James 4:11 - Matu Chin New Testament 2006

¹¹ Maya manau thli, nangmi pakhat oen khat thuitheet u boel. A-u khaw khrihca maya manau te a thuitheet tih awl aka cek tah Phungawl te a thuitheet tih awl a cek poen ni. Nang lawngah Phungawl te awl na cek atah, nang tah Phungawl te aka vai thlaang pakhat la na awm tlaih nawh tih awlcekkung la ni na awm poen.

Matu Bible

¹¹ Khat neh khat yan uh thae boeh. Manuca rhoek, a manuca aka yan, manuca te lai aka thui tah olkhueng ni a yan tih olkhueng ni lai a tloek thil. Olkhueng te lai na tloek thil uh coeng dae laitloekkung loh olkhueng aka rhoihkung na om uh moenih.

James 4:11 Iomraidhean Croise

Luka 6:37

“Thlaangtloe te awl cek boel, tetih atah Pathen lawng nangmi te awl n'cek van manawh; thlaangtloe te sal-aphaam boel, tetih atah Pathen lawng nangmi te n'sal-aphaam van manawh; thlaangtloe sawah khawdawp ngaai u lah, tetih atah Pathen lawng na sawah khawdawp a ngaai van ai.

Rom 2:1

Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Rom 2:13

Thlaanghing he Pathen haiah thlaangdoeng la a awmna tah Phungawl te yaakna rang oen nawh tih Phungawl lawng sai a ti te saina rang oen ni.

Rom 7:7

Tetih atah Phungawl amah roe he thawlh n'ti u thai ai aw? Thawlh n'ti thai manawh! Tede thawlhna he aka mingsakkung tah Phungawl ni. Phungawl lawng, “Thlaang kah thaihu naai boel,” tila van thui nawh kawinih thaihu naaina ti he ka ming manawh.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

Ephesa 4:31

Thunkha-thunthlimna, thinso-kawsana, thinsana te hoett u loeih. Pakhat oen khat tlungna oen sal-aphaamna, khat oen khat thina thinkaw awm tlaih boel seh.

1Timothy 3:11

A yu thli khaw khawboe ramlang aka theen, thlaang theet awl aka thui nawh, mah oen mah aka uk u thai, soeprep ah thlaangdoeng la aka awm thlaang seh.

2Timothy 3:3

ahimi tah reenna aka khueh nawh, thlaangtlung-pathang, thlaang thuitheet thlaang, boethe halang thlaang, halang cingpoh thlaang la awm u vetih ahimi lawng thaihu theen te a thina ai;

Titus 2:3

Tetih van la te kum haam nunu thli te khaw hutaa kah awm ih phung angla aciim hingna oen aka awm hutaa la awm ham thuituen. Ahimi lawng thlaang theetkung oen yuu kah saltamnaa la awm u boel seh. Ahimi lawng thaihu theen te cang puei seh,

James 1:16

Ka lungna maya manau thli, poek thawlh u boel!

James 1:19

Ka lungna maya manau thli, he he hilh u boel! Thlaang boeih lawngah awl hutung ham a tat loe sak seh, tede awl thui ham tah a tat hiing sak selang thinsana ben atah a tat yaai u seh.

James 1:25

Tede a-u khaw thlaang aka loeih sak aka soep phungawl dawngah te anepla dan u tih a harukna, hutung hong la hutung doek tih hilh pahoei mai ohla ataktangla a hawna atah te thlaang te a saina boeih ah Pathen lawng yotheenna a peek ai.

James 2:8

Caciim dawngah aka awm Vaan Ram kah phungawl, “Namah oen namah na lungna u van angla na imbe te lungnah,” a ti te na vai atah thaihu doeng te nangmi lawng na sai.

James 5:10

Maya manau thli, Bawipa miing oen awl kavan thui, nangmi lawng tawngha thli te hilh u boel, Ahimi lawng kawdaw thinsan oen patang a khang u te nangmi lawng oett u lah.

James 5:7

Tedawngah maya manau thli, Bawi-pa a law thlantoe thinsan kawdaw oen awm uh. Lotoen thlaang pakhat lawngah a lo khuikah caangthaih yuun hamla meveng toe kawdaw oen a lamtoen puet tite poek u lah. Ahih lawngah rawtui a law cuek veng kalawng khawcui boet toe kawdaw thinsan oen a lamtoen.

James 5:9

Maya manau thli, Pathen lawng nangmi te awl cek nawh hamla nangmi khat oen khat thuitheet u boel. Awlcekkung tah va yoeii poen, oepsoehla awm poen.

1Peter 2:1

Tedawngah namami kah the-arana boeih, hoem awl thuina, thai-alatna, uett-eena, awlthe awlkha te hoett u loeih.