3:4

“Ka law koep ai” tila awl a khueh de lah koen? mela a awm kai? mami kah Pahaam thli khaw duek boeih poen, tede soeprep boeih he dilai suen cuek veng kah a awm nooek angla ni a awm!” ti u ai.