James 3:17 - Matu Chin New Testament 2006

¹⁷ Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

Matu Bible

¹⁷ Tedae a so lamkah cueihnah tah lamhma tih cuem, te dongah ngaimong la, kodo la, mongkawt la om. Rhennah thaih then neh baetawt tih hmantang ah tangyah pawh.

James 3:17 Iomraidhean Croise

Mathai 23:28

Tih van angla nangmi khaw asaw ahan atah thlaangdoeng angla na awm u, tede na kaw khui atah thailatna, thawlna soeprep oen ah na betoet u.

Mathai 5:8

“Thinkaw lungbui aka ciim tah yotheen kam-awmna aka lawng thlaang la awm; Ahimi lawng Pathen te a huh u ai!

Mathai 5:9

“Roeproeina aka sai tah yotheen kam-awmna aka dawng thlaang la awm; Pathen lawng ahimi te ka ca a tina ai!

Luka 21:15

metihtiah na raal thli a-u khatca lawngkhaw oelhtaih thai nawh tih taa thai nawh hamla nangmi lawng na thui ham koei awl oen cuihna te kan peek ai.

Luka 6:36

Nangmi kah na Pa lawng thlaang reenna kaw a poek van angla nangmi lawngkhaw thlaang reenna kaw te poek uh.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:47

Jesuh lawng Nathanael a tengla a law te a huh vengah, “Israel thlaangphun tak tak he ah awm he; ahih tah thawlhpalhna roe awm nawh!” tila ahih lawng a thui.

Caeltueih 11:24

Barnabas tah thlaangdoeng pakhat la awm, Ciim Muithla oen oengna oen ah betoet tih thlaang yahawh hlang te Bawipa tengla avan law puei.

Caeltueih 9:36

Joppa khaaw ah Tabita aka miingna oengca pakhat awm. (Ahih te Krik awl la Dorkas a miingna tih thuingaihna tah, “Sayuk” ti ngaihna ni.) Ahih lawng thaihu theen saina oen khawdeng bawmna ah atue atang boeih te a hawna.

Rom 12:18

Thlaang boeih oen roeproeicala awm ham soeprep boeih te acoengg thai khui sai u lah.

Rom 12:9

Nangmi kah lungna te thinkaw tak oen na lung u ham awm. Athe te thina uh, atheen te phoeih mangkhak uh.

Rom 15:14

Maya manau thli: Nangmi tah theenna oen na be u, Cuihhoena na khueh u tih pakhat oen pakhat na cang puei patoeng u thai tite kamah roe lawng atheenla ka ming.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

2Korin 10:1

Mami oen ng'awm haih veng atah awl kaa khaw thui nawh, athlathloei la a awm atah tluung-athang mai na ti u kai Pawl lawngah Khrih kah boe-ngaaina, kawdawna thinkaw oen ah reenna kavan bih u.

2Korin 6:6

Kaimi lawng thinkaw ciimna, cuihhoena, kawdawna, reenna oen ah khaw, Ciim Muithla rang oen ah, lungna tang tang oen ah khaw,

2Korin 7:11

Nangmi kah kawthena te Pathen lawng metila a hawna tite ming u lah: nangmi te tha avan thlue sak poen; na thawlh u nawh tite tueng sak ham metihtlukla na kaw a thluembuek u! Na thin sa u, na lakueng u, nan ngaai tangkiik u poen, doengna te sai ham na ngaih u poen; sai thawlhna te dan peek ham oepsoehla na awm u! He thaihu boeih dawngah he nangmi tah thawlhpalhna awm nawh tite namami lawng na tueng sak u poen.

2Korin 9:10

Tecoengah, caangti tuh ham oen buh caak ham pekung Pathen lawng nangmi kah ngoe boeih caangti te m'peek ai; moeihoeihla na peek u dawngah caangti aka po te athlur atawi sak vetih” caangvui caangthaih te avan puung sak ai.

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 4:8

Aboetna ah ka boenhui thli, nangmi lawng na thinkaw te aka theen tih thangpawm koei ataktang thaihu, aphu aka awm thaihu, aka soeng tih aciim thaihu, lungna koei thaihu, hinyah koei thaihu oen be sak uh.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

1Thessalonika 2:7

Khrih kah celtuih la ka awm u dawngah te ang te nangmi tengah ka thoehtham thai ngoen ta, tede nangmi tengah ka awm u vengah te a manu lawng a ca a nau thli a dawm athlai angla nangmi te kawdaw boe-ngaaina oen kan dawm u.

1Timothy 5:21

Na saina boeih dawngah a-u tengah khaw pekbona oen mik-hai dan muehla na sai ham, thuituenna he nang lawng na vai hamla Pathen oen Khrih Jesuh oen ah aciim vanthlaang haiah ceetceet kan uen.

2Timothy 2:24

Bawipa kah tuihyoeihthlaang tah tawhsi u ham awm nawh. Ahih tah thlaang boeih aka reen, kawdaw thlaang, cangpueikung saya theen la awm ham ni,

Titus 1:15

Thlaangciim hamla tah soeprep boeih he ciim, tede tuiilehkap thlaang thli oen oeng nawh thlaang thli hamla tah a lungbui oen athe atheen mingna thinkaw tuiilehkap lawngah te n'tu khaw ciim sak nawh.

Titus 3:2

Ahimi lawng a-u kah athe-arana khaw thui nawh ham, tede adingsuekla roeproeicala awm tih thlaang boeih tengah kawdawna te tueng sak poepa ham thui peh.

Hebrew 12:11

Mami he dan n'tat tih patang khang vengah te kawhoena ohla mami te kaw avan the sak. Te cakhaw dantatna oen thuituen la aka awm thli lawng ahu la tah thlaangdoeng la hingna dawngkah ngaimawngna kutdo te a dang u.

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

James 1:17

Kutdo theen boeih oen aka soep kutdo ayoe peek boeih he vaan kalawng aka law ni: vaan kah aangna Saikung Pathen teng kalawng ni a law, ahih tah thawleng u nawh, hoei-athal u nawh tih yiinna khaw thoeng sak nawh.

James 1:5

Tede nangmi tim ah cuihna aka voet te a awm atah Pathen tengah thangthui seh, Pathen lawng ahih te a peek ai, metihtiah Pathen lawngtah thlaang boeih te moeihoeihna oen reenna oen ah a peek.

James 2:13

Metihtiah reenna aka khueh nawh thlaang te Pathen lawng awl a cek vengah reen van manawh; tede awlcekna te tah reenna lawng a taa.

James 2:4

nangmi he mami tim ah pekthlena aka sai tih athe poekna oen awltloekna aka sai la na awm u.

James 3:15

Te ang cuihna te tah vaan kah aka law nawh ni; te ang te dilai cuihna ni, te tah muithla ben kah nawh tih raaithe ben kah cuihna ni.

James 4:8

Pathen tengah yoeii u lah, ahih tah nangmi tengla law vetih va yoeii van ai. Nangmi thlaangthawlh hue na kut te sil u lah! nangmi thlaangdoeng la aka sa u thli, na lungbui thinkaw te ciim sak u lah!

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Peter 2:1

Tedawngah namami kah the-arana boeih, hoem awl thuina, thai-alatna, uett-eena, awlthe awlkha te hoett u loeih.

1Peter 2:18

Nangmi tuihyoeihthlaang thli aw, namami kah bawi manghai awl te ngaai u langtah ahimi tengah hinyahna te tueng sak uh. Reenna a khueh tih kaw aka poek thai bawi manghai hue bueng ohla tluunghuel bawi manghai hue te khaw hinyah uh.

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.