James 2:21 - Matu Chin New Testament 2006

²¹ Mami kah patuer Abraham he metila Pathen oen roeproeina te a dang? A capa Isak te boknathaang dawngah Pathen tengah luciik la a nawn tih te kah a saina rang oen ni roeproeina te a dang.

Matu Bible

²¹ A pa Abraham tah a bisai neh a tang moenih a? A capa Isaak te hmueihtuk dongah a nawn ta.

James 2:21 Iomraidhean Croise

Mathai 12:37

Na dok oen na tangna te mingna ham namah kah awlthui te awlcekna ham a hawna ai.”

Mathai 3:9

Abraham tah cuunkung patuer ni tila thui mailai oen dantatna kalawng ka loeih ai tila poek hau u boel. Pathen lawng he kah lungto thli he a lawh vetih Abraham cadil la a sai thai ti he kavan thui u.

Luka 1:73

Mami he raal kut khui kalawng loeih sak ham oen ah rihsakna awm ohla amah bii te bi hamla mami kah patuer Abraham tengah awltaap oen awl a kam,

Luka 16:24

Te atah paang tih a khue, ‘A pa, Abraham! Kai he n'reen mai langtah Lazaruh te van tuih lah, a kutpue te tui dawngah nuemm selang ka daang he van suul lah seh, he kah hai khuiah he patang ka khang sut oh poen!’ a tina.

Luka 16:30

Kuirang thlaang lawngah, ‘A pa Abraham, tete khoek nawh! Thlaang pakhat khat he duekna kalawng tho tih cet kawinih ahimi lawngah a thawlhna te yut ai,’ a tina.

Johan 8:39

Ahimi lawngah, “Abraham tah kaimi na pa ni.” a tina u. Jesuh lawng awl a thung pe tih, “Nangmi he Abraham kah ca anau taktak atah ahih lawng a sai thaihu te ang te na sai u van ai ta.

Johan 8:53

Kaimi kah pahaam Abraham tah duek poen; nang he Abraham lak ah ka lenduet na ti aw? Tawngha thli khaw duek poen. Namah oen namah te a-u la na ngaai u?” a tina u.

Caeltueih 7:2

Stefen lawngah, “Maya manau oen a pa thli, ka awl thui he hutung u lah! Mami kah patuer Abraham he Haran ah awm hamla a ceh thlan ah Mesopotemia khaaw ah a awm vengah te ruep-awm Pathen te a tueng pe tih,

Rom 3:20

Phungawl vaina rang oen Pathen haiah a-u khat khaw thlaangdoeng la awm nawh. Phungawl kah bii sai tah thlaang lawng thawlhna a sai te ming sak ham mai ni.

Rom 4:1

Tetih atah mami kah patuer Abraham kawng he metila n'thui lah ai? ahih lawng n'tu nuem a tawng?

Rom 4:12

Ahih tah yahhuivuen aka reet hue kah Pahaam la khaw awm toengtoeng, metihtiah yahhuivuen reet bueng ohla Abraham lawng yahhuivuen a reet thlan vengah oengna oen a hing angla ahimi lawng oengna oen ah a hing u van dawngah ni.

Rom 4:16

Tedawngah te kah awlkamna tah oengna dawngah akung asut tih Abraham cadil boeih tengah Pathen kah ayoe peek kutdo la awm, phungawl aka vai hue ham bueng nawh tih Abraham angla aka oeng thli boeih khaw awm van. Metihtiah Abraham tah Muithla ben ah mami boeih kah Pahaam la a awm dawngah ni.

Hebrew 11:17

Pathen lawngah Abraham te a noek adak vengah a capa Isak te luciik la aka nawn sak te tah oengna ni. Pathen lawng Abraham tengah ni awl a kam, tede a capa khueh duen pakhat te luciik la nawn ham kamtoen oepsoeh.

James 2:18

Tede thlaang khatsut lawng, “Thlaang pakhat lawngah oengna a khueh tih atloe pakhat lawng saina a khueh,” ti ai. Awl ka thungna tah, “Saina awm ohla thlaang lawng oengna a khueh thaina te van tueng sak lah. Kai lawngtah ka oengna te saina oen kavan tueng sak ai,” ti he ni.

James 2:24

Tedawngah thlaanghing he oengna bueng oen nawh tih saina rang oen ah Pathen oen roeproeina a dang ti he nangmi lawng na ming u.