James 3:15 - Matu Chin New Testament 2006

¹⁵ Te ang cuihna te tah vaan kah aka law nawh ni; te ang te dilai cuihna ni, te tah muithla ben kah nawh tih raaithe ben kah cuihna ni.

Matu Bible

¹⁵ Tekah cueihnah tah a so lamkah aka suntla la om pawt tih, diklai rhaithae kah a coengnah ni.

James 3:15 Iomraidhean Croise

Luka 16:8

Te kah thaihu kuemkung lawng cuihna oen te tila thaihu a sai dawngah a bawipa lawng a koeh; metihtiah he dilai thlaang thli lawng amami kah thaihu a sai vengah aangna khuiah aka awm thlaang thli lak ah cuih u ngai.” a tina.

Johan 3:17

Metihtiah Pathen lawng dilai he awl cek ham a Capa he van tuih nawh, dilai thlawnkung la awm ham ni avan tuih.

Johan 8:44

Nangmi tah na pa Raaibawi kah ca-anau la na awm u tih na pa kah kawngaih te vai hamla na ngaih u. Acuek veng kalawng ahih tah thlaang ngawnkung la awm tih awltak ben ah metuek veng khaw awm nooek nawh, metihtiah ahih ah awltak te a awm roe nawh dawngah ni. Hoem awl a thui vengah a sai nooek bueng te ni a sai, metihtiah ahih tah hoemthuikung la awm tih hoem thui thlaang boeih kah ana pa la awm.

Caeltueih 13:10

“Nang, Raaibawi capa! Nang tah doengna boeih boeih kah thunkha la na awm. Nang he thailatna soeprep oen na betoet tih Bawipa kah awltak he hoem awl la thawvel ham na yawm poepa!

Rom 1:22

Ahimi lawng te ka cuih ti u, tede ahimi tah cuih u nawh.

1Korin 1:27

Thlaangcuih thli te yah pawh sak ham dilai lawngah n'tu tamu nawh la a poek te Pathen lawng a tuek tih huham tharana aka khueh thlaang thli te yah phueih sak ham dilai lawng tha aka ra nawh thlaang la a poek te a tuek.

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

1Korin 3:19

Metihtiah he dilai lawng cuihna tila a poek te Pathen mik huh atah a poei-oep mai ni. Caciim lawngah “Pathen lawngtah thlaangcuih thli te amami kah dongtung dawngah a man sak.” tila a thui,

1Korin 3:3

metihtiah nangmi tah tahe toe he dilai thlaang thli angla ni khaw na sak u hun. Nangmi tim ah uett-eena awm tih khat oen khat na tawh na thaam u vengah te nangmi tah dilai thlaang la na awm u tih dilai phung la khaw na sak u tite tueng sak nawh aw?

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

Philipi 3:19

Ahimi tah hell ah a lawngpui boet ai, metihtiah ahimi kah pathen tah amami kah pumsa ngaihna te ni. Ahimi lawngah yahna koei thaihu dawngah te oekthloen u tih dilai thaihu koeva thli bueng he a poek u.

2Thessalonika 2:9

Thlaangthe Pui lawng Seitan kah huham tharana oen law vetih asoeng nawh kawpoekraina oen kawpoekrai-miknoekna phun soeprep a sai vetih,

1Timothy 4:1

Hailam ben atah thlaang khatsut lawngah oengna te a hoett u ai tila Muithla lawng aciimphanla a thui; ahimi lawngah hoem thui muithla awl te a ngaai u vetih raaithe kah cangpueina te a vai u poen ai.

James 1:17

Kutdo theen boeih oen aka soep kutdo ayoe peek boeih he vaan kalawng aka law ni: vaan kah aangna Saikung Pathen teng kalawng ni a law, ahih tah thawleng u nawh, hoei-athal u nawh tih yiinna khaw thoeng sak nawh.

James 1:5

Tede nangmi tim ah cuihna aka voet te a awm atah Pathen tengah thangthui seh, Pathen lawng ahih te a peek ai, metihtiah Pathen lawngtah thlaang boeih te moeihoeihna oen reenna oen ah a peek.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

Jude 1:19

He ang thlaang thli he tah pekbona saikung amami kah pumsa ngaihna oen aka piin u tih Muithla aka khueh nawh thlaang thli ni.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 2:24

“Tede Tiatira khaaw kah thlaang-tloe hue lawngtah athe cangpueina te na vai u nawh tih thlaangtloe hue lawngah Seitan kah awlhuep dung a ti u te khaw na cang u nawh. Nangmi te atloe thalrih khatca khaw phueih sak ham ka ngaih nawh.

Olphong 9:11

Ahimi lawng ukkung sengpahrang a khueh u tih te ukkung tah boet nawh ungrawmdung ukkung vanthlaang te ni. A miing tah Hebru awl la Abaddon a miingna tih Krik awl la tah Apollion a miingna. (thui ngaihna tah “phekung” tina ni.)