James 2:8 - Matu Chin New Testament 2006

⁸ Caciim dawngah aka awm Vaan Ram kah phungawl, “Namah oen namah na lungna u van angla na imbe te lungnah,” a ti te na vai atah thaihu doeng te nangmi lawng na sai.

Matu Bible

⁸ Boei olkhueng te cacim vanbangla na soep sak atah na imben te namah bangla lungnah lamtah buelh saii.

James 2:8 Iomraidhean Croise

Mathai 22:39

Pahihna awlpeek aka lenduet tah pakhatna angla, “Na imbe te namah pum na lungna angla na lungna ai.’

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Mathai 25:23

A bawi lawng ‘Theen tangkiik, Nang khaw tuihyoeihthlaang ueppang koei la na awm. Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law lang ka awmngaihna khuiah kuun van lah,’ a tina.

Mathai 7:12

“Thlaangtloe lawng na sawah thaihu theen sai seh tila na ngaih van angla thlaangtloe tengah sai van lah; He tah Mosi Phungawl oen tawngha thli kah thuituen ngaihna tangtang ni.

Rom 13:10

Thlaang pakhat te na lungna atah meveng khaw a sawah athe te na sai roe manawh; tedawngah Phungawl boeih asoepla vaina he tah lungna ni.

Galati 5:14

Metihtiah Phungawl boeih he, “Namah oen namah te na lungna u van angla na imbe lovaai te lungna lah” tila a thui awlpeek pakhat dawngah cui boeih poen.

Galati 6:2

Pakhat oen pakhat thalrih phueih te talawng takai u langtah, te tila te Khrih kah phungawl te vai uh.

Philipi 4:14

Tede raina ka tawng vengah nan bawm u he nangmi kah theenna ni.

1Thessalonika 4:9

Nangmi lawng aka oeng na paya laikoei thli lungna ham a kawng te capat kavan thut ham ngoe nawh. Nangmi khat oen khat lung u ham Pathen lawng namami te n'cang puei u poen.

James 1:25

Tede a-u khaw thlaang aka loeih sak aka soep phungawl dawngah te anepla dan u tih a harukna, hutung hong la hutung doek tih hilh pahoei mai ohla ataktangla a hawna atah te thlaang te a saina boeih ah Pathen lawng yotheenna a peek ai.

James 2:12

Mami loeihna pekung phungawl lawng awl a cek ham koei thlaang angla te awl thui u lang bii te bi uh.

James 2:19

Nangmi lawngah Pathen pakhat bueng awm ti he na tangna u. Theen ngoen! Raai thli lawngkhaw a tangna u tih rihna oen thuen u.

James 4:11

Maya manau thli, nangmi pakhat oen khat thuitheet u boel. A-u khaw khrihca maya manau te a thuitheet tih awl aka cek tah Phungawl te a thuitheet tih awl a cek poen ni. Nang lawngah Phungawl te awl na cek atah, nang tah Phungawl te aka vai thlaang pakhat la na awm tlaih nawh tih awlcekkung la ni na awm poen.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.