James 5:16 - Matu Chin New Testament 2006

¹⁶ Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.

Matu Bible

¹⁶ Te dongah, tholhnah te patoeng patoeng phong uh lamtah patoeng patoeng thangthui uh. Te daengah ni na hoeih uh eh. Aka dueng rhoek kah rhenbihnah tah bahoeng khangmai tih tueng.

James 5:16 Iomraidhean Croise

Mathai 21:22

Na oeng u tangtang atah thangthuina rang oen na bih u boeih te na dang u ai,” a tina.

Mathai 3:6

Ahimi lawng a thawlhna boeih te a phawng u tih, Jordan tuiva ah ahimi te Johan lawng Baptisma a peek.

Marku 1:5

Judia peng oen Jerusalem kah thlaang thli lawng Johan kah phungthui te hutung hamla cet u. A thawlhna a phawng u tih Jordan tuiva ah ahimi te Johan lawng baptisma a peek u.

Luka 9:6

A hubang hue lawngah cet u tih vangca vangnau boeih te a hiil u, Awlthang Theen te a phawng u tih khaaw tawm ah thlaangtlo te a hoeih sak u.

Johan 9:31

Kaimi lawng ka ming tah Pathen lawng thlaangthawlh awl te hutung pe nawh tih amah te a hinyah tih a kawngaih aka sai thlaang thli kah awl te a hutung pe tila ka ming u.

Caeltueih 10:38

Nangmi lawng Nazaret khaaw kah Jesuh kawng oen ah ahih sawah Ciim Muithla oen tharana te metila Pathen lawng a lun pe tite a ming u. Ahih tah Pathen lawng a awm puei dawngah peng tawm ah te cet, theenna te a sai tih Raaithe bawi kah huham tharana kut khuiah aka awm boeih te a hoeih sak.

Caeltueih 19:18

Oengca thli khuikah thlaang broe lawngah law tih ahimi lawng a sai thli te rangpui haiah a phawng u.

Caeltueih 8:24

Simon lawng Piter oen Johan nala te, “Nanghih lawng na thui te ka sawah pakhat khaw a thoengna nawh ham reenna oen Bawipa tengah thangthui hih lah” a tina.

Rom 3:10

Caciim lawng tila a thui, “Thlaangdoeng a-u khat khaw awm nawh;

Rom 5:19

Thlaang pakhat kah awlngaaina nawh lawng thlaang boeih te thlaangthawlh la a coeng sak, tetih van angla thlaang pakhat kah awlngaaina rang oen thlaang boeih te Pathen lawng thlaangdoeng la a khueh ai.

Kolosa 1:9

Tedawngah nangmi kawng ka yaak cuek veng kalawng nangmi ham ka thangthui poepa u. Amah Muithla lawng m'peek cuihna boeih oen yaakmingna, amah kawngaih mingna oen nangmi na betoetna u ham Pathen tengah ka bih u.

1Thessalonika 5:17

boet ohla thangthui uh,

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

1Thessalonika 5:25

Maya manau thli, kaimi ham khaw thangthui uh.

Hebrew 11:4

Abel lawngah Kain lak ah atheen ngaai Pathen teng thaw a thueng he oengna oen ni. Oengna rang oen ahih te Pathen lawng thlaangdoeng la a pawm, metihtiah Pathen lawng ahih kah kutdo te a do pe dawngah ni. Abel tah duek coeng poen de a oengna lawng tahetoe awl a thui.

Hebrew 11:7

Noah lawng a huh thai nawh hailam ben kah thaihu kawng Pathen lawng ngaithuenna a peek awl te aka yaak sak tah oengna ni. Ahih lawngah Pathen awl te a ngaai tih amah oen a imkhuikaw thlawnna hamla lowng pakhat te a sai. Tedawngah dilai te dan tat la a awm vengah Noah lawngtah oengna rang oen aka law doengna te Pathen tengkah a huh.

Hebrew 12:13

Lawngpui doeng ah cet poe u lah, te atah na khow aka yuei te kheem poe nawh vetih hoeih lat poen ai.

Hebrew 13:18

Kaimi ham thangthui yoeyah uh. Asoeng thaihu te sai hamla ka ngaih yoeyah u dawngah athe atheen pekbona thinkaw ciim te ka khueh u tila ka ming.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Johan 3:22

Mami lawng amah kah awlpeek te n'vai tih a kawngaih te n'sai dawngah mami lawng amah tengkah m'bih boeih te n'dang u.