James 3:1 - Matu Chin New Testament 2006

¹ Maya manau thli, nangmi thlaang yahawh lawngah cangpueikung la na awm u ham awm nawh. Metihtiah kaimi cangpueikung hue he thlaangtloe lak ah atlawh ngaaila awlcekna ka dang u ai ti he nangmi lawng na ming u.

Matu Bible

¹ Ka manuca rhoek, saya la muep om uh boeh. Laitloeknah tanglue n'dang uh ni tila ming uh.

James 3:1 Iomraidhean Croise

Mathai 10:24

“Sengcamoe lawng saya sawah awm nawh. Bawi sawah tamnaa lawngkhaw awm nawh.

Mathai 23:13

“Phungawl cangpueikung hue oen Farasi hue! nangmi ham khawmap tangkiik! Nangmi thlaangthaipalat hue, nangmi lawng Vaan ram thawhka te thlaang kuun thai nawh ham na khaih khoep u tih namami khaw na kuun u nawh; kuun aka ngaih thli ham khaw awng ham na ngaih u nawh.

Mathai 23:14

(“Nangmi Phungawl cangpueikung oen Farasi hue, nangmi ham khawmap tangkiik! Nangmi thlaangthaipalat hue, huhai thli te na thai na latna u tih a im te na lawh pe u. Thlaang huh atah asanhlangla na thangthui u. He tila na awm u dawngah Pathen kah dantatna a tlawh ngaai la na dang u ai.”)

Mathai 9:11

Farasi khatsut lawng te tila buh a veel haih u te a huh vengah a hubang hue te, “N'tu ah na saya lawng mangmu cawikung oen thlaangthawlh hue oen ah buh haih a caak? tila a doet.

Luka 16:2

Tedawngah ahih te a khue tih, ‘Nang kah kawng alam ka yaak he metila a awmna? Ka thaihu boeih na kuemna cayin te m'pe loeih, nang tah thaihu kuemkung la na awm tlaih manawh.’ a tina.

Luka 6:37

“Thlaangtloe te awl cek boel, tetih atah Pathen lawng nangmi te awl n'cek van manawh; thlaangtloe te sal-aphaam boel, tetih atah Pathen lawng nangmi te n'sal-aphaam van manawh; thlaangtloe sawah khawdawp ngaai u lah, tetih atah Pathen lawng na sawah khawdawp a ngaai van ai.

Johan 3:10

Jesuh lawngah, “Nang he Israel thlaangphun khuiah aka lentloe cang-pueikung la na awm de, he he na ming nawh aw?

Caeltueih 13:1

Antiok khaaw kah khrihcabu khuiah tawngha thli oen cangpueikung thli khatsut tah thoem awm u: Te thli te tah, Barnabas, Simeon (Thlaangmuuem a ti u te), Lucias (Sairin khaw kah), Manaen (ukkungbawi Herod kah thawnpuei) oen ah Sawl, he hue ni.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

Ephesa 4:11

Thlaang he kutdo aka pe khaw amah ni; Ahih lawngah khatsut te celtuih la a khueh; khatsut te tawngha la a khueh; khatsut te awlthang theen thuikung la a khueh; khatsut te pastor oen cangpueikung la khueh.

1Timothy 1:7

Ahimi lawngah Pathen kah phungawl cangpueikung la coengg ham tah a ngaih u, tede ahimi lawngah amami kah awl-thui te khaw yaakming u nawh tih aka ming ceet angla a thui thaihu kawng te khaw ming u nawh.

1Timothy 2:7

Tedawngah ni oengna oen awltak kawng awlthang te phawng ham oen ah Gental thlaangphun te cangpueikung celtuih la kai he n'tuih.

2Timothy 1:11

Pathen lawng Awlthang Theen phawngkung la kai he celtuih la khaw, cangpueikung la khaw n'khueh poen,

Hebrew 13:17

Nangmi aka mawtkung thli kah awl te ngaai u lang ahimi kah awl thui te vai uh. Ahimi lawngah amami kah biibina kawng te Pathen tengah thui ham koei la a awm dawngah duemdawng ohla nangmi kah hingna te a doen a cang u. Nangmi lawng a awl na ngaai pe u atah ahimi lawngah awmngaih kawhoe la bii te a bi u ai; a awl te na ngaai pe u nawh atah ahimi lawng kawthe ruila bii te a bi u vetih nangmi ham hoeikhangna awm manawh.

James 1:16

Ka lungna maya manau thli, poek thawlh u boel!

James 1:19

Ka lungna maya manau thli, he he hilh u boel! Thlaang boeih lawngah awl hutung ham a tat loe sak seh, tede awl thui ham tah a tat hiing sak selang thinsana ben atah a tat yaai u seh.

James 3:10

Kaa pakhat khui kalawng ah koehna awl oen tapvoepna runkhuen pansi awl te thoeng. Maya manau thli aw, te tila a awm ham nawh ni!

1Peter 5:3

Nangmi kut dawngah avan khueh tuu thli te uk khangrang aih boel langtah tuuping kah oett koei la te awm ham yawm uh.