James 4:12 - Matu Chin New Testament 2006

¹² Pathen bueng ni phungawl pekung oen awlcekkung la a awm. Ahih bueng lawng ni thlaang he a thlawn thai tih a phe thai. Nang ta a-u la na ngaai u railai aih tih na thlaangpuei te awl na cek?

Matu Bible

¹² Olrhikung neh laitloekkung tah pakhat ni. Amah loh khang ham neh a paci sak ham coeng thai. Tedae imben lai aka tloek thil nangmih te u nim.

James 4:12 Iomraidhean Croise

Mathai 10:28

Pum bueng a ngawn thai tih muithla aka ngawn thai nawh thlaang te rih u boel. Pum oen muithla pahih bokla hell khuiah aka ngawn thai Pathen te rih uh.

Luka 12:5

Nangmi lawng a-u rih ham a awm tite kavan tueng sak ai; Pum he a ngawn coengah hell khuiah thlaak thaina aana aka khueh Pathen te rih uh. Nangmi lawng ahih te ni na rih u ham a awm, kai lawng kavan thui he tangna u lah!

Rom 14:13

Tedawngah pakhat oen pakhat coelna he toeng u poen sih. Te lak atah, na maya manau a tlimna ham oen thawlhna khuiah a tlaakna koei te metuek khaw sai nawh ham tha huer uh.

Rom 14:4

Nang ta a-u la na awm aih tih thlaangtloe kah tuihyoeihthlaang te awl na cek thai? Te tuihyoeihthlaang lawng a bi thai, bi thai nawh tila awl-khuengkung tah amah kah Bawipa te ni. Ahih lawng a bi thai ai, metihtiah Bawipa lawng a bi sak thai ai.

Rom 2:1

Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Rom 9:20

Ka paya, nang ta a-u la na awm aih tih Pathen te awl na thung ngam? Dilai am lawng ambawpkung te, “N'tu ah he tila nan sai,” tila doet nawh.

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

James 5:9

Maya manau thli, Pathen lawng nangmi te awl cek nawh hamla nangmi khat oen khat thuitheet u boel. Awlcekkung tah va yoeii poen, oepsoehla awm poen.