James 3:14 - Matu Chin New Testament 2006

¹⁴ Tede, na kaw khuiah thlaang uett-eena, thlaang thina, namah ham bueng poekna te na khueh u atah namami kah cuihna dawngah oekthloenna oen ah awltak te oelhtaih u boel.

Matu Bible

¹⁴ Na thinko khuiah thatlainah a thanghap neh koevoeinah na khueh uh atah, oltak te na koevoei thil, na laithae uh thil moenih a?

James 3:14 Iomraidhean Croise

Mathai 27:18

Ahimi lawng Jesuh he a uett u dawngah aana aka khueh Judah hue lawng ka kut ah avan pha sak u tite ahih lawng atheenla a ming.

Johan 16:2

Nangmi te sinakok bok-im khui kalawng n'hek u vetih nangmi te aka ngawn thlaang thli lawng Pathen bii ni ka bi u tila a poekna atue te law ai.

Caeltueih 13:45

Judah thlaang thli lawngah thlaangping te a huh u vengah ahimi lawng uett-eena thinkaw a khueh u; Pawl lawng a thui te khaw a oelh ataih u tih amah te khaw aphawh akhah u.

Caeltueih 26:9

Nazaret khaaw kah Jesuh kawng te oelhtaih thai khui tah ka sai ai tila kamah roe lawngah kaw ka poek.

Caeltueih 5:17

Tecoengah Khawsoeih Bawi oen a paya boeih, te kah aka awm Sadusi thlaang boeih lawng celtuih thli te a uett aham u; tedawngah ahimi lawng thaihu pakhat khat sai hamla awl a khueng u.

Caeltueih 7:9

Jakob ca thli lawng a manau Josep te a uett u tih Iyipt ram ah sal la a yoeih u. Tede Pathen lawng a awm puei tih,

Rom 1:29

Ahimi tah soeprep athe-arana athe thaihu cungkuem, apueh ngaihna, thawlhna oen betoet u tih uett-eena, thlaang ngawnna, tawhsina, thailatna, kawnehna oen be u.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 2:17

Tetih atah nangmi Judah hue metila? Judah thlaangphun la ka awm tila namah oen namah na ti u; nangmi tah phungawl te na uepna u tih Pathen te na oekthloenna;

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

1Korin 13:4

Lungna lawngtah khawdawp a ngaai tih reenna a khueh; lungna lawngtah uett-eena khaw, halangna khaw, Oekthloenna khaw khueh nawh;

1Korin 3:3

metihtiah nangmi tah tahe toe he dilai thlaang thli angla ni khaw na sak u hun. Nangmi tim ah uett-eena awm tih khat oen khat na tawh na thaam u vengah te nangmi tah dilai thlaang la na awm u tih dilai phung la khaw na sak u tite tueng sak nawh aw?

1Korin 5:2

Tedawngah metila nangmi na oekk u thai dai lauh mai? Tetih ohla nangmi tah na kaw the u vetih te ang thaihu aka sai thlaang thli te namami kah bu khui kalawng na hek u ham awm de ta.

1Korin 5:6

Nangmi lawngah na oekthloen u ham awm roe nawh! Nangmi lawngah, “Tawlru yoehca lawng ta-ekk hawl at te a rawi sak.” a ti awl te na ming u.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

Galati 5:15

Tede nangmi lawngah ramsa aka sann angla na awm u tih khat oen khat te na ngeet u tih na khoelh u atah, an noek mai lah, namami oen namami te na phe u kang poen ai.

Galati 5:20

Kutsaimuei bokna oen runkhuenna, thlaang ruunna, khat oen khat thina, tawhsina; uett-eena, thinsana, loehlangna, athloekla phengterna, bu pekbona;

Galati 5:21

Lung-oena, yuuruuina, yuuruui buh hah oen hutaa tawngpa thawlhna; oen ah he ang atloe athe thaihu boeih te ni. N'hu vengah kavan thui u poen angla tahe ah koep kavan thui u: he ang thaihu aka sai te tah Pathen kah Ram te pang thai manawh.

Galati 5:26

Mami lawngah oekthloen ham awm nawh, khat oen khat te thinsa sak ham awm nawh, khat oen khat uett-ee u ham awm nawh.

Galati 6:13

Yahhuivuen aka reet thlaang thli lawng pateng khaw Phungawl te vai u nawh; ahimi lawngah yahhuivuen reet sak ham a ngaih u te tah, nangmi lawngah pumsa dawngah noekna a ngaih u tite ahimi lawng oekthloenna thaai ham mai ni.

Philipi 1:15

Thlaang khatsut lawng atah uet-eena thinkaw oen, khatsut lawngtah tawhthaam ngaihna kawpoek oen Khrih awlthang theen te a thui u tangtang, tede khatsut lawngtah thinkaw ciim oen a thui u.

Philipi 2:3

Nangmi lawngah mah ham bueng poekna, oekthloen ngaihna mai oen ah thaihu khat khaw sai boel, thlaangtloe he nangmi lak ah theen ngaai tila poek poepa langtah pakhat oen khat boe-ngai uh.

1Timothy 2:4

Thlaang boeih he thlawn la awm sak ham oen ah awltak te ming sak hamla a ngaih.

1Timothy 6:4

Oekk-thloen u tih n'tu khaw aka ming nawh thlaang ni. Ahih lawngah awllung kawngah oelhtaih u ham oen tawhsi ngaihna kawpoek theen nawh te a khueh tih, he lawngah uett-eena, awlpuungna, thekhana, atheen nawh uepvoetna, aboet tlaih nawh awlpuungna te a thoeng sak,

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

James 1:18

Pathen lawng amah kah thaihu sai aka hing boeih khuiah lamhacuek huen ah awm ham awltak awl oen ah amah kawngaih angla mami he n'sai poen.

James 3:16

Uett-eena oen mah ham bueng poekna te a awmna roekk atah roeproeina nawh oen athe phun soeprep khaw awm van.

James 5:19

Maya manau thli, nangmi tim ah thlaang pakhat lawng awltak lawngpui te ahang tih aka phell te thlaangtloe pakhat lawng avan law puei koep atah;